زور البشوت اللفايق

[poem=font="simplified arabic,4,darkblue,bold,normal" bkcolor="sienna" bkimage="backgrounds/23.gif" border="solid,4,darkblue" type=2 line=0 align=center use=sp num="0,black""] [poem=font="simplified arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="1,black""]

الهم حاكم جايرِ لا لفاكا = استعمر الخافق بشتى الطرايق
نزّل شداده فالضمير وتراكا = وحطّم بساتين الفرح والحدايق
شيءّ طبيعي دام هذا و ذاكا=تامر و تنهى الناس و الوضع لايق
يا وقتنا اللي كل خلقه تشاكا=حتى الثواني تشتكي للدقايق
فيك الرذيله و الخديعه تحاكا=حوك الزوالي في بلاد النفايق
الناس و الفقر المسلّط شراكا=حطّوا على درب النشاما عوايق
تحالفوا عالظّلم و الانتهاكا=ومعهم جموع مزوّرين الحقايق
يا وقتنا اللي ما سلم من وذاكا=منهو تمسّك بالعراوي الوثايق
خلّيت حوّاش الظفر في هلاكا=ظاعت حقوقه بين سارق و بايق
الله واكبر ما عرفنا دواكا=عزّيت شيخ البورصه و البطايق
اللي معه قرشٍ يقلّط علاكا=وعين القوادي و المبادي توايق
يا ويش لو كان المراكي تحاكا=كان أنكشف زور البشوت اللفايق
يا خاطري وفّر تعبك و عناكا=وخل الزلايب و الجعر في حرايق
الوقت هذا محترف في جفاكا=وأكثر جنوده للرذيله عشايق
توفي ولا أحدِ يلتفت في وفاكا=ضاع الوفآ فاكثر صدور الخلايق
حتى رفيقك ما وقف في حراكا=في حزّة فيها تبين الرفايق
شكواك للي فوق عرشه يراكا=منته لحالك من عنى الوقت ضايق
كلِ على الي في ضميره تباكا=والدمع ما يبري جروح .. العلايق
[/poem]
[/poem]