اليوم يومنا نبني التاريخ

بيض الله وجهك ياشارب الفناجيل

ياويل الناس من قحطان وياويل قحطان من الله

وهذ رد بسيط لكل سبيعي يتقول باكاذيب لابرهان لها

ماهمنا كثر الاقوال دامنا هل الافعال

لبى كبودكم

مشاركة اللامع في موقع (سبيع الغلبا)/

بسم الله الرحمن الرحيم
يقـــول ابــــوعبيــد القحطـــانى ينـــصــح ابنــه ويحــذره من الاقتـراب من ديـار القريشـات ويصـف خـيل القريـشات من سـبيع

ياعبيــــد لاترتـــع ديـــار مخيفـــات

تـــــرى بعــــض اللــــيالى يفجعنـــــــى

جــداك لاوخـــذت ثـــلاث صيحــات

ومايلحق المقفيــــــــن اللى يعنـــــــــى

احــــذر من شهـــــب عليهن قريشـات

عــزم نهـــــار الكـــــون مايسنــــــدنى

هـذه الابيـات تـبين سـطـوة وقـوة القريــشات وأنـهم كانـوا اهـل ابــل وخــيل وفرسـان لاتعـد من كثرتـهم قيلت هذه الابيات بعد ان قتل هديف بن عبود شيخ ال مسعود من قحطان على يـد زامل بن فدغوش القريشي السبيعي.

وكانـت القـصة ان هـديف بن عـبود ال مسـعود سـمع عن شـجاعة القريـشات وطـيب ابـلهم وانـهم يقـتلون الشـيوخ دونـها فـقام وعـزم على اخـذ الابـل وذلـك من شـجاعتـه المفرطـه وثـقته بنفسه ووعــد ربـعه انـه يجـيبها وعـندما نـزل في عــرق سـبيع وجــد ابـل القريـشات في العـرق وكـان من عـادت القريـشات يـتيهون البـكار (الابل ) فقـام ابن عبـود واخـذ الابـل وكـان معه رجـل لاعلم اسـمه ولكـن يقـال ان اسمه ( الشـنار) وكان رجل وسـيم ولـه جدايـل وقـرونه طويلـه وعندما علـموا القريـشات بأن ابن عـبود اخـذ الابـل لحـقوهم بعض القريشات وكانـوا قليل وكـان على رأسـهم زامـل بن فـدغوش المـقربـي القريشي وكـان من اشـجع القريـشات واشرسـهم في المـعارك فوجدوا ابن عبوود والشنار ومن معهم وكانوا على الحــدود بين قحـطان وسـبيع فتـصادموا فـقام ابن فـدغوش بقـتل هـديـف بن عـبود وواحـد من رجال القريشات لا يحضرني اسـمه , قـام بقـتل الشـنار وقـد قـتل من مع ابن عـبود وقامـوا بقطـع رأس الشـنار لان جـدايلـه طـويلـه وعلـقوا جدايـله على رقـبة احـدى ابل زامـل بن فـدغوش وجـعلوهـا كالقـلاده على رقـبة النـاقـه وعـادوا الي الـعرق منتـصرين ورادين ابـلهم وكان ذالك الـيوم قد حـضره بعـض من الـدواسر ولـم يقـوموا مع ايً من الـطرفين لان قـحطان احـدى اعـدائها على الهــضب ولكـن اكـتفوا بالمشـاهده وصـابهم الذهـول ممـا حـصل بقـتل هـديف بن عـبود ووضـع راس الشـنار قـلاده على رقـبة احـدى الابـل .

وزاد ذالك هـيبه للقريـشات عـند القبـايل وفـرح هذال بن فهـيد اميـر الشيـابـين بقـتل هـديف بن عـبود احـد اشـد اعـدائه بالهـضب ولانه يحـب القريـشات ولـه اخـوه ورفـاقـه معـهم رغـم زعـل اميـر و رجـال القريـشات على ماحـصل من قـطع راس الشـنار والتمثيـل بـه ولكن خلـدت هـذهِ القـصة شـراسة القريـشات وشـجاعتـهم في المعـارك والـذود عن الابـل والارض وكانت مناسبة هذه القصيده لابو عبيد يحـذر ابنـه بالابتـعاد عن ديـار القريـشات ويـصف لابنـه خـيل القريـشات وفرسانـهم وكانت بعد قـتل هـديف والشنــارومن معـهم من فرسـان قحـطان لعـلمه بشـراسـة القريـشات وسـطوتهم والــذود عن ابــلهم

وهنـاك احـديات لال عـبـود فى الـفارس/ زامـل بن فدغـوش من القريـشات سـبيع لاتحضرني أمل ممن يعرفها طرحها هنا

رحــم الله هــؤلاء الابــطال جـميعا ونـسأل الله ان يعـفوا عـنا وعـنهم

أحـب أن أضـيف الى هـذه القـصه بعض الابيـات التى حصلت عليها

قال أحـد شـعراء ال مسعود بعد مقتل الفارس والعقيد / هديف بن عبود والفارس / شنار بن محمد ال مسعود

هـذه الابيـات

ياطـير ماعينت لـي حـرين

عند المـطوع وعند ابن فدغـوش

حيث أنهما قتلا على يد الفارسين /المطوع وفدغوش بن زامل وكلاهما من القريشات من سبيع


وفيه أبيـات أخرى نسبة الى ابن قطنان

يقول فيها

ياضبعة روحت من صوب جمعور

اكلي هديف فى مداس السبايا

ورع ابن عبود بالحزم مقبور

تبكيه ربعه مع دلال جفايا

ناصر بن علي ومشاركته/

اخي الطير الخضر القريشات من اهل الخرمه ولهم من البطولات الشي الكثير مع قحطان وغيرهم وعندهم منكم عدد من الفرسان والشيوخ وكذلك السوده وال محمد وسبيع و تسعين لحيه من ال عبود قد يكون في هذا البيت شي من المبالغه وقد يقصد من ال مسعود وقحطان واما هديف الذي هو محور الحديث فقد ذبحوه القريشات عند ابلهم ولم اسمع انه كان منيع اما اعترافكم بقتل هاجد ابن سحمان وهو منيع وتبريركم انه قضا لهديف لتسترون هذه الغدره فهذا لايقبل وذبحة المنيع عند العرب عار وسواد وجه وقد قتله عرار ابن عبود وهو منيع لبادي ابن جذنان الخنافرالذي لم يقف دون منيعه ووجهه كما تفعل العرب وكما فعل بطي ابن منيره ال فاضل قحطان الذي منع هاجد ابن سحمان في معركة سابقه بعد مقتل طرجم ابن لبده
او مثل ناصر ابن سفران في معركة ثانيه الذي منع هاجد ابن سحمان بعد مقتل اخوه عقيل ابن سفران والتاريخ يخلد الافعال

ولكن اسال عن يعومه وقول القحطانيه يانعنبا فيحان اه ذيب كلتني جراه
واسأل عن الشيوخ الاتيه اسماهم
هديف ابن عبود الملقب بورع ابن عبود
وهديف بن عبود الثاني
وطرجم ابن لبده
وعقيل ابن سفران وغيره من ال سفران ثلاثه
وحيبان المسردي وخوياه وينهم
وعويد ابن هوى الي واعد القريشات معشى ابلهم وافتكوها واذبحوه
وابن مريحه
وابن شبعان
الامير جمهور من عبيده
وملهي العير ال سويدان
والخواش ال سويدان
ونحو ابن شري واخوه
والجهيمي
وسالم ابن شفلوت
وحصوان
وغيره واعداد كثيره منكم
علما اننا لاننكر من يذبح منا وتبي الحقيقه والله عندنا منك شيوخ وعندكم شيوخ والكذب خيبه

