نبذة وبعض القصائد للشاعرة بخوت المرية


مجلس الديار و قصص وسوالف من الماضي خاص بديار قحطان والقصص والسوالف والأشعار القديمه لقبيلة قحطان

موضوع مغلق
قديم 26-01-2006, 04:28 PM
  #1
أمير الظلام
عضو
 الصورة الرمزية أمير الظلام
تاريخ التسجيل: Dec 2005
المشاركات: 71
أمير الظلام is on a distinguished road
افتراضي نبذة وبعض القصائد للشاعرة بخوت المرية

الشاعرة بخوت المرية
نسبها

بخيتة بنت عايض ال عذبة المري المعروفه بأسم بخوت

موطنها :
عاشت بداية عمرها جنوب منطقة الاحساء مع والدها على عد (الزرنوقة) وكذلك حول بير (فاضل) وكلاهما موارد لقبيلة مرة

حياتها الاجتماعية
كانت يتيمة الام وقد تزوجت ثلاث مرات ولكن لم ترزق بذريةوقد عاشت في بداية حياتها مع والدها عايض المري،
تنتسب بخوت لعائلة آل منيره ... والذي يقطن غالبيتهم في مدينة المره بجنوب قطر

شاعريتها:
كتبت بخوت الشعر وهي في سن مبكرة في الثامنة من عمرها تقربيا ولقد تطرقت لجميع اغراض الشعر النبطي من مدح وغزل ووصف ورثاء ومحاورة
والشاعرة هي عمة ( الشاعره العملاقه .. الراسيه )
وفي غزلية رائعة :

ليته يناديني وانا بس اناديه = واجاوبه ياحسين ولو كان مره

عليه قلبي يابسات عراويه = اقفا ابقلبي من ضلوعي يجره

ذالي ليال قاعده في حراويه = ليننها زادت على المضره

قمت اتوجد وجد من مات غاليه = قبوه اقباله كل يوم يمره

أو وجد من خاوه والليل ممسيه = ينخا ولا حد من هل الهجن مره

خلي طريح والضواري اتحاضيه = بالمقطعه وامقابله ضلع حره

على الذي ماشفت حي ايحاليه = شيخ على القوم المعادين شره

وفي اجمل قصايدها قالت :

جيت النازل خاليه ما بها اوناس = من عام الأول ارضها ما وطي به

ولقيت مرح أهل المروات دراس = علمه بهم يا بو مطر علمي ابه

مريتها يوم المعاليق يباس = ونزلتها يوم الضماير عشيبه

وونس بصدري واهج الحر حماس = احسب من فارق هله لي يجي به

واقفيت كن ابسرت القلب مراس = واقنب كما يقنب من الجوع ذيبه

واعول كما تعول على البو عرماس = ومن لامني جعل حواله عطيبه

باللي يفكون الطلب عقب الادماس = ربعي مصخرت العدو بالغصيبه

اليا منهم ركبوا على سرج الافراس = وتحيزموا من فوق قب عريبه

اليا اعتزوا ببعير عالي الساس = خلوا على جمع المعادي حطيبه

ذكر الموده للعرب ما بها باس = لكنها على المولع مصيبه

حب الرفاقه شيب القلب والراس = وباق الموده له بديل قريبه

باقي العرب تلقا بديله مع الناس = واخوك لو درت البدل ما لقيبه

مـل قلـب(ن) فــر وأفتــر مثـل المـروحـه =فـرهــا فـرت جـديـد قوي(ن)سيرهــا
ان ضحك لي صاحبي سر قلبي وافرحــه=وان تغلى صاحبي زاد عيني شرها
صاحبي ناوي يذبحني وانا مقوى اذبحه=شب في كبدي سنا نار زوّد حرهـا
وقالت رد على من علق على جراءتها الشعريه
العب المنكوس وارفع بصوتي ماعلي =من هل المنقود واهل العلوم الهينه
يقال انه كانت لها قصة عشق بين أحد ابناء عمومتها ويدعى " محمد "
وكانت لا تخجل من هذا العشق الطاهر بل كانت تجهر به وكانت تذكر محمد
في اغلب ابياتها وهذه احد ابياتها فيه ...
ياهل البيت المطرف تراني يوم جيت =عندكم لي حاجة(ن) واستحي ماقولها

ايضاً في محمد ...

