مجموعه قصائد غزليه ( للشاعر مشبب بن عشق بن فهم ال عاطف ) روووووووعه

هذه القصيده بعنوان
( صفحه زمانك )

بالله ماتقرين صفحة زمانــك
بالله ماشفتيه حلمٍ رسمتيــه
تمعني فيها ويبقى كيانـــــك
ولو ماقريتيها كيانك هدمتــيه
ماقول لك غلطه غلطها لسانك
ماكنت أدقق في كلام حكيتيه
يامهاجره وشلون هاجر حنانك
أموت واعرف وين عقلك موديه
رحتي وانا اللي كنت رهن لبنانك
وفي مسمعك منحوته حروف لبيه
وكل القصيد اللي كتبته عشانك
سحاب صيف وغلطتي يوم اغنيه
مرحوم ياقلبٍ وفى لك وصانك
ويعظم أجرك في خفوقٍ ذبحتيه

بسم الله الرحمن الرحيم
( يضيق بالي )

يضيق بالي بين ساعـه وساعـه
يارب تلطف بي ليـا ضـاق بالـي
أسج وأدله عـن وجيـه الجماعـه
وأرحل مع فكـر ٍ سرابـه خيالـي
سبايبـك ياللـي نويـت القطاعـه
في ذمتي لاماك هـي راس مالـي
لوتسألين القلب وش هو انطباعـه
ردَت دموع"مالـهـا اول وتـالـي
أبحرت في بحورك وكلي شجاعـه
وتلعب بي امواجك يمين وشمالـي
في مركب"صـدق النوايـا شراعـه
مجدافي اشواقي وصرخـة تعالـي
وقلب"تفحم مـن لهيـب إلتياعـه
والليـل ظلمـه والبحـر زادهالـي
ياوالله اللي شوفتـي لـك طماعـه
ويابخت عين" تلتقي عيـن غالـي
صارت عيونك في عيوني وداعـه
مرسومةٍ في الموق واعـز تالـي
أنتي زهاب الشوف وأنتي متاعـه
وأنتي طموحي وانتي اللي مضى لي

(( يا مـــعــذب المشــتــاق )))

نويـت أسـوي خاطـره بـس هونـت
الخاطـره تبغـى مـهـاره وتكتـيـك
أنـا اعتـرف بالخـاطـره ماتمكـنـت
وانـا ادري ان الخاطـره دوم ترضيـك
يالصاحب اللي في الزمن صرت انا وانت
اشيـل همـك وأكـره اللـي يعـاديـك
نـاسٍ تـمـوت بغيظـهـا لا تفنـنـت
في شعري اللي مـن غلاتـك يطريـك
لـو كنـت ادور للتفاخـر تفرعـنـت
قحطان جدي مـن عصـور المماليـك
بس التواضـع شيمتـي ويـن ماكنـت
متجر مكـارم والوفـا صارفـه شيـك
اما انـت يالمحبـوب معـذور لاهنـت
إجرح مـادام عيـون قلبـي تراعيـك
معقـولـه انــك بالـغـلا ماتيقـنـت
يامعـذب المشتـاق بالله وشفـيـك ؟؟
انا ادري انك بالهـوى سالـف آمنـت
واليـوم ترمـي لـي بقايـا بـلاويـك
وانـا مـع الهوجـاس يامـا تحضنـت
طيفـك وصوتـي كـم تقطـع يناديـك
ومهما حصل لوكنـت للعـاذل أذعنـت
بصبـر ولـو ناديتنـي جيـت ألبـيـك
وشكرت ربي فـي الصـلآة وتسننـت
وطلبته انه مـن بـلآ الوقـت يحميـك

وهذه القصيده بعنوان
(((( قطـــــــــــرررهـ سحابه ))))

