حدّة الحاجه كريمين السّبالي يسمعون أمر الرّدي ويطاوعونه

24-12-2005, 09:19 PM

سيل الرفايا

عضو

تاريخ التسجيل: Dec 2005

الدولة: جرّ الوادي

المشاركات: 49

حدّة الحاجه كريمين السّبالي يسمعون أمر الرّدي ويطاوعونه

[frame="9 80"] قال من عدّى حجا نفنوف عالي
ضايق(ن) صدره وزايدة(ن) شطونه

أبدع القيفان من ضيقات بالي
والغنا ماهو بتخفاني لحونه

هاضني ياهل الوفا شي(ن) طرالي
وقلت قول(ن) بعلنه للي يبونه

أشهد أن العز في كثلر الحلالي
والعرب من قلّ ماله يكرهونه

من معه مال(ن) تراه يصير غالي
والفقير الناس لازم يرخصونه

يرخصه حتى الرفيق اللي موالي
وأسرته ليقل ماله يبغضونه

لايريده لاعمام ولا خوالي
ويمكن ان عيال أبوه ايقاطعونه

والله لو هو مثل أبو زيد الهلالي
مايحسبونه ولايستعبرونه

والغني لو كان مايسوى ريالي
غالي(ن) عند العرب ويقدّرونه

ويمدحونه كل ماجاله مجالي
ون بدى له لازم(ن) يقضون شونه

لو ذليل(ن) يخلعه زول الظلالي
مايكافح لو بيدفل في عيونه

أو بخيل(ن) عن مزايا الجود خالي
يأخذون ابخاطره ويجاملونه

عندهم هرجه كما السّمن الزلالي
والفقير أليا هرج يستنكرونه

كم يعز المال من جرف(ن) هيالي
وكم عزيز(ن) معسر(ن) كثرت ديونه

وكم ردي(ن) حيث بيده راس مالي
جاو عكفان الشوارب يخدمونه

حدّة الحاجه كريمين السّبالي
يسمعون أمر الرّدي ويطاوعونه

وغيّرة مجرى الدّهر سود الليالي
وأختلف طبع الخلايق عن يكونه

واليمين اليوم تغلبها الشمالي
والعوارف مقصدي مايجهلونه

كلّ من كثرت فلوسه مايبالي
ون خطب عند الرجال ايجوزونه

والبنيّ البيض حلوات الدلالي
من عجز في المرجله عافن فنونه

والمراجل ماتهيّا للرجالي
غير من عقب أجتهاد(ن) يبذلونه

من يبا كسب العلا سهر الليالي
والكسل يرّث لراعيه المهونه

صدّقوني يامداغيش العيالي
أتركوا نوم الضحى لاترقدونه

ودّي أرشدكم ولو ما أرشدت حالي
منصح(ن) بالنصح للي يقبلونه

والرجا يالعارفين من الرجالي
لابدى منّي قصور اتكمّلونه

وأسمحوا لي يالنشاما في مقالي
والسلام ختام للي يسمعونه

قالها اللي ذايق(ن) مر(ن) وحالي
له روابع وأخلفت بقعا ضنونه

حمد بن هادي المسردي( رحمه الله ]
[/frame]

__________________
[frame="10 80"][frame="10 10"]

سلام الله سلام(ن) يعبّره الضمير

لأبن عم(ن) لازهمني بآقوم بلازمه

فيه من حق الخوي بالوفا شي(ن) كبير

راعي اوقوع(ن) تنومس ولحيه غانمه

أعتبرني في الصّداقه بمنزلة الشوير

وأبشر انك مثل حزم(ن) تبين امعالمه

أبو قالط

[/frame][/frame]

24-12-2005, 10:26 PM

ابن شطفان

عضو متميز

تاريخ التسجيل: Jan 2005

الدولة: أرض الله الواسعة

المشاركات: 991

الله يرحم الشاعر الكبير حمد بن هادي المسردي ...

قصايده كلها رائعة و معانيها غزيرة ...

الله يرحمه برحمته الواسعة و يتجاوز عنه ...

مشكوووور و لا هنت يا بو قالط على القصيدة الرائعة ...

لا تحرمنا جديدك ...

أخـــ ابن شطفان ــــوك

__________________

BB PIN: 21CD7379

25-12-2005, 12:01 AM

محمد الحياني

.: مشرف ســـابق :.

تاريخ التسجيل: Aug 2005

الدولة: k . s .a

المشاركات: 8,767

محمد الحياني has a reputation beyond repute

اخوووووووووووووووووي

الغالي ابو قاط صح لسانك

وابيض وجه يالغالي

__________________
« اللهم كما أحسنت خَلقي فحسن خُلقي »

25-12-2005, 09:45 AM