ناصر بن علي ومشاركته/

اخي القحطاني انشد عن كلامي وتعرف الصدق من الكذب وال مسعود وقحطان ونعم لكن والله مافيه بيت مشيخة من قحطان الي يحدونا ونحدهم الا عندنا منه شيخ او اكثر ولا ننكر انهم قتلوا منا شيوخ
هديف ابن عبود شيخ ال مسعود الملقب ورع ابن عبود ذبحوه القريشات وهذا شي معروف عند سبيع وغيرهم ولا ادري عن موقع المعركه
هديف الثاني الملقب بالمجدع الي يقول الشاعر (على الجحادر من هديف ملامه ) معروف والي ذبحه معروف
العقيد والفارس هاجد ابن سحمان في بطنه عدد من شيوخ قحطان قتلهم في ساحة الميدان واصبح يتوعد عرارابن عبود وقال ابن عبود كلمته يالله ببن عمير ولك فاطر وعند مسناده من نجد غاروا عليه ال مسعود وبعض الخنافر واحتمى ابله واخذ يطاردهم لوحده لاسترداد ابل جارته وامتنع لنفسه بسلاحه من ابن جذنان وقتله عرار وهو اعزل من السلاح ومنيع للخنافرفماذا تسمي ذبحته فارس لوحده ضد قبيله ويذبح وهومنيع رحمت الله عليه هذي الفروسيه ياقحطاني
هية يعومه رفع ابن باحص المنع وقتل من قحطان عدد كثيروهي ثار لمقتل فيحان ابن فيحان
حيبان مر بديار سبيع رنيه ومعه خمسة عشر من ربعه ووجدوا زمل (جمال) عندها حرمة وابنها فاخذو الجمال وقتل احد رفاق حيبان الطفل ولم يكن برضا حيبان فلحقوهم السبعان وقتلوهم جميعا بما فيهم عقيدهم حيبان وسمي موقعهم الان حصاة حيبان يوجد معارك كثيره واسما شيوخ وعقدا وكلام ثبتان وقد يشارك منهو اعرف مني.

ناصر بن علي ومشاركته/

هديف الثاني المجدع ذبحوه الفراعنه مع غتار ابن الحماليه ولان هذه اخر المعارك وعهدها قريب فحبيت اني مااذكرها ويكون الكلام في المعارك الي قبلها وياكثرها والقصيده في هديف والفراعنه وانشد عنها وعن تكملتها ربعك طال عمرك ومن قال انا ضيم الرجال يضام واليوم كل يحمد الله على الاسلام انا وانتم وغيرنا.

القريشي11 ومشاركته/

ابك عيال القريشي ذبحو شيخان واجد ماهمب يذبحون دخيلهم مزبنين ابن حميد وماخذين الشرف ابل الشريف وفيهم الهملان فرسان ترثة فرسان
واول مره اسمع ان في الهملان فايز اثبتها بقصيده او اورد القصه ان كانك صادق

وردي عليه في موقع سبيع الغلبا (الطير الخضر)/

الرد الأول///

السلام عليكم ورحمة الله وبركاته ،،،

اخواني السبعان السلام عليكم ورحمة الله وبركاته ،،،

الموضوع اللي منزله (قريشي سبيعي) وهو يفتخر بمقتل هديف بن عبود ولا يعلم ان قتلت هديف بن عبود كانت بالغدر وهو في وجيه القريشات واللي ذبح هديف بن عبود من السوده سبيع ربع ابن قطنان حيث قال ابن قطنان السبيعي في مقتل هديف بن عبود:

ياضبعة روحت صوب جمعور...اكلي هديف في مداس السبايا
ورع ابن عبود بالحزم مدثور...تبكيه ربعه مع دلال جفايا

ورد عليه الشاعر القحطاني:

يا راكب ست ترا كلها كور...اوراك ما ذكر بها ردايا
ركابها من خيرة الربع وسبور...معهم جواب مايزيد الحكايا
ينصون ابن قطنان بالهرج مذكور...هيف السمين وشوق جثل الزوايا
قولوا له الايام عاداتها تدور...من يضحك ابها يوم يبكي سنايا
((((ان كان تطري الشيخ ماذبح في نور...عود منيع ماحمته العزايا))))
وصدوركم من ماضي افعاله حرور...كم طوحت يمناه شيخ النحايا
ابوك منهم في قرى الحزم مدثور...عادك صغير مانبت لك ثنايا
مع ربعه اللي لاغزت كنها نمور...خيالة الشرفا بيوم النخايا
هل سربت لادبرت كنها عور...وان اقبلت تشرع حياض المنايا

موجز القصيده ان الشيخ هديف بن عبود ما ذبح على وضح النقا بل قتل وهو في وجه السبعان القريشات:

((((ان كان تطري الشيخ ماذبح في نور...عود منيع ماحمته العزايا))))

وعز الله ان القحطاني عرف يرد على ابن قطنان يوم قال:

وصدوركم من ماضي افعاله حرور...كم طوحت يمناه شيخ النحايا
ابوك منهم في قرى الحزم مدثور...عادك صغير مانبت لك ثنايا

هذا دليل على ان الشيخ هديف بن عبود ذابح اكثر الشيوخ ال قطنان وكانو ال قطنان يترصدون له ولا قدرو فيه الا يوم هو (منيع) في وجيه القرشه وقتلت المنيع انتم يالسبعان تعرفون وش معناها

جبل جمعور =جبل يقع (جنوب نجد) في منطقة بيشه بالتحديد قرب مكان اسمه الجنينه، والمعروف ان السبعان القريبين من بيشه هم السبعان اهل الخرمه ورنيه السوده ربع ابن باحص وابن قطنان والصمله،،، وهذا يدل على ان الوقعه حصلت بالقرب من بيشه وقتلت هديف لم تكن على يد (القريشات) بل كانت على يد (السوده) سبيع وهديف بن عبود جا في وجه واحد من القريشات ولم يستطع القريشي منعه وذبحوه السوده.

بالنسبه للقضا فابشركم خذانا قضا هديف بن عبود في هاجد بن سحمان بن عمير (هاجد بن سحمان بن عمير من اشرس وافرس ال محمد سبيع) خذاناه قضا في دم هديف واللي خذاه واحد من ال عبود جعفر او عرار المهم راح قضا في دم هديف بن عبود وللمعلوميه هاجد بن سحمان قتل وهو منيع بنفس الطريقه اللي ذبح فيها هديف ،،، ولكن حنا يالقحاطين ما نفتخر بذبحة الرجال اللي يموت عندنا موتت غدر !!!

