قصيدة للشاعر درويش بن هادي السريعي

هذه القصيدة للشيخ الشاعر: درويش بن هادي السريعي القحطاني رحمه الله رحمة واسعة وأدخله فسيح جناته وهي مقيولة بتاريخ 1230هـ/1809م

[poem=font="Simplified Arabic,4,blue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يالله يا مطلوب ياعالي النظر=ياللي رقيب ما يغره زايلي
يا خالق الخلق ما غره بشر=والرزق من عنده وهو له خايلي
ياخالق الطير وبريشه نفر=هم زاد يكسيها بريش جثايلي
يا خالق ابن آدم بالسمع والبصر=وأعطاه من كثر النعم فضايلي
ويا معوشٍ الحوت في جوف البحر=والبحر موج فوق موج هايلي
أسئلك بأياتك ونورك والقدر=وأسمائك الحسنى وعزك طايلي
أسئلك تغفر لي ومن سمع وحضر=تغفر ذنوبي فإنها ثقايلي
قال أبن هادي بات في صدري حذر =وقد بات دمعي فوق خدي سايلي
لما ألتهمت القبر ضيقه والغدر=وقد المحاسب فوق راسي سايلي
فلا بد لي من الموت مامنه الحذر=ومنهو اللي من الموت عمره طايلي
ولابد من يومٍ شديدٍ على الكفر =يوم عبوس قنطرير هايلي
يوم القيامة قيل في عد الخبر=مقدار خمسين ألف عام طايلي
والرابح اللي هو على الطاعة صبر =ويدري بملك الموت أنه جايلي
ويقوم في ليله ويطمع له ظفر=والناس في نوم وكل عايلي
فيا عين شوفي قبلنا كم قد صدر=راحو أهل القوات والرسايلي
أهل القصور العالية وأهل الشهر=ماتوا ولا يبقى عليها زايلي
ما باقي إلا الله يامنشي المطر=واكل ملك دون ملكه زايلي
ويا عين شوفي قبلنا كم قد صدر=شوفي لفرعون وملكه زايلي
هباه ربي عبرة لأهل البشر=ثم أطمر في البمحر موج هايلي
ربي عذاب المسرفين وأهل النكر=وأهل الخنا والكذب والظلايلي
وقال أبن هادي هاض قاف بالفسر=كنه جنى البرحي وعذقه مايلي
والا العسل تجباه نوبٍ من الزهر=قد هو دوى للي بهم علايلي
والا حليب الأبل حاليت الصور =القند كنه بين رغوه سايلي
أبنشد العراف من أحدى عشر=أحدى عشر قد كلها مثايلي
الأولة طلبتك يا منشي المطر=لا راد وأنشى كل وادى سايلي
أسئلك تغفر لي ومن سمع وحضر=ليرحت بين الطين والصلايلي
والثانية ترها مقاويد الظفر=وهي خير ماتجني من المثايلي
ترها صلاة العبد زينات المقر=خمسة فروض للذنوب زوايلي
أحفظ طهورك في صلاتك والحذر=ولا تجي عند الصلاة محايلي
والثالثة تر في السنة صوم الشهر=كم ذكر في صومه من الفضايلي
والرابعة السنة عليها بالأثر=من خالف السنة فدينه عايلي
والخامسة زكاة مالك بالقرر=فإنها طهور للحلال كمايلي
والسادسة الصدق فهو نور وظهر=يظهر براعي الصدق في المضايلي
الصدق مثل البر في العلي ظهر=والكذب مثل التبن في السفايلي
الكذب مثل الليل تسري في غدر=تصبح وساقك بالدمى وشايلي
أما طمر في شوك وألا في عسر=والا حنش سلسال سم سايلي
والسابعة من قبلك فإلوه عسر=ما يقبل إلا الوعل من القبايلي
الفسل لا يقبل ولا منه وثر=الله يصيب الفسل والنذايلي
الفسل مثل النