[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
شيّ"ن" جرا لي فِ الزّمن واضناني=غنّيت به فَ الشّعـر و القيفانـي
تجارب"ن" منها زرعـت الفكـره=لين اثمرت من هاجسي و الحانـي
ف إن كان شفتوني صغير ب سِنّي=ما طالني جور الدهـر و اشقانـي
ف انا مع صروف الزمان آلاغبـر :=رفيق درب و صاحب"ن" متفانـي
من بيننا حلف و عهود"ن" تبقـى=كنّي معه ( يامي ) و هو (قحطاني)
الله على وقتي كريـم المَـدّهـ!!=أرهى عليّ امن الحِـزِن و اغنانـي
لكنْ !! بها فيمـا اشوفـه خيـره=بانوا معي فـي ضيقتـي صدقانـي
أحد"ن" يغيب إليا بـدا لـي لازم =و إليا سليت آعيّنـه ب اوزانـي
هذاك لا قفّـى و غـاب و دبّـر=مانـي عليـه مقفّـل"ن" بيبانـي
يمكن يجي يوم"ن" تـردّه حاجـه=و اللهْ م اقصِّر لا زهـم / ينخانـي
وأحْد"ن" ليا بان الخطر صار اقرب=من ( مخزن العطفه إلى العمّانـي )
يا شوش راسي لا تطـاروا فعلـه=فرسان جيش"ن" يرهب العدوانـي
سِعْد الخوي ذخر لْ هَلَه و لربعـه=طلق الحجاج إليا لفـوا الضيفانـي
هذاك والله ل/ آآغدي من دونـه=سيف"ن"صقيل"ن"قاطع"ن"شاماني
كسب الجمايل ما يجي بالسّهلـه=لا شك تِتْعَب ل اجلـه الظّفرانـي
فلولا الكرم ما ذاع طاري " حاتم "=وَ لَا انشهر من فعلته " تورانـي "
( علم الحيـا و الغانميـن يبيّـن )=قول"ن" بقى من سالف آلازمانـي
و يا سوّْ حظّ اللي علومه هزله !!=ما ساق نفسه ل العلا .. متواني !!
العيش ف الدنيا جهاد"ن" دآئــم=و الرّابح اللي ل/ النّعم كسبــاني
حيّ الفتى لا من تركنـا ميّـت ؟!=ثمْ قالوا العربان : وين فلانـي ؟؟
أصبح مكانه خالي"ن" مـن بعـده=و يبطن يجيبـن مثلـه النّسْوانـي[/poem]

__________________

أرحب يابو معدي

رساله واضحه جدا

صح لسانك وبيض الله وجهك على هذي الشامخه

لاتحرمنا الجديد ياكحيلان

تحياتي وتقديري

__________________

صح لسانك يابو معدي على هذا البوح الصادق وتقبل مروري

__________________

صح لسانك يا شاعر

جــزل

__________________

احد(ن) فعوله تجمل بني عمه..........واحد(ن) على ربعه شرهه ومنقود

صح الله لسانك يابومعدي

ولاهنت على الابيات الجزلة


علم الحيا والغانمين يبين ,, قولن بقى من سالف الازماني

عزالله انك اطربتني

اللهم صلي وسلم على نبينا محمد


وصح الله لسانك يابومعدي واعتلى شانك


شاعر كبير ولافيك حيله


ونص يستحق القراءة فعلاً

صح اللسانك 000 والدله ابهارها غالي 000 لاهنت 0

كبير يامحمد

صح الله اللساااانك وانا اخوووك

__________________

صح الله لسانك

صح الله لسانك يبن معدي
مبدع وقصيده جزله
تقبل مروري

__________________