يالسبعان امنعونا من الردا وسدوها بشحم وامسحوا الموضوع تراه خزي وعار عليكم تتفاخرون بذبحة رجال (((ما ذبح في نور)))

بالنسبه للشيوخ اللي من السبعان عند ال عبود وال مسعود اللي وخذو وجه لوجه فو الله انهم كثر وسوف اسرد بعض منهم بالقصايد/

1) مناحي بن وهطان شيخ الملوح قتله الفارس عايض بن فهيد بن عبود الملقب (بابن حرّكه) وقيل في مقتل مناحي بن وهطان شيخ الملوح:

يابسيس قرب بكرتك ذلحين**** اسلم وسلملي على الظفران
يابسيس ردلهم سلام(ن) زين**** السربـه الي لحقوا السبعــان
يانــفدا الـي ردهـم حـافـيـن**** حتى النسيب مجرد(ن)عريـان
يالي بعد في مالهم مشفين**** تسلفوا لمسلم(ن) حذيـــــان
خلوا مناحي في مداس الخيل****في ورد ربعن في اللقا شجعان
لعيون ملحا" نيها ردفين************ لحقو وردهم مع الذيدان
عادتنا نقضي رمسوس الدين********* لا مامسكنا سبرة النيشان
ذيب الحصاصه مهتجا في الليل**** وذيب المصامه ممسي شبعان

* وقتل في المعركه ايضا العقيد اباللحيم الصميلي السبيعي واللي قتله هو الفارس كميِّخ بن فهيد ابن عبّود.
* النسيب=فيحان بن فيحان بن باحص (طلب المنع) وخطب بنت ال سعد بن فهيد ال عبود بعد المعركه لما رأى من شجاعة فرسان ال عبود وما قصروا خيالة الشرفا وزوجوه ال عبود بنتهم.
* مسلّم=العقيد مسلم ابن جروه من فرسان سبيع (طلب المنع) مع ابن باحص.

2) واحد من ال باحص لا نعلم اسمه وقد خذاه الفارس عايض بن فهيد بن حرّكه بن عبود وقيل في مقتله:

غاروا علينا جردة السبعان = يبغون من ذودي صبوح
يانافدا اللي ردوا الذيدان = عند العشاير يرخصون الروح
احتدهم عند السهل سلطان = ارتدهم شوق الطموح
جاك ابن حركه كنه السرحان = وأميرهم في دقلهم مطروح

وأميرهم=هو احد شيوخ ال باحص ولا نعلم اسمه والعهده على الراوي.

يقول ذيب بن عبود في احديه له قديمه:

يامرقب عسوه وعساناه = والخيل داجت فالنفود
بغاها بن باحص وحداناه = بخيل يخضب عليها عود

ويقول في احديه ثانيه متفاخر بفعل ربعه في شيوخ باقي القبايل المعاديه لهم:

باقصى الحيا خشم ذقان = وادنى الحيا بصيص مذبوح
...............تشوف فيحان = .......................... مطروح

فيحان=شيخ السوده فيحان بن باحص.
بصيص=من شيوخ مطير.

ويقول الحميدي بن باحص من شيوخ السوده وهو يطلب الصلح من ذيب بن عبود:

يا ذيب نبي منك مصلوح -- ودي نصبح سربة الرجبان

يقول شاعر ال مسعود (مريط بن رايعه) الشاعر المشهور:

ذيدانا مرباعها الصمـــان = بين القبائل ماعطينا الشــــــــــــــاه
وإن سندت تاطا خشوم ذقان = والهضب تشرب من برايد ماه

احتكاك ال مسعود كان كله مع (الســــــــــــــــــــــــــــــــــوده ســـــــــــــبـــــــــــــــــــيـــــــــــــع) ولا على باقي السبعان زود،،، لكن الحق يقال السوده هم القبيله اللي من السبعان لهم صولات وجولات مع ال مسعود وقحطان بشكل عام،،، عبيده الخنافر ال عاطف المشاعله ال سويدان وغيرهم من فخوذ قحطان،،،وقد سؤل معيض بن عبود شيخ ال مسعود وهو في احد مجالس شيوخ سبيع واعتقد انه من البواحص فقالو له يا معيض من اللي من سبيع ياخذونكم وتاخذونهم، فقال معيض بن عبود (السوده سبيع).

ولم يكن هناك احتكاك بين ال مسعود و (القريشات) الا في هيتين فقط ولا تؤكد هذه الهيتين ان هديف ابن عبود قتل فيها لان قصيدة بن قطنان تؤكد مقتل هديف بن عبود عند جبل جمعور جنوب نجد!!! ومعظم هيات ال مسعود قحطان كانت كلها مع السوده من سبيع وفي هذا دليل على ان ال مسعود كان احتكاكهم قوي جدا مع السوده اهل الوديان (جنوب نجد) ولم يكن احتكاكهم كبير بالسبعان اهل العارض ورماح في (شمال نجد) مثل القريشات وبني ثور...الخ وهذي هيات ال مسعود مع السوده (جنوب نجد) كلها وهيتين فقط مع القريشات سبيع (شمال نجد) وسأذكر اللي لنا واللي علينا يا سبيع علشان ما تقولون مدح ربعه/

* هيّة عقيلان (الاولى) بين السودة من سبيع وبين الجحادر (ال مسعود بقيادة ذيب بن جعفر بن عبود ومعهم ابن سفران الخنفري وبن سعيدان العاطفي) من قحطان وخذو ال مسعود جميع السبعان اللي على البير، وبرز فعل عرار بن عبود (راعي الباروده)
* هيّة ذبحة فيحان ابن باحص (الشايب) الأول بين فيحان بن باحص وبين زيد بن سالم بن شفلوت الفهر عبيده قحطان واشترك معهم فيها (ال مسعود بقيادة جعفر ابن عبود) والقصه ان فيحان بن باحص (العود) غزا على جعفر بن عبود وجماعته وقامو ال مسعود بطعن فيحان بن باحص بالرمح ولكنه ما مات في وقتها،،،فتوعد ابن باحص بغزو ال مسعود مره اخرى،،، فاستفزع جعفر بن عبود بالشيخ زيد بن شفلوت وغزا فيحان بن باحص على ال مسعود وقابله الشيخ زيد بن شفلوت وقتله هاذه القصه الحقيقيه وقال الشاعر القحطاني في مقتله:
ياجر قلبي من ورا عوج الاضلاع_من قامة والبدو شدو شمالي
لا احدن يلوم القلب لا منه ارتاع_يوم شاف منزلهم من الجو خالي
جنبية بارودهم يوم ينزاع_مثل الغثير اللي تغشوا الجبالي
يتلون اخو رثعا حما قاصر الباع_في يوم عج للزوارق ظلالي
ذباح بن باحص على صحصح القاع_ثم اثنى عقبه وخذا ام العيالي
وتزوج بن شفلوت مرة ابن باحص وجابت عليه فنيطل وذعار والقصه معروفه لا تحتاج اثبات اكثر.
وقد قال بن شفلوت فيه خطبته لزوجة فيحان بن باحص:
يابنت ودي بس عقب موت فيحان_شيخ الشيوخ اللي يضد المعادي
له مشعل بالطيب من ماضي الازمان_وله سابق تلحق نهار الطرادي
* هية صفاة الشيوخ وقد عد العده لها ولد ابن باحص (الشايب) فيحان بن فيحان بن باحص للاخذ بثار ابوه من قحطان عبيده والجحادر فقال قبل المعركه احديته المشهوره:
شريت لي غوج من العتبان_واظن بنفسي ظن الجود
ودي نطرد خيل بن سفران_والا نراوح خيل ابن عبود

المراوح= وهو نوع من انواع المواجهه والحروب تتقابل فيه القبيلتين وتكون منازل القبيلتين باتجاه خلف كل منهما ويبتدأ بالمبارزه بين بعض الفرسان غالبا وهو من اشد انواع القتال كما يقول فيحان بن فيحان ابن باحص امير السوده.