الهم والهوجـاس والدمـع والليـل
والحب وأنفـاس الهـوى والكتابـه
واحلى الخواطر والورق والقناديـل
وسحابـه" مامثلهـا مـن سحابـه
والآنطوائيـه وجــر المـواويـل
لآ اسدل علي الليـل باقـي ثيابـه
أغمض عيونـي وجنبـي مناديـل
يمكن بكى الوافـي يخفـف عذابـه
متى يغيب المـرزم ويطلـع سهيـل
فعـلا" نجـوم الكـون لا ماتشابـه
الوقت يمضي والرجا في المراسيـل
ياشين تعليق الآمل فـي الأ جابـه
يابو عشق ياخوك ياشمعـه الجيـل
ياعزوتي وقت الوغـى والحرابـه
ياخوك مـاودي بشـرح التفاصيـل
خايف عليك تـذوق حـر الصبابـه
سافر ترى الدعوى وربي تساهيـل
اخـوك ذيـب" مايهـاب الذيـابـه
شامخ ومتعود على الحـط والشيـل
وحتيش لـو وقتـي مكشـر بنابـه
شفت البروق وشفت من عقبها سيل
مير البلا منتوجهـا شـوك غابـه
والدله الـي ماتبهـر مـن الهيـل
فنجالهـا يأخـوك وش ينبغـى بـه
مقيولـه" قبلـي ومابـه عراقـيـل
مانيب من ياتـي وتظمـى ركابـه

دمت بهذه الجزاله يابوعشق
قصيده موجهه الى اخيه فهد

خلوني أبكي وأغسـل العيـن تكفـون.....يمكـن دموعـي تمسـح طيـوف خلـي
الـراس عاقـل لـكـن القـلـب مجـنـون.....تكفـون والله مـاعـرف وش حصـلـي
هـذي سواتـي والهـوى كلـه طـعـون.....دارت بــي الدنـيـا وأنــا فــي محـلـي
أحيان أحس أني على الناس فرعون.....وأحـيـان أدور وجــه مـكـه وأصـلـي
ياوجـد روحــي كــل مـامـر مـزيـون.....يـطـري عـلــى بـالــي نعيـم"مـولـي
يابوعشـق مــاودي الـنـاس يــدرون.....لاشــك تبـقـى يافـهـد عــزوة" لـــي
حـتـى ولونـاديـت تـكـفـون تـكـفـون.....انت الوحيد اللي عرف وش حصلـي

( الخيآلي حقيقه )

لو كنت أنا المجروح مجذوب يمك
واللي خلق زينك تراها الحقيقـه
من طيب قلبي شايل شهور همك
يالله عسى ماجاك في البال ضيقه
أتنفسـك وأتخيلـك ثـم أشمـك
مع نسمة ورودي ولو هي حريقه
وأشتتـك ميـر القصايـد تلمـك
أحاول أنسى وماعرفت الطريقـه
لبيه ياصوتـك وزفـرات فمـك
تنفسك خلينـي أسكـن شهيقـه
ياثقل خطواتـك وياخـف دمـك
ياروعتك فيـك الخيالـي حقيقـه
في ذمتي حتى الشعـر مايتمـك
يعجز جديده والعزا فـي عتيقـه
أصعب مهمه وصفك اللي يهمـك
من هو يحققها ملك لـه وثيقـه
وثيقةٍ ضمت رضـاك وتضمـك
ومن بعدها حسب الشريعه عشيقه
ياليتني والله مـن عيـال عمـك
ماكنت اعانيها الجروح العميقـه

وهذي مجااره رائعه ابدع فيها شاعرنا وصور لنا أبيات في قمه الابداع
قصيدة شاعر العرب : سلطان بن الهاجري ( ياغبيش بن خليل )