المحبه لا سطت ما يعالجها الطبيب=روحتك ياصاحبي ليت ربي لدها
عادة الدنيا تفرق حبيب(ن)عن حبيب=وقطعش يارفقة(ن) والمفارق ضدها
أما في وصف السيارات فقد برعت الشاعره فيه

تل قلبي تل فرت(ن)على سبر العجل=عشقه راعيه والحوض تحته قد ملاه
ان تسنّــد عشّقـه ثم لـده بالـدبــل=وان تحـرر ريّحه لين ياصل منتهـــاه

لها في الأحلام

البارحه والحبايب كلنا لما=يوم اصبح الصبح كل(ن) راح في داره
حسبي على الحلم يكذب جعله الهما =ســوّى بحالي كما عــود ونجـــاره

قالت ايضاً في ابن عمها " على " وكان بمثابة الأخ لها والأقرب إليها
ياعلي ياخوي وين بدواني غــدو=لا خبـر ولا مـديد ولا قلبي بنيـس
راحوا العربان في شف قطعان البدو=في هوى الخلفات ماراوزوا يوم الخميس
نحف حالي ياعلي نحف مدراة السدو=وزوع قلي زوع حر (ن) إلى شاف القنيص
ولها ايضاً في الحكمه ...

تــل قلبي تل طيـر(ن) على الجول مهـدود=يطرد المقفي وطرد المقافي كايـــده
مهبلك ياللي تبي الوقت الأول لك يعود=من يرده كون محيي العظام البايده

نوادر من قصائدها
جعل وبل الغيث يسقي ديار المفرعين=منزل اللي كن حديثة حليب معدّية
ضيقيتي في خاصري دايم ماهوب زين=قومي اللي سم حالي وبيح سدّية
ان سجنته قام يتبع دروب الدالهين=وان نشدته قال انا علتي متعدّية
ان بغى خلي جنابي فلا غيره ضنين=وان بغى يقفي فيقفي مراح مودّية
ومن نوادرها ايضا هذة القصيدة اللي تشبه فية الحرية واستعادتها مثل طير شاهين ربيطة السبق
زوع قلبي زوع طير قطع قد هو حكير=من شياهين البحر واستخل اهجارها
كل ما صاح االمصيح تعلوت تستدير=عقب ما هي حكرة سعدها بطيارها
وهذي الابيات قالتها بخوت عندما كانت اختها تعالج من مرض السرطان في لندن وكانت الشاعرة في ارض الوطن حيث قالت هذة الابيات تشكر الذي صنع جهاز الهاتف وتتمنى مرافقة اختها ( نوره) التي وافها اجلها المحتوم هناك حيث قالت
عسى من صنع ذا الهاتف ايدية ماتنشل =عسى دارة الوسمي يخرب بساتينه
تعلا الحرارة وان تكلمتبه تنزل=على صوتهم قلبي تريح شرايينه
وجودي على طيارة صوبهم تنتل =علشان مستشفاه باجي مصاخينه
وقالت كذلك في وصف ناقتها الت ي كانت تسميها (ذروة)
كن ذيل ذروة راس بنت على زيان =يازين شوفه في العراقيب يجتالي
يازين شوف حوارها بارك ريان =في حرف روض والمضاهير نزالي
وقد تكلمت بخوت في قصائدها عن السيارات وطريقة قيادتها وانواعها ومن هذة الابيات قولها
المرسدس محلاه في طلعت ام حويض= اليا عطي ثالث جاوب السير شكمانه

ونلاحظ هنا دقة التعبير والوصف في هذا البيت
اما المحاورة نذكر لها هذة المحاورة مع الموت
بخوت المرية:
اشهد شهادة حق ما تستحي يا موت =وانا اشهد ان ما فيك ميز(ن)ولا شيمة
الموت:
صلاتش ردية والحكي زور يا بخوت =وكل خذيتية من هله وانتي مقيمة
تقول بخوت المريه وهي أشهر من تكلم عن السيارات من النساء :
حن قلبي حن (( ماك )) على سمر العجل=عشق السواق والدرب ممسوك(ن) وراه
إن عطا مع طلعة(ن)عشقوا له الدبل=وإن تسهل ريحه لين ياصل منتهاه
ما بشفي لا دريول ولا ريس عمل=شفي اللي كل ماشاف براق(ن) رعاه
صبي أهله قطين(ن) على عد(ن) جاله عبل=طيب(ن) للبل وراعيه مايقطع ظماه
ونتي ونة خلوج(ن) ولدها مابعد جدل=تشرف المرقاب للذود وتعود وراه