ورد عليه الشاعر فهد بن محمد بن هطيل ال جاهل ال مسعود:

يا طارش لاجيت فيحان_كثر الحكا يقرب من المنقود
الصبح لاجا للرمك ميدان_لاالرمح في راعي الحصان ينود
نركب على اللي من ضنا رمهان_حمرا على حبل العناد تزود
ان دبرت لاكنها ضلعان_وان اقبلت ترد البلا جلحود

فتقابل فيحان بن فيحان بن باحص مع ال مسعود بقيادة ذيب ابن عبود وكان مع ال مسعود بعض المسارده فقام فيحان بن فيحان بن باحص بغزو ال عبود اولا وكان ناوي يغزي ال شفلوت عقبهم في وقت لاحق لقتالهم لاخذ ثار ابوه،،، المهم بدا الطراد وكان فيه صبي من صبيان ال عبود طرد فيحان بن فيحان بن باحص وحول به من الفرس والصبي صغير سن من ال عبود ويقال لهم بالتحديد (ال فهد بن هادي ال عبود) واسمه حزام ابن مجرِّي او عبدالله بن حزام بن مجرِّي لايعرف اسمه بالضبط الحقيقه،،،وكان الصبي على حصان سبوق وطرد فيحان بن فيحان بن باحص (وحول به) طرحه من فرسه وقام يمشي فيحان بن فيحان ابن باحص في ساحة المعركه (في صفاة الشيوخ) بدون حصان وشافه المسردي (شارع المسردي) وذبح فيحان بن فيحان بن باحص وهذا ما يعتبره السبعان ذبحة غدر،،، لان فيحان لم يمت وهو راكب على حصانه!! وفيه بيت شعر تقوله سبيعيه:

شيخنا (طريح لغيرهم) -....................ولا اعلم الشطر الثاني من البيت ولكن اذكر انه يذكر بأن المسردي (شارع المسردي) ذبح فيحان بن فيحان الباحصي وهو يمشي في ساحة المعركه بدون حصان وكان السبعان يعتبرون الذبحه غدر في بقية قصيدة السبيعيه.

طريح لغيرهم = تقصد بأن ال مسعود هم اللي طرحوه والمسارده هم اللي ذبحو فيحان بن فيحان بن باحص،،،واللي حول بفيحان بن فيحان بن باحص من الحصان كان احد صبيان ال فهد بن هادي ال عبود (ابن مجرِّي بن عبود) طرح بن باحص من حصانه وشارع المسردي شافه يمشي في المعركه وذبحه وهو يمشي على رجليه.

وقال الشاعر القحطاني في مقتل فيحان بن فيحان بن باحص/

وفيحان خلي فالحزم ممدود_زبن المهار اللي تقابس شررها

*هية يعومه بقيادة مناحي بن باحص وبين قحطان بقيادة زيد بن شفلوت وبقيادة معيض بن جعفر بن عبود.

* هيّة رنيه بين سبيع بقيادة مناحي او طامي بن باحص وبين بن شفلوت الفهر عبيدة من قحطان واشترك معهم فيها (ال مسعود بقيادة ابن عبود وقتل من ال عبود في هذه الهيه مجرِّي ابن عبود).
1هيّة هضبة أم عميره بين السودة من سبيع وآل مسعود.
2هيّة الحاوي بين السودة من سبيع وآل مسعود.
3هيّة سالفة بين السودة من سبيع وآل مسعود.
(1 - 2 - 3 في احدى هاذه المغازي قتل الفارس هاجد بن سحمان بن عمير ال محمد سبيع ابن الفارس المشهور سحمان بن عمير غزو ال مسعود علي هاجد أبن سحمان بمشاركة الفارس محمد ابن حصوان الخنافر ووالده الفارس المعروف راعي العرفا حصوان الذي يقول:
كم راعي (ن) يرعى وأنا له راعي
وكذلك الفارس ابن جذنان الخنافر وهذه المعركة حصلت بعد ان نوى أبن سحمان ان يغدر بالشيخ عرار ابن منيس بن عبود وتغداه عرار قبل يتعشاه ابن سحمان. وابن سحمان من اشجع فرسان ال محمد سبيع وخذاه عرار بن عبود قضا في دم (هديف ابن عبود).
* هيّة العريق بين السودة من سبيع بقيادة ابن هملان وبين وآل مسعود من قحطان بقيادة معيض ابن عبود عندما قال معيض ابن عبود:
عريق شوق فيه ابن هملان
من طول غربتنا وهو يرعاه
ودي نوردها على الوديـان
ونهرّج الحربد على مسقاه
* هيّة عقالان (الثانيه) بين سبيع بقيادة محمد بن هندي بن حميد ومعه السبعان اهل رنية والخرمه وبين قحطان بقيادة جعفر بن عبود شيخ ال مسعود وشيخ ال الجرو عبيدة ضويحي بن عبيدالله بن عريج آل الجرو وقد برز ايضا فعل الفارس المسعودي عروان بن منيشط ال جاهل ال مسعود (راعي القرده) حيث قال الشاعر فيهم:
يا مسوي الفنجال كثّر بهاره=عدّه على عروان واثنه لابو ذيب
وعدّه على الشاوي متيه بكاره=ضويحي شوق البني الرعابيب
وعدد القتلا في معركه عقالان الثانية خلق كثير من الطرفين (السبعان والعتبان) وكان من اهم القتلى ابناء محمد بن هندي شيخ شمل قبائل عتيبه (الثلاثة جذعان) ذوي حميد ويقول فيها الشاعر القحطاني:
على عقـــــــيلان نونا بغاره = وعما علينا مدنا من الأقاريب
عاداتنا فالصيد ننقي خياره=ثلاثة الجذعان غصب بلا طيب
فاللي شرد خلّى الحويا ايساره =واللي نصا رنية يدور معازيب
* هيّة المبارزة بين الشيخ طامي ابن باحص شيخ السودة من سبيع وبين الشيخ معيض بن عبود آل مسعود
* هيّة الميثب بين السودة من سبيع وبين آل مسعود من قحطان
* هيّة زويلان في نجد بين الفراعنة والسودة من سبيع ضد آل مسعود قحطان (واشترك معهم فيها ال فهاد من قبيلة يام وقتل من الفراعنه العقيد/ بن فهيد الفراعنه)
* هيّة تثليث بين السودة من سبيع وال مسعود يوم خذو سبيع ابل الدوسري وقتل فيها واحد من البواحص.
(وقتل في هذه الهيه شيخ السبعان لا اعلم اسمه ورد الغازين ابن حركه ومعه سلطان بن عرار بن عبود)
* هيّة وادي شثير بين السودة ومعهم ربع من الوزران ضد آل مسعود قحطان
* هيَة المستجد في نجد بين السودة من سبيع وبين ال مسعود من قحطان
* هيّة المهمل بين ال مسعود والفراعنه وصوب من السبعان 17 رجال بالبندق وقتل من ال مسعود 2 (غتار الحماليه ال عبود وابن الاجدب) وكانت المعركه قريبه بعد توحيد المملكه على يد الملك عبدالعزيز رحمه الله ،،، وسجن من الفراعنه 11 رجال وسجن من ال مسعود 3 رياجيل كانو يريدون اخذ القضا وتدخل فيها القضاء الحكومي ودفع الفراعنه الديه (دية القتلا قتلا ال مسعود) وكانت المعركه غير متوازنه 3 رياجيل من ال مسعود ضد قبيلة الفراعنه كامله!!! والقصه طويله جدا ويطول شرحها... لكن اللي اقدر اقوله ان الفراعنه غزو على ال مسعود وهم غافلين عند حلالهم في المهمل وصوب واحد من ال عبود 17 من الفراعنه وذبحو الفراعنه غتار بن الحماليه ورفيقه وكانو راقدين داخل الشراع وهاذا الفعل خزي وعار عليهم.