ياغبيش بن خليل سلم على عمير... بلغ سلامي لبن عمي وقله
يقولها سلطان شوق الغنادير ... الشاعر اللي ماتغير محله
متميزٍ من بين كل الشعاعير ... وقت الهدد هو كاسب الصيد كله
بان اعتذاره للرجال المناعير ... وانا اشهد انه مابدر منه زله
حبيت اجاريها وانا مقصدي غير ... لو كان شعر الهاجري مانمله
الحب معميني وانا عادني صغير ... ياوجد حالي لو كشفت الادله
تبكي معي ناسٍ على حبها تغير ... عشاق كلن يسرح بطيف خله
يادمعةٍ في ناظري دايم تحير ... ولرمَشت صارت ديمةٍ مستهله
على وليفٍ راح من غير تبرير ... احرق زهر قلبي عقب مااستحله
خلوني ارحل واترك الحب واسير ... حتى وانا المكسور دربي بدله
واليوم ياعشاق وش عاد بيصير ... لاصار قلبك سلوته تســـتغلـــه
ومهما حصل يابنت بذكرك بالخير ... ويقطعك ياحبٍ وراه المذله
وياللي تـقول ان المحبه نواويـــر ... اسمع جوابي وإن تضايقت خله
الحب عمره مايـجـيب التباشير ... إلا مــــع خـــلٍ عـلى سنـة اللهـ

وفي النهايه مهما كتبت من الحروف
ومهما وصفت فلن اوفي هذه الباذخه حقها
قصائد رائعه وسابقى ارددها يومٍ بعد يوم
لله درك من شاعر مبدع صح السانك حتى ترضى
تقديري وأحترامي للجمييع
أخوك / آبن فهم ال عبدان

المصدر : آبن فهم ال عبدان

__________________

[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
تدري وش اللي يكره الناس في الناس = مشاعرك لو تدري انها يتيمه[/poem]

__________________

تدري وش اللي يكره الناس في الناس مشاعرك لـو تـدري انهـا يتيمـه

__________________
[frame="10 60"][/frame]

[poem=font="Traditional Arabic,6,white,bold,normal" bkcolor="darkred" bkimage="" border="none,medium,gray" type=4 line=0 align=center use=ex num="0,black"]
رمتني احلامي على شاطي الياس=يامركب احلامي تراها ظليمه
أنا اليتيم اللي عشق كل نوماس=يمشي على نهج الرجال الحكيمه
يرسم طموحاته مع كل نسناس=ومايدري ألآ هو يجر الوسيمه
مرت ثلاثينه ولارياق يباس=وما قد شبح له من أمانيه ديمه
ياحلم أنا لو كنت لك مرهف احساس=من خلقتي ماذقت طعم الهزيمه
حقي عليك تزورني تذبح ألياس=مابيه يكبر دام عندي عزيمه
عهدٍ علي ياحلم وان عاش ذا الراس=لاجيتني تلقى السعد والغنيمه
وابوح لك سر(ن) وبالحيل حساس=ضمه بقلبك واسكنه في صميمه
بقولها جمله ومن بين الأقواس=لاشك تفهمها العقول الفهيمه
تدري وش اللي يكره الناس في الناس؟؟=مشاعرك لوتدري انها يتيمه[/poem]


للشاعر / مشبب بن عشق العاطفي القحطاني

__________________

[poem=font="Traditional Arabic,6,white,bold,normal" bkcolor="darkred" bkimage="" border="none,medium,gray" type=4 line=0 align=center use=ex num="0,black"]
ياناس انا في حلم ولاحقيقه=شي نظرته ليتني مانظرته
كن النعاس بموق خلي مفيقه=وذيل السمك في كحلها مبتكرته
والمبسم اللي جمرها لي حريقه=والثلج يطلع لي وأنا ماومرته
والخد برق(ن) ناض وأضفى بريقه=نور(ن) تجلى ب ليلها اللي نثرته
هذي روايات الجمال العريقه=وأنتي الأصل فيها وأنا اللي ظفرته
عامين غبتي والأماني مويقه=ليتك عرفتي وش شعور(ن)شعرته
تعالي بجنبي وقولي الحقيقه=تراك في دمي وأنا ماهدرته[/poem]


