ان زاد و الا ما نقص قدرك !!

[poem=font="traditional arabic,6,sienna,bold,normal" bkcolor="transparent" bkimage="" border="none,4,gray" type=1 line=0 align=center use=ex num="1,black""]
ان زاد و الا ما نقص .. قدرك = غالي علي لو يرخصك غيري

عشرة عمر و انا على خبرك = همّي معك يشفع ( لتقصيري )

و انا معك و اللي تبي بصرك = طيرك مبدّى من قبل طيري

دقيت لك صدري و انا مدرك = حمل الجمل حوّل على بعيري

يطيق ثقل طويق .. ما يبرك = ضاري على كثرة مشاويري

لو خيّرك وقتك على عمرك = تبشر .. و لا تسمع معاذيري

ان ما كسرت اللي نوى كسرك = و الا تنقى في ( مخاسيري )

مابي من الخوّه سوى صدرك = يقلط به .. حضوري و تقديري

اما كذا .. و الا ترى ( عذرك ) = وافي .. و كثّر الله (ا) بخيري [/poem]

صح لسانك يا شاعرنا



ابدعت يالغالي



تسعة ابيات عن الخوة والوفاء



جمل الله حالك ولاعدمناك شاعرنا المبدع

__________________



اللهم أرحم والدتي ..وأجعل قبرها روضه من رياض الجنه..واسكنها جناتك

صح لسانك يالسحيمي
و القليل من الذهب ذهب

__________________