سوق الاسهم ... ((الضماير ميته والمشاعر فايقه))

[poem=font="Simplified Arabic,6,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
ياملكنا مابقى للصبر طاقه وإحتمال=الفجوج وساع وإصدور شعبك ضايقه
يابومتعب ضاقت إصدورنا من كل جال=ذاقت إنفوس البشر كاس هم(ن) ذايقه
سوق الأسهم فيه نصب وتلاعب وإحتيال=بين شك وريب ولا عرفنا بايقه
سوقنا اللي في تدهور وأزمه وإنحلال=باح دمه كثر نزفه من اللي رايقه
والمصيبه نخسر آلاف مانربح ريال=وناس واجد مستغيضه وثله رايقه
ثلة(ن) منا وفينا ومن ابنا وآل=والضماير ميته والمشاعر فايقه
ياكلون اموالنا لاحرام ولاحلال=كل منهم ماجهلنا هدف طرايقه
لو تعايش حالنا الشين فقر وبئس حال=كيف شعبك لوتشوفه على حقايقه
و المواطن صار دينه مثل ثقل الجبال =صوبه إعيون الفقر كلها متوايقه
إرتفاع اسعار والعيشه حمول(ن) ثقال=وكل رجل(ن) شال حمل(ن) مهو بطايقه
مشكله لصار خصمك يطول ولايطال=والله إن بعض المواقيف ماهي لايقه
وأنت تبغا ربح مدري تدور راس مال=وذاك من فوق البسيطه بسط وثايقه
مابقا إلامسألة فعل وإنثور إنفعال=وتختلط ساعة زمنا على دقايقه
إلتزمنا الصمت والصبر مير الصبر طال=كل يوم وصبرنا تنتشي عوايقه
والنهايه طلبة المعتلي لفظ الجلال=ياكفيل أرزاقنا ياذرى خلايقه[/poem]

اررررررررررررررررررررررررررحب يابو مبارك


الله يحييك وما جيت به


الحقيقه انك عنزت على مطلق


وابو متعب كفو ولا لعسرات الامور الا هو


ابو مبارك لامست ما في قلوب الشعب


بيض الله وجهك



وجملت وجمل حالك


لا تحرمنا من جديدك وابداعك يا القرم


اخوك

__________________
[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
معوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
[/poem]



تجربة شاعر في الحياااااااااة

ارررررررررررررررررررررررررحب ياسلطان


صح الله لسانك مدد ماهو عدد


عزالله انك جبتها ياذيب


بيض الله وجهك وجمل حالك وسجل اعجابي

قصيده رائعه وتلامس الواقع


صح لسانك وبيض الله وجهك ياسلطان



تقبل تحياتي


أخوووووووك

صح لساااانك يابو مبارك على الوافيه


تحياتي لك وتقديري

__________________

أخوي سلطان ابو ديه

صح لسانك واعتلا شانك

رايعه ووافيه من وافي

لك فائق احترامي وتقديري

البقاء ياعبدالله


ولاهنت على كرم المرور وحسن الاطراء



والاوله من عادتك طال عمرك


تحياتي

اخوي الغالي سلطان ابوديه

بيض الله وجهك

نص جميل ورائع وتتكلم بلسان الموطن السعودي

الله يخارجنا من الاسهم ويوم عرفنا فيه الاسهم

والوفاء والنقاء ما هو غريبه على النشاما شرواك

لا فض فوك

من اروع القصائد

صح الله لسانك

تقبل تحياتي

اخوك

ابوفيصل

__________________

لا هنت يا أبو مبارك وبيض الله وجهك على القصيدة
عز الله أنك كفيت ووفيت
عز الله أنك كتبت كل مشكلة فرد راح ضحية في سوق الاسهم

__________________
ربعي مخلصة الخصيم من الخصيم
كم خلصوا دعوى خصيم وخصماه
بخبرك يااللي في بني عمي غشيم
ربعي ال حازب مطوعة العصاه
عاداتنا كسب الجمايل من قديم
ناطى الخطر والخصم ماندرى خطاه
ربعي الى هبت ذعاذيع النسيم
ضلع يذري من تذرا في حجاه