الشاعر : مشبب بن عشق العاطفي القحطاني

__________________

[poem=font="Traditional Arabic,6,white,bold,normal" bkcolor="darkred" bkimage="" border="none,medium,gray" type=4 line=0 align=center use=ex num="0,black"]
ياخوك انا هايم وعاشق وملهوف=وبشرح لك اللي صار لي وانت غالي
انا وليفــي يافهــد أربع حـــروف=ويبدا بــحرف الميـم ياويــل حالـــــــي
دقات قلبي كـنـها طبول ودفوف=ونار الصبابه محــرقتــني ليــــــــالـــي
قابلتــه بلبــنان والعالــم وقـــــوف=للتلفريك اللي عن الارض عالــــي
ماسك سرى والناس من حولي صفوف=وكلن على ماقيل داله وسالي
وصارت تناظرني ونظراتها سيوف=يمكن عشان إني وحيدٍ لحـــــالــي
وقالت تعال وصابني عقبها خوف=قلت أرحبي بـس أنتي اللي تعالي
يابنت حتى الوضع لوصار مكشوف=نفسي عزيزه واعرفي وش خصالي
ثم اقبلت والناس بعيـــونها تشـوف=وقالت لك الله لاتزيد انفعــــــالي
تفضل ارقامي ولا تحرق الــجوف=كـني لمحتك مرةٍ فــي خيـــــــالـــي
وأقفت وانا ياخوك حاير ومخطوف=ليتك تشوف اللي بعدها جرالي
إسمه يحرك في العــرب كل غضروف=من روس قومٍ للخطر ماتبالي
ومن يوم قفت قلت مانيب مكلوف=وجوالها يـحرم عليه اتصـــــالـي
لحدٍ يقول اعـجاب والقصــد معـروف=بموت واحيا ماابتليت الرجالي
واليوم انا ياخوك هايــم وملهــــوف=ونار الصبابه محـرقتـــني ليـــالي[/poem]

الشاعر مشبب بن عشق العاطفي

__________________

[poem=font="Traditional Arabic,6,white,bold,normal" bkcolor="darkred" bkimage="" border="none,medium,gray" type=4 line=0 align=center use=ex num="0,black"]
اعصير وعيوني على قمة طويق=حاولت أواصل نظرتي لكن ازريت

مشتاق رجمه لكن احتاج تدقيق=ياليتني ماارمشت بالعين ياليت

هلت دموعي يافهد دون تلفيق=أبكي قهر في ذمتي ماتباكيت

ماعاد شفت طويق عالي الشواهيق=الدمع معميني وصدري تناهيت

ذكرت خلي يافهد وأبلع الريق=أرجع العبره وقلبي لها بيت

وأقول يادمع ابتسم للمخاليق= ويلعنك يافراق(ن)على غير توقيت[/poem]


الشاعر مشبب بن عشق بن فهم العاطفي

__________________

[poem=font="Traditional Arabic,6,white,bold,normal" bkcolor="darkred" bkimage="" border="none,medium,darkred" type=4 line=0 align=center use=ex num="0,black"]
البارحه ناداني وقلت لبيه=صوتٍ توحيته وانا فاقده عام
يانوم لاتلحق عيوني مشاريه=ماعاد تغريني طيوفه بالاحلام
إحساسي بصوته وانا برحلة التيه=أرحم من احلامٍ تجي كلها أوهام
ياصوته المبحوح لوقال لي ليه=عايش على ذكراي والحب مادام
باقول حبٍ ضاع مانيب ناسيه=إلا لوني ناسي اركان الاسلام
ياملهمة شعري وأجمل معانيه=وشلون بنسى عشرتك سبعة أعوام
الشعر من بعدك كرهته ولابيه=لومملكة الاشعار تعطيني وسام
قولي من اكتب له قصيدي واغنيه=في ذمتك ماهي معاناة وآلام
أنتي بنيتي الشعر وانتي هدمتيه=وش ذنب هالعالم وشرهاتها جسام
وانا الضحيه والشعر كيف أوفيه=محروم من بعدك ولا عندي احلام[/poem]
الشاعر مشبب بن عشق العاطفي

__________________

ارررررررحب يابو عشق وبيض الله وجهك على نقل قصائد مشبب شاعر جزل ووافي لاهنت يالقرم