مرثية بارق الشرق : غطرفي يارمال وزغردي يالحود !!!

[poem=font="Simplified Arabic,4,darkblue,bold,normal" bkcolor="sienna" bkimage="backgrounds/23.gif" border="solid,4,darkblue" type=2 line=0 align=center use=sp num="0,black"]
غطرفي يارمال وزغردي يالحود = فرحة(ن) للمقابر يوم جاها فهد
تفرح بضمة العاهل عريب الجدود = كل شبر(ن) تمنى ضمته واستعد
لك طموح عظيم ماتحده حدود = ماقدر فيه جسمك ثم تالي قعد
ماتلام الرجول ولاتلام الزنود = مايجاري طموحك يالسنافي جسد
وأنت حاكم ثراها في وقوف وقعود = شاهد(ن) لك عدوك قبل عم وولد
يسهر الليل كله والخلايق رقود = يعرف إن المعالي ماتجي لو رقد
صحتك في نزول وهمتك في صعود = والله اللي عطى لك همتك والجلد
راح باذل حياته قبل بذل الجهود = راح راسم خطوط أفراحنا والسعد
دعوة(ن) فـ الركوع ودعوة(ن)فـ السجود = للزعيم المحنك قايد أطهر بلد
كل شهم تمنى له جنان الخلود = يرحمه اللي منزل قل هو الله أحد
غطرفي يارمال وزغردي يالحود = فرحة(ن) للمقابر يوم ضمت فهد[/poem]