اكره واحب

الفكر من بعد البطا شرع الباب
................... وقامت بناته تدحم الباب وتحوس

قالو حياما عقب ماطول غياب
................... نظم القصيد اللي به علوم ودروس

وهاض الضمير وكل شيً له اسباب
.................... والبدو ماتنزل قبل ترسل اعسوس

اخذت اقلب مابقلبي من اكتاب
.................... وبيح كنيني عقب ماكان مدسوس

عرفت كيف الرجل في وقت الاكراب
.................... ياطا برجلينه على الصعب ويدوس

ولقيت في قرب النشاما لي اطباب
.................... والا من الرديان مبعد ومنفوس

اكره ثمان اصناف من بعض الاعراب
.................... المصلحه والبخل واضعاف النفوس

واللي يساوي بين عدوان واصحاب
.................... واللي ورا المقفي بالاقدام مديوس

وراع الكبر واللي جحودن ونصاب
.................... في بعدهم عيد ومعزه وناموس

واحب رجلن فالمواقيف الاصعاب
.................... لاكشرت دنياك والوقت معبوس

يصير لك دون العنا ستر واحجاب
.................... يلبس ثياب الطيب من خير ملبوس

والله لاتي له ولو دونه اهضاب
.................... لوكان داره من ورا حد طرطوس

الموت حق يفرق اصحاب واقراب
.................... وتصير في قبرك عن الناس محبوس

اما بقا ذكرك معا عكف الاشناب
.................... والاالعرب صارو على ذكرك انعوس

ارحب ياماجد تراحيب المطر

وصح لسانك وبيض الله وجهك

قصيدك وافي وانت وافي ياقحطاني جعل أيامك سنين

صراحه بغيت اقتبس بيت بيتين لقيت القصيده كلها كفو

والله يبعد منا ومنك الاصناق الثمانيه اللي ذكرتهم فالقصيده

لاتحرمنا الجديد وننتظرك ياكحيلان

تحياتي وتقديري لشخصك الكريم

اخوك / أبو عساف

__________________

صح لسانك وأعتلى شانك يا قحطاني...


قصيده من شوارد القصيد...


نقف أجلالاً لك يابو شارع...


لا هنت على القصيده المعبرة


أخوك / سيف عبيدة...

صح لسانك اخوي ماجد وبيض الله وجهك


مشكووووووووور

__________________
غنيت ما قصدي طرب في حياتي لاشك من دورات الايام غنيت
يالله ياللي تعلم الخافيـــــــــاتي انك تمشـيها على ما تمنيت

الشاعر ماجد بن شارع العاصمي


صح الله لسانك مليون / ولايسدون


نص جزل ومن العيار الثقيل


وجعل الاصناف الثمانيه فدوةٍ لك


ولاتحرمنا تواجدك

ارحب يابوعساف

وشهادة منك اعتبرها فخر

ارحب ياسيف عبيده

واعتز بشهادتك ياقحطاني

ارحب يانايف ووجهك ابيض