مصافحه اولا,,كلمة وفاء منـي الذربيـن الافعـال^^^بسم الهواجر وقحطـان وعبايـد

السلام عليكم ورحمة الله وبركاته ,,,

يسعدني ان تكون اول مصافحه لي ..

هي قصيده للوالد . جعل عمره طويل .
رثاء :-
فقيد الأمة خادم الحرمين الشرفيين الملك فهد بن عبد العزيز{رحمه الله}

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=1 align=center use=sp num="0,black"]

الهاجري يثبت كلامـه ليـا قـال=ولا فخر في عـد كثـر القصايـد

والشعر له زبده ويسمج ليا طـال=وجزل المعاني فيه منهـا فوايـد

لا صار ما للشعر ناقـد و فتـال=ما ينفعك لو تنشره فـي الجرايـد

انا شهد أنه لف بالبشـت رجـال=آكبر فقيـده مـن كبـار الفقايـد

لعل.له في جنـة الخلـد منـزال=حل القدر ما عـاد منهـا صدايـد

هذا فهد لاعـد تاريـخ الابطـال=سجل له التاريـخ بالمجـد رايـد

رايـد وقايـد للمهمـات حــلال=وليثٍ ليا جات السنيـن الشدايـد

فرز الوغى حلحيل ماهوب ينحـال=وحن مومنين وراح ماهوب عايـد

وطويق راسي في محلـه ولازال=والغرب يرزح في محلـه محايـد

موتة بطل والملك بيدين الابطـال=لاراح قايد يمتطـي الملـك قايـد

اخوان نوره قصروا شبر من عا ل=بالسيف جتهـم مالقوهـا برايـد

شرسين في حال وفي حال عقـال=ومن ماضي التاريخ معهم شهايـد

اسلوبهم معروف نبهيـن وثقـال=هـاذي قديمـات وهـاذي جدايـد

يعيش ابو متعب عن الحق مامال=بالعدل والانصاف والامـن سايـد

غيثٍ ليا انشا ينثر المـزن همـال=ذاع التواضع والعفـو و الزوايـد

اصوك ويجزع من عقاله ليا مـال=واقطع من الفولاذ مالـه شرايـد

ولي عهده بالوفاء مالـه أمثـال=سلطان أبوخالـد وسيـع البنايـد

حجا خويه لاحداه أشهـب الـلال=لاقيل يـا سلطـان يـا بالعوايـد

جعله أفداه أمجمعة روس الاموال=يفدونه اللي يجمعـون الرصايـد

سورٍ على شعبه من الحيف وظلال=وستر العذارا لا رمـن بالصمايـد

ما دوّن التاريـخ تقـراه الاجيـال=فوق السحاب يحوم مالـه ندايـد

لو للكرم في وقتنا اليـوم فنجـال=شربه ويشهد لـه قريـبٍ ونايـد

من عادتي لاني بجامل ولا اسـال=ولا يجيك شيٍ كون ما الرب رايـد

وانا على ما اقول يشهد لي رجال=شبره على شبار المطاليـق زايـد

كلمة وفاء منـي الذربيـن الافعـال=بسم الهواجر وقحطـان وعبايـد[/poem]




الشاعر:-بــداح بن مـحـمـد الـهــاجــري

__________________
[poem font="Simplified Arabic,6,black,normal,normal" bkcolor="transparent" bkimage="" border="none,4,gray" type=1 line=1 align=center use=sp num="0,black"]
يرجال يللي تعرفون المواجيب=وجربتو الدنيا كفى الله غثاها
بين النشاما مزين مزارق الطيب=ومن يفعل الحسنئ بيلقى جزاها[/poem]


حمد بن عديمه

abn-ademh@hotmail.com