انتم في موضوعكم تبغون تثبتون ان هية الهضب اللي في (شمال نجد) بين ال مسعود وبين القريشات هي الهيه اللي ذبحوا القريشات فيها هديف ابن عبود ولكن للاسف بدون اي دليل وبدون اي برهان يثبت كلامكم بأن هديف بن عبود خذوه القريشات!!! وأنا اثبت لكم ان قتل هديف بن عبود كان على يد السبعان اهل رنيه والخرمه (وقتله كان بالغدر) وهو طالب (المنع) بالدليل القاطع!!! والوقعه اثبتها بوضوح بيت ابن قطنان انها كانت بالقرب من جبل (جمعور) ويقع بالقرب من منظقة بيشه (جنوب نجد)!! واثبت بيت بن قطنان ان هديف قتل (بالغدر) ولم يقتل وجه لوجه مع السبعان بل قتل وهو طالب (للمنع) من خلال ابيات القحطاني:

كان تطري الشيخ ماذبح في نور_عود منيع ولاحمته العزايا

ابيات بن قطنان تقول:

يا ضبعة روحت صوب جمعور_.................................

وللتأكيد على صحة الكلام بأن جمعور (اسم جبل) يقع بالقرب من منطقة بيشة وبعيد جدا عن عروق سبيع والقريشات في نجد،،، نأخذ بقول الشاعر الاكلبي وهو في الاصل من اهل بيشه والذي يصف تماماً موقع (جبل جمعور) فيقول:

سلام تقدير ومحبة نداوي في مكانه......ياطيب حظك يالمنيعي وحظي في الجنينه
طيب الفتى لاطاب خاله له مكانه.......وآردها من (خشم جمعور في خشم الجنينه)

جمعور: اسم جبل بالقرب من بيشة
الجنينة: مكان بالقرب من بيشة ايضاً

ولو ان هديف كان مذبوح عند القريشات بالقرب من الهضب شمال نجد !!!!!!!!!!!!!(((((كما يزعم القريشات)))))!!!!!!!!!!! لكان بيت شعر ابن قطنان تغير الى:

ياضبعة روحت صوب الهضب_..................................

انا عندي سؤال يدور في ذهني وفي ذهن كثير من الناس يا سبيع بيت القصيد اللي قاله شاعركم الفريعني:

وحزم شباط وهضبة المسردي***خلي بها راسه مداس اثعال
وركابة ال عبود مامنهم حي*** تسعين لحيه قطعن اشلال

(سبيع الغلبا) ربعنا وعوانينا معروفين بشجاعتهم ولا يلحقهم حق. ووالله الذي لا اله ولا رب سواه انكم لو تجيبون لي اثباتات انكم خذيتوا مليون رجال من قحطان ثقو ثقه أننا سنفتخر باللي ذبحتوهم منا لأننا نعلم أنه من مات منا فهو قرم وشجاع لأن اللي ذابحينه شجعان وقروم وهم قبيلة (سبيع الغلبا)

ال عبود مايجون اكثر من 20 رجال وان كثرو كثرو مايجون 30 رجال فكيف حصرهم الفراعنه في 90 رجال؟؟؟ لايكون يعرف ربعنا اكثر منا وحنا ماندري والا حضر هياتهم وحنا ما حنا بمعهم ولحق عليهم وحنا لا؟؟؟؟؟؟؟؟؟

اسماء فرسان ال عبود/

1) فهيد ابن عبود
2) مانع ابن عبود
3) سعد ابن فهيد ابن عبود
4) حنيف ابن سعد ابن فهيد ابن عبود
5) جعفر ابن منيس ابن حمد ابن عبود
6) ذيب ابن جعفر ابن منيس ابن حمد ابن عبود
7) معيض ابن جعفر ابن منيس ابن حمد ابن عبود
8) هديف ابن جعفر ابن منيس ابن حمد ابن عبود
5) عرار ابن منيس ابن حمد ابن عبود
6) ابراهيم ابن هذال ابن مانع ابن عبود
7) عايض ابن فهيد ابن سعد ابن فهيد ابن عبود
8) كميخ ابن فهيد ابن سعد ابن فهيد ابن عبود
9) حزام ابن فهيد ابن سعد ابن فهيد ابن عبود
10) ناصر ابن فرج ابن سعد ابن فهيد ابن عبود
11) فهم ابن فرج ابن سعد ابن فهيد ابن عبود
12) هزاع ابن فرج ابن سعد ابن فهيد ابن عبود
13) عايض ابن جعفر ابن منيس ابن حمد ابن عبود
14) محمد ابن جعفر ابن منيس ابن حمد ابن عبود
14) جربوع ابن جعفر ابن منيس ابن حمد ابن عبود
15) ذياب ابن جعفر ابن منيس ابن حمد ابن عبود
16) هذال ابن جعفر ابن منيس ابن حمد ابن عبود
17) سلطان ابن عرار ابن منيس ابن حمد ابن عبود
18) هديف ابن ذياب جعفر ابن منيس ابن حمد ابن عبود
19) حزام ابن عبدالله ابن فهد ابن هادي ابن فهيد ابن عبود
20) خالد بن جعفر ابن منيس ابن عبود
23) جعفر بن ذيب بن جعفر بن منيس بن حمد ابن عبود
24) ابن هويدي واخوته مجري وجربوع وعبدالله
25) كذلك فرسان ال الحماليه غتار واخوانه.

يعني اذا زادو زادو فهم 30 فارس من ال عبود ،،،

خلو ناصر الفراعنه يجي الله لا يهينه يعلمنا منهم التسعين لحيه اللي عند سبيع من ال عبود؟؟؟

ال مسعود لهم فعول تحاكا بها الناس لا يومنا ولولا مخافة الله والاسلام والدين كان شكا منهم عرب واجد لايومنا هذا وانا والله اقوله وانا صادق وال مسعود معروفين بدينهم وتمسكهم بالدين يوم بعض العرب يجهل بالاركان والصلوات،،،ولهم تقدير عند الحكام منهم الشريف غالب حيث كان يسمح لهم بالحج والعمره بدون مايوخذ عليهم اي اتاوه او غرامه للحج وهذا يكفيهم فخر،،، وعلى ما قال الشاعر فيهم:

من لابـةٍ خيالهم ما يسنــــــــد_لاجا نهار الضيق جاه اسطار
خيالة الشرفا إلى رد البرى_هم آل مسعود هل المحظـــار

وقيل فيهم:

وخيالة الشرفا لا جاهم نذير..............رسوا مثل طويق والناس تتليها

ويقول فيهم الشاعر:

خيــــالة الشــــــــــرفا قــــــــــروم ومــــعاطيب *** ياويــــــــل مـــن يعطـــــونه الوجــــــــه ســـــــاعــه
اهــــــــــــــل بيـــــــوت تبـنــا عــــــــلى الطــيب *** للضيــــف تبنــا في طـــــــــويـــــــل الرفـــاعــــــــــه
عـــــــاداتـــهم ينحــــــــون مــــــنا الاجـــــانيب *** وحنـــــالهـــــــــم في الأمــــــــــر سمعٍ وطاعـــــــــه

ويقول فيهم الشاعر:

سلم على شيخ معه سلفان.............. اعداد ماهل المطر برعود
حماية الشرفا من العدوان ................ نعم بهم لا زعزعوا مسعود

ويقول شاعر ال مسعود:

حنا اهل الوادي اللي عاوي ذيبه_بين حدين لا جيره ولا عاني
لبسنا اللي محنات لواليبه_محتصينه ليوم فيه عكناني
آلة الحرب نصبح به ونمسيبه_غاية صبها في العود نصراني
من بعيد جذبنا صايح الريبه_لا عوا الذيب جا للذيب خلاني

اختم بهذه القصيده التي قالها شاعر من قبيلة اكلب ويذكر فيها فعل عايض بن فهيد ابن حرّكه بن عبود يوم جندل 12 فارس من فرسان سبيع

قصيدة الشاعر/ شجاع بن عمر الاكلبي من قبيلة اكلب اهل بيشه

ياجبـال النهـار ويانجـوم الظـلامـي - ياكعـام الضديـد وياكبـار الأسـامـي
يال مسعود ياكبـار البخـوت الدواهـي - يال مسعود ياجمال الحمـول الجسامـي
يارجال الوفـا وأهـل الكـرم والحميّـة - أشهد إن مجدكم في الكون عالي المقامي
يـوم بقعـا مزاحـم قسمكـم تأخذونـه - تأخذون الفقـار ومعـه فـرخ السنامـي
والله إنـا الثقـال ولا نـزوع الركايـب - كـود لأمثالكـم يامحتميـن الجهـامـي
عيد ياعيد ربعـه فـي نهـار المهمّـة - أنت شيـخ ٍ بفعلـك يالعديـم القطامـي
والله إن دعوتك لي فخر وأكبـر كرامـة - مثل تاج الملوك وفوق صدري وسامـي
جدّكـم عايـض المشهـور بالجاهليـة - إبن حركة مثل حد الرهيـف الحسامـي
يوم لحـق الغـزاة أفتـك ذوده لحالـه - وجندل أثنى عشر فارس ومن هج دامي
وصاح زيزومهم بالمنع تكفـى دخيلـك - وكب صهوة جواده وأنبطـح للسلامـي
وبوك حارب بسيفة في حروب الجزيـرة - ظمن جيش السعوديّة وتحـت النظامـي
في نهار الرغامة بـان صوتـه وفعلـه - وحاضر ٍ في حروب الدار شرق ٍ وشامي
قالـه التغلبـي راع العلـوم الوكـايـد - أنقلـوا ماسمعتـوا فـي ثنايـا كلامـي
آل مسعود بـدر الوقـت لأشتـد ليلـه - ويتوهـج بيـوم ٍ فيـه عـج وعسامـي
من ديار أكلـب الهيـلا عنينـا نبـارك - دار من يرهبون الخصم يـوم الزحامـي
طيّب الساس والمجنـى دهـاة التغالـب - آكلب اللـي منازلهـم تحتهـا الغمامـي
وختمها عـد ماهلّـت مـزون المخيلـة - ياصلاتي على المبعوث خيـر الأنامـي

وختامها مسك واقول للشاعر ناصر الفراعنه وين انت وربعك يوم عقلان؟؟؟ والا علشانك تعالجت من البلاوي اللي تاكلها نسيت كل شي،،، انا سألت عن شاعركم ناصر الفراعنه والعلم انه ياكل القعاميص وراح لامريكا يتعالج منها ويوم رجع قال انا شاعر وقام يقول شعر،،، الرياجيل يتدخنون بالعود الازرق وهو يتدخن بالتتن والزقاير البيض!!!

واللي يجهل فعول ال مسعود مثل ناصر الفراعنه وغيره فيقرا ردي عليه في ذي القصيده/

راكب ومقطب(ن) عنانه_يلفي لابة السبعان
انشد بن باحص واخوانه_وبن صامل وبن قطنان
انشد من جعفر وسلفانه_فرسان ال الجمل قحطان
خيالة الشرفا الكسبانه_لا ثار عجها فالميدان
وذيب ورماحه الضميانه_كم شيخ ضدها مابان
وعرار(ن) بندقه دخانه_ثاير(ن) بوجيه العدوان
ومعيض شلفاه مليانه_بسم(ن) يفتق المصران
وهديف وحد ميدانه_تثليث لامذقل العودان
يالفريعني حكوتك بهتانه_فالتسعين منا ياقحطان
خابر(ن) صحتك تعبانه_وتلقم علاج الامريكان
قولك وغاب برهانه_وقولي جاب برهان
علموه بذبحة شيخانه_مناحي والصميلي وبن قطنان
وابن فهيد من شيخانه_كلاه الذيب سرحان
وين شيوخ شيخانه؟_فيحان وابو فيحان؟
وين اشجع فرسانه؟_هاجد ابن سحمان؟
علموه بذبحة سبعانه_سبعان رنية والعتبان
يوم بن هندي وعربانه_نوانا بغارة اعقالان
وضويحي متيِّه ذيدانه_وبن عبود شيخ قحطان
والمسعودي اشجع شجعانه_الجاهلي ابن عروان
جندلو الثلاثة جذعانه_وتسعين منكم يالسبعان
فعل جداني بجدانه_والعرب ثم شتــــــــــــــان
وصلاتي على بيانه_بيان حق(ن) وبطلان
اعداد طايف باركانه_واعداد ممطر الهتان

وانا ماني بشاعر بس حنا يالقحاطين لا حزة في نفوسنا قلناها والخطا مهب زين!!! بس شاعركم حرك حمياي وانا ماودي اقول شي،،، بس دامكم تذكرون افعالكم في ال مسعود ،،، فخيالة الشرفا لها فعل تعرفونه ويعرفه غيركم وذكرت لكم القصايد والعلوم كلها ،،، واليوم حنا في امن وامان كلن في وظيفته وعند ورعانه واهله والله لا يغير علانا ،،، ويوم الجهل معروف ومخبور منهو اللي ماخذ حقه وزود.

من الافضل ذكر حتى (ولو اسم واحد) من (التسعين لحيه اللي عندكم من ال عبود) والا انتم ما عندكم الا سالفة ذبحة واحد من ال عبود (هديف بن عبود) مركزين علاها وتناقشون كيف انذبح بطريقه لا يفتخر فيها احد ابدا وهاذا يدل على افلاسكم وانصحكم امسحو الموضوع تراه عار عار عار عار عار عليكم (يا الغلبا) افعالكم الماضيه تغنيكم عن ذي السوالف.

المفهوم من بيت الفراعنه ان ما عندكم من فرسان ال عبود كثير لا نعلمهم 90 لحيه الله يجعلها في صبايب وجه ناصر الفراعنه الهلوس الكذوب،،، يمكنكم ذكر اسمائهم او نصهم او ربعهم او حتى واحد منهم يا سبيع حتى لا يكون الافتخار كله منصب على سالفة هديف اللي ما ذبح في نور!!! نحن نعلم باللي عندكم منا ونعلم باللي عندنا منكم وما خفي والله اعظم وترا اللي ذكرته فقط هي الهيات اللي كانت على ال مسعود او اشترك فيها ال مسعود ولم اتطرق للهيات اللي مع باقي قبايل قحطان الخنافر وال روق وال سعد وال عاطف وغيرهم.

لن يضيركم شي اذا ذكرتو فرسان ال عبود ال 90 لحيه !!!! لان هذا تاريخ والتاريخ اداة توثيق،،، فعلى سبيل المثال هناك فرسان قبايل كثيره قتلوا على يد الاتراك في نجد من ضمنهم بعض فرسان الجحادر وذكرتهم الكتب والتواريخ واسماء الفرسان لا زالت مذكوره وموثقه في الكتب مع اسماء فخوذ كل قبيله الى يومنا هذا،،،وكلنا يعلم ان هذا تاريخ ما يرحم احد ابدااااااااااااا.

واذا شاعركم الفراعنه قال الابيات المكذوبه فقط من باب الشهره على حساب الغير بيبطي بطى ما عقبه بطى من يريد الشهره على حساب قبيلة من اشهر قبايل العرب قاطبه (قحطان) وانا كانكم سبيع الغلبا (فحنا قحطان الغلابه) وال عبود فعلهم مخبور وهم اهل رمح ومزرح ويعرف افعالهم القاصي قبل الداني في سبيع وفي غير سبيع والله المستعان يوم جا الرخا والامن والامان والاسلام كلن قام يفسق ويقول انا فعلت وتركت والله يرحم الحال وماني بقايل الا مثل ما قال الشاعر القحطاني/

يالاجنبي حكيك علانا يزلي -- وما نبت عليكم من ريش نتفناه

والرد الثاني///

السلام عليكم

اخوي عبدالله الذعيفي عبيده ما فيها امير اسمه (جمهور) امير عبيده (ابن شفلوت)

اخوي اللامع ايه انا هو نفسه اللي تكلمت معك في منتداكم الثاني (ديوان الغلبا)

اخوي اللامع انت تقول والشيخ / هديف بن عبود وأخوه ناصر قتلوا على يد فرسان القريشات من سبيع كما هو

موضح بالقصة ،،، هديف بن عبود ما له اخو اسمه ناصر فلا تكذب على لحى الريجيل جعلك تبطي حي

اخوان هديف هم كالتالي / ذيب - معيض - محمد - جربوع - عايض - خالد - هذال - ذياب. من وين جبت (ناصر)؟؟

واذا انت تقصد (ناصر ابن فرج ابن سعد ابن فهيد ابن عبود) فحنا ربعه ونعرف كيف مات ياخوي اللامع

اخوي ناصر بن علي انا بعد لك شيوخ سبيع اللي خذوهم ربعي (ال مسعود) شيخ شيخ مع ابيات شعر كدليل قاطع بس ابيك تركز على هديف بن عبود اللي ماخذن اكثر من شيخ من شيخانكم وكنتو تحسبون له الف حساب ولا قدرتو فيه الا يوم عينتوه (منيع) وذبحتوه غدر اللي هو (هديف بن عبود) ولا فيه الا (هديف بن جعفر بن عبود) مافيه احد خذيتوه غيره اسمه هديف اخذ العلم اللي يجمد على الشارب ولا تكذب ترا الكذب عيب على الرجال!!!

شيخانكم اللي عندنا/

1- الشيخ/ محمد بن ضاري شيخ سبيع.. قتلوه ال روق

2- الشيخ/ فيحان بن باحص شيخ السودة.. قتله زيد بن شفلوت

3- الشيخ/ فيحان بن فيحان بن باحص... قتلوه الصقعات المساردة واللي حول به من فرسه (ورع من ورعان ال عبود ال فهد بن هادي ال عبود) وشافه المسردي يمشي في الحدبا على رجليه وذبحه.

4- الشيخ فهيد بن شويه شيخ العرينات.. قتله فهيد الفحيثه ال عاطف

5- الشيخ/ ابن جـفـران

6- الفارس/ هاجد بن سحمان بن عمير من افرس فرسان سبيع على الاطلاق خذوه ال عبود قضا في دم هديف بن عبود.

7- الفارس العقيد/ فايز بن هملان.. قتله عاطف بن مبارك بن سعيّد ال عاطف

8- الشيخ/ العماني السبيعي .. قتلوه بني هاجر

9- الشيخ/ هديهد السبيعي ... قتلوه بني هاجر

10- العقيد / محمس من عجمان الرخم ... قتلوه بني هاجر

12- الشيخ/ ابن قطنــان ..... قتله هديف بن عبود وسبق ان خذا هديف بن عبود اكثر من شيخ من ال قطنان والدليل رد القحاطين على ولد ابن قطنان اللي فرح بذبحة هديف (غدر) في وجيه القريشات لان هديف بن عبود سبق وذبح ابوه ابن قطنان (الشايب)/
ان كان تطري الشيخ ماذبح في نور_عود منيع ولاحمته العزايا
وصدوركم من ماضي افعاله حرور_كم طوحت يمناه شيخ النحايا
ابوك منهم في ثرا الحزم مدثور_عادك صغير مانبت لك ثنايا

تدرون وش معنى شيخ النحايا ياسبيع؟؟ يعني شيخ القبيله اللي عليه الكلام يعني (راس سنام القبيله) وهذا دليل على ان هديف ماخذن من روس الريجيل ومن كبار شيوخ سبيع وماردها في الصغار منهم

13- الشيخ/ مناحي بن وهطان شيخ الملوح.. قتله عايض (بن حركة) بن عبّود وقيل في مقتل مناحي بن وهطان المليحي/
خلوا مناحي في مداس الخيل****في ورد ربعن في اللقا شجعان

14-العقيد/ اباللحيم الصميلي..قتله كميّخ بن عبود

14- الشيخ/ عدلان الخويطري المحمدي.. قتلوه المساردة

15- الشيخ/ الوصيص المراغين... قتلوه المساردة

16ـ الشيخ الفارس فلحان السوده قتله راجح بن هلجان ال كعده ال عاطف

17- الشيخ الفارس/ فريج بن باحص من شيوخ السودة... قتله سالم بن ذفال ال الجرو

18- احد شيوخ السوده السبعان/ قتله سلطان بن عرار بن عبود او عايض بن حركه بن عبود وقيل في مقتله/
غاروا علينا جردة السبعان = يبغون من ذودي صبوح
يانافدا اللي ردوا الذيدان = عند العشاير يرخصون الروح
احتدهم عند السهل سلطان = ارتدهم شوق الطموح
جاك ابن حركه كنه السرحان = وأميرهم في دقلهم مطروح

19- الشيخ/ ابن فهيد احد عقداء الفراعنه سبيع ... قتلوه ال مسعود

20 -(( عدد 12)) فارس من سبيع جندلهم الشيخ/ عايض بن فهيد بن حركه وفي ذلك دليل من قصيدة الاكلبي الذي قال فيها/
جدّكـم عايـض المشهـور بالجاهليـة - إبن حركة مثل حد الرهيـف الحسامـي
يوم لحـق الغـزاة أفتـك ذوده لحالـه - وجندل أثنى عشر فارس ومن هج دامي
وصاح زيزومهم بالمنع تكفـى دخيلـك - وكب صهوة جواده وأنبطـح للسلامـي

وصاح زيزومهم بالمنع=فيحان بن فيحان بن باحص واللي قام بمنع بن باحص الفارس ناصر بن فرج ابن عبود الملقب (بالنادوق) وبعد المعركه طلب بن باحص خطبة بنت ال عبود لشجاعتهم ولان العرب من اول كلن منهم يقدر الثاني فزوجوه ال عبود لمعرفتهم بأن فيحان بن فيحان بن باحص شيخ وولد شيخ،،،وقيل في اسر ومنع فيحان بن فيحان بن باحص/
يانــفدا الـي ردهـم حـافـيـن****حتى النسيب مجرد(ن)عريـان
وقد اسر في نفس المعركه مسلّم بن جروه من عقداء وفرسان سبيع وقيل في اسره/
ياللي في مالهم مشفين ****تسلفو لمسلّم حذيان
وقتل في نفس المعركه مثل ماذكرت لكم 12 فارس من سبيع من اشهرهم العقيد اباللحيم الصميلي.

21- تسعين لحيه من السبعان اهل رنيه وثلاثة الجذعان ابناء محمد بن هندي بن حميد على بير عقلان وبرز في المعركه فعل جعفر بن عبود شيخ ال مسعود وفعل ضويحي شيخ ال الجرو وفعل عروان بن منيشط ال جاهل ال مسعود.

انا يعز علي اني استنقص من احد كل القبايل عندي كرام وحشوم ،،، ولا جات على السبعان فربع وعواني وسبيع عند القحاطين من دون بقية القبايل وانا ترا ما خلاني ارد الا بعد تبجح شاعركم ناصر الفريعني بقولة/

وركابة ال عبود ما منهم حي_تسعين لحيه قطعن اشلال

والمريض شاعركم اظهر الجهال اللي مثله وعلى شاكلته وخلاهم يمغمغون في الكلام وانا ماني باللي تلحقني في ربعي شكه ربعي لا جات على الدين فهم اهل الدين ولا جا الجهل فلا احد باجهل منهم وفعلنا مخبور وال مسعود قنو الابل والخيل كلها قلايع من جميع القبايل يوم بعض القبايل يربونها فحنا نعينها في المفلا وناخذها بالغصب بحد السيف يقول واحد من شيوخ النفعه عتيبه ال حجنه/

نبيك يا نجد فنجدت حلالنا_يا جعلها مره على ال مسعود

فرد عليه شيخ ال مسعود ذيب بن عبود/

نثلم بحد السيف دون ذيدانا_وذيدانكم ناطا بها الجلحود

ويوم بعض القبايل تحسب قلايعها فحنا يال مسعود ما حسبنا قلايعنا كل ذودنا وركابنا قلايع من القبايل الاخرى واولهم عتيبه وسبيع ويوم جا الاسلام وراح الجهل فكانا البل والحلال والخيل كلها فالبطنان والوديان وخلاناها تروح وتدج في الخلا لوجه الله دارين انها ماهيب لنا من الاول لانها كانت كسب بالغصب من ورى الخشم والحمد لله جا الاسلام والامن والامان ونحمد الله على العفو والعافيه يقول شاعرنا/

خيالة الشرفا رجال المواجيب_يا كم قزا في دقلهم من قلاعه

ويكفي قولة عايض بن فهيد بن عبود (بن حركه) رحمه الله/

ان دينوا فحنا هل التوحيـد_وان اشركوا فحنا هل الزلبات

ها ذلحين عوافي والله يلعن الشيطان وحطو على راس ابليس حيد .

ملاحظه / معركة الفراعنه وال مسعود كانت بين قبيلة الفراعنه كامله وبين 3 رياجيل من ال مسعود

ضاوي بن عرار بن عبود _ غتار الحماليه ال عبود _ وواحد ثالث لا اعرف اسمه .

القصه غزو الفراعنه على ال عبود وهم في (المهمل) وكان فيه رجالين في وسط شراعهم رقود (بن الحماليه ورجال ثاني) وضاوي بن عرار شاف القوم (الفراعنه) جاينهم يبون يذبحونهم فردها لبندقه ونطح الفراعنه بلحاله وقام يرميهم وصوب منهم 17 رجال وخلصت ذخيرة بندقه وجوه وضربوه في راسه وطاح يحسبونه مات وراحو للي في الشراع وعينوهم راقدين وذبحوهم بالغدر وكانت السالفه بعد توحيد المملكه وكان فيه 3 رياجيل من ال مسعود مسجونين في السجن لخلافات سابقه مع السبعان وجاو الخنافر لال مسعود قالوا خلونا نروح للسبعان ناخذ قضا ماتاكم يال مسعود ولكن للاسباب التاليه ذكرها ماخذا ال مسعود قضا قتلاهم/
1) تدخل الحكومه والقضاء في الموضوع فتم سجن 11 من الفراعنه

2) وجود 3 سجناء من ال مسعود اصلا في السجن اثر خلافات سابقه بين ال مسعود والسبعان

3) تدخل الحكومه وفرض على الفراعنه (دفع الديه) قتلا ال مسعود

4) الخنافر وال مسعود نوو ياخذون الفراعنه لكن ال مسعود لهم سوابق مع الدواسر وقد اثرت على علاقة قبيلة ال مسعود بالحكومه ذلك الوقت (الملك عبدالعزيز) لان ال مسعود سبق وغزو الدواسر وحاولو دخول واستحلال ديارهم

فكانت كل هاذه الاسباب منعت ال مسعود من القيام باخذ القضا في موتاهم ال 2 من الفراعنه.



ولا ننسى سالفة السبيعي اللي جا عند ابن عبود (راعي الفوج) وصفه ابن عبود على وجهه كف وراح يجيب السبعان واركتكولهم خيالة الشرفا وجعلو رجليهم فوق رقابهم.

السبعان يتكلمون وكأن فيه حق لاحق ال مسعود في هياتهم مع السبعان

انا ماحبيت اعلق على الموضوع اكثر لكن اصرار الاخوان في المنتدى ما جعلني اسرد القصه (سالفة الفوج) وهي/

انه جا واحد من السبعان بدون ذكر اسم السبيعي وكان في الفوج عند ابن عبود وقام يهايط في (فوج ابن عبود) فقام امير الفوج (وصفق السبيعي بمخمّس على وجهه) والسبعان يعرفون وش حصل،،، وزعل السبيعي عقب الصفقه وراح يجيب ربعه السبعان يبون امير الفوج (بن عبود) وارتكولهم خيالة الشرفا اللي في الفوج وجعلو والراضي من السبعان ذاك اليوم يروح زعلان وعرفو وقعنا الرياجيل ذاك اليوم في السبعان اللي جاو للفوج .

العذر والسموحه ان كانه جا شي فالخاطر يا سبيع الغلبا بس ردودي كلها للاسباب التاليه/

1) تبجح الفراعنه وكذبه على الرياجيل شمطان اللحى عصمان الشوارب في قولته ان سبيع ماخذين 90 لحيه من ال عبود ال مسعود .

2) تبيان الحقيقه كامله في اللي حصل بين ال مسعود والسبعان في جميع الهيات .

3) توضيح حقيقة ذبحة هديف بن عبود (غدر) وهو (منيع) في وجيه القريشات .

4) وعلى ما قال القايل من قال انا ضيم الرجال ضاموه الرياجيل ،،، وانتم يا سبيع

شاعركم ناصر الفريعني يقول بانكم خذيتو من ال عبود 90 لحيه زور وبهتان وهاذا العلم اكيد ما جابه من راسه وجاه العلم من ربوعه السبعان،،، فوالله وعلي الحرام حرام بالله حرم دم لو اني سبيعي ان اروح لناصر الفراعنه في بيته واقول ميده اعتذر من الرياجيل اللي انت سبيتهم سبيع الغلبا في غنا عن كذبك على لحى الرياجيل .

والسلام عليكم ورحمة الله وبركاته.