يااااااااااافارج الكربات

بسم الله الرحمن الرحيم


هذه القصيده أرسلتها لشاعر الكبير سعد إبن فايز إبن جري وهو من أعز الأصدقاء الذي أفتخر فيهم


وهذه قصيدتي

يافارج الكربات وهموم وأحزان = يامالك (ن) كل(ن) بعلمك مصيره

يامن بأمرك يسجد الأنس والجان=وقوتك تخضع كل نفس شريره

يالله ثباتك وقت زوغات الأذهان=وأجعل لنا عسر المناهج يسيره

وعنا إصرف اللي في هوى كل شيطان=وعلى دروب الشر يشعب بعيره

اللي يشلون الجنايز بالكفان =ويسوق لدروب المهالك شويره

يابو بدر ياكافي الشر بلشان= من واهج في الصدر مثل السعيره

دنيا غداء فيها أبرق الريش شيهان= يا إبن جري دنيا غراييب وحيره

وتحية مالاحت بروق الأمزان=لبو بدر ملفى الوجيه السفيره


وهذه قصيدته


ماهل غيث وأينعت منه الأغصان=مازف الأخبار السعيده بشيره

يامرحبا ترحيب مشفي وشفقان=لعلوم من يثنون عند الكسيره

حي الرساله والنبأ من بليهان =اللي شمل الأقصى والأدنين خيره

سفر مبارك ريف ضيف وجيران=ومجير من ينشد من الضيم جيره

فزاع في اللازم لربع وصدقان=أبشر وحاضر منطقه وتعبيره

يفديه من يفتح للاعذار بيبان=هزيل هقوات والارياء ضريره

من خلقته ماذكر له في الملاء شأن =حكيل حد صادي(ن) في جفيره

جعله يابن هباش يفديك قمحان=اللي عن القاله يمينه قصيره

هذا ودنيا إبن أدم أحداث وأزمان=نوب تجي حلوه ونوب مريره

ان ساعفت جاتك بورد وريحان=وكستك جوخ وحاطتك بالبريره

وان عاندت حطتك شارة ونيشان=وجنك بلاويها الجوامح مغيره

ولا يضد أجوافها كيف ماكان=ويودع مصايبها الكبيره حسيره

الا إحتساب وصبر (ن) وقوة إيمان=وقيام ثلث الليل الأخر وتيره

يكفيكها من كان ثالث للأثنان=في لحظة مايذكر العبد غيره

وأسلم وسلم وأستلم جزل وأوران =وعسى يا بو فيصل في الامر خيره

__________________

وهذه القصيده أيضا ً للشاعر الكبير ::سعد فايز بن جري. ثناء على المعروف الذي قام به


الأستاذ الكبير:: علي بن سعيد ال جابر الحرقان وحيث أن أبو فهد يستحق الثناء والشكر


بو فهد ياجعل عمرك من طوال العمار =وعمر عزوتك أبو نواف والوافي سفر

ياقحطان المدح والفعل لا كبر النهار= وشامت القالة لأهلها سلاطين الظفر


تقهرون الضد وأنتو على قحص المهار=وتكرمون الضيف بأشد حالات الفقر


ومن زبنكم خاب من دوره طلاب ثار=ومن نخاكم والله إنه يبشر بالسفر


وأنا ممن طالهم طيبكم يأهل الشنار=يوم جاء اللازم وفيتو ولا حي إعتذر


جعلهم يفدونكم من يحبكون العذار= مالهم في الطيب قسم ولا يقوون أمر


مايطول الكايد إلا صواريم الحرار= مثلكم ياأهل الوفاء يابعدين النظر

والله إن أنحر لكم خيرة سمان الفقار= وإن أكسيكم مشالح وألبسكم غتر

ماأنتو بحاجة لكن المواجيب الكبار =تفعل لمن يستحقونها ود وقدر

__________________

شكرا لك أخوي عايض بارك الله فيك

__________________

يعطيك العافيه

اللة يجيرك يا بعد كل صنيان دامت حياتك بالسعدولسفيرة

__________________

الشاعر الكبير /سفر بن مبارك



صح الساااااااااااانك ياابو فيصل وصح السان سعد بن فايز بن جري وانت يابو فيصل استاذ نتعلم منك


الكثير والكثير والله لايحرمنا منك ولا من قصيدك الجزل والله يوفقك ياابوووووووووفيصل


تقبل تحياتي وتقديري وعرفاني



وخوك الصغير /محمد بن عبيان بن مجلاد ال سالم الفهرررررررررري

وانت يعطيك الف عافيه بيض الله وجهك

__________________

سلمت وصح لسانك جعل عمرك طويل بيض الله وجهك

__________________

أخوي الكبير في القدر سلمت ودمت بيض الله وجهك ع الجزاله والكلام الثمين الله لايهينك ويرحم من جابك..

__________________

لا هنت يا بو سفر وصح لسانك

وتقبل مروري