وتقول أيضاً :
ياحن قلبي حن ماك(ن) مع الطلعات=ليا عشقه بالعايدي والدبل جره
جرمة ثقيل وحملوا فوقه البيبات=ويدعس عليه ببنزينه ولا سرّه
انا دمع عيني بالدقايق وبالساعات=ولا هي على فرقا المحبين مستره
هواجيس قلبي كل ما أقول راحت جات=تعود علي باليوم خمسة عشر مره .

والماك : هي السيارة الكبيره ..
وقالت في الفراق :

ياجماعة وإن عزمتوا على أنكم راحلين=غمغموني عن مظاهيركم لاشوفها
كن في قلبي لهب نار ربع(ن) نازلين=اشعلوها بالخلا والهبوب تلوفها
ول عود(ن)لاش رحمه ولا قلب(ن) يلين=عسى ذودك في نحر قوم(ن) وانت تشوفها
عيدوا بي في الخلا والفريق معيدين=كل عذرا نقشت بالخضاب كفوفها
مايقرب دارهم كود صنع الذاهبين=كود حمرا عزمها من صفاة بلوفها
كن حنين الويل يشبه لخلفات القطين = لينوا له بالقدم مع طمان اجروفها
وتقصد بالحمرا : السيارة ..
وقالت تتمنى حياة البر والبادية :
وجودي على بيت الشعر عقب بيت الطين=وجودي على شوف المغاتير منثره
وجودي على خوة هل الموتر المقفين=وجودي على شوف السهل من ورا الحره
ليا حلوا البدوان وصاروا على بيتين=ومن كان له خل مع ذاك ماغره
وفاتها

عندما تقدم العمر بشاعرتنا استقرت بقية عمرها في مدينة الدمام يمنطقة تسمى ( كمب البدو ) وحاليا اسمها ( حي البادية) حتى توفيت هناك عام 1995 ميلادي.
الله يرحمها ويسكنها فسيح جناته
أمير الظلام غير متواجد حالياً  
قديم 26-01-2006, 04:35 PM
  #2
محمد الحياني

.: مشرف ســـابق :.

 الصورة الرمزية محمد الحياني
تاريخ التسجيل: Aug 2005
الدولة: k . s .a
المشاركات: 8,767
محمد الحياني has a reputation beyond reputeمحمد الحياني has a reputation beyond reputeمحمد الحياني has a reputation beyond reputeمحمد الحياني has a reputation beyond reputeمحمد الحياني has a reputation beyond reputeمحمد الحياني has a reputation beyond reputeمحمد الحياني has a reputation beyond reputeمحمد الحياني has a reputation beyond reputeمحمد الحياني has a reputation beyond reputeمحمد الحياني has a reputation beyond reputeمحمد الحياني has a reputation beyond repute
افتراضي

اخوي الغالي

امير الظلام


وفقك الله على هذه النبذة الجميلة

والقصائد الروعة لهذه الشاعرة

رحمها الله
__________________
« اللهم كما أحسنت خَلقي فحسن خُلقي »
محمد الحياني غير متواجد حالياً  
قديم 26-01-2006, 07:53 PM
  #3
العاطفي (دوت كوم)
عضو
 الصورة الرمزية العاطفي (دوت كوم)
تاريخ التسجيل: Jul 2005
الدولة: الرياض
المشاركات: 55
العاطفي (دوت كوم) is on a distinguished road
افتراضي

أخوي أمير الظلام مشكور على المشاركة الجميله
ولاهنت على نقل هذه الموضوع

وأشهد بالله أنهى شاعره
الله يرحمها
__________________
العاطفي (دوت كوم) غير متواجد حالياً  
قديم 27-01-2006, 03:48 PM
  #4
أمير الظلام
عضو
 الصورة الرمزية أمير الظلام
تاريخ التسجيل: Dec 2005
المشاركات: 71
أمير الظلام is on a distinguished road
افتراضي

أخوي العاطفي ........... شكرا على المرور
أمير الظلام غير متواجد حالياً  
موضوع مغلق


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 07:00 PM

سناب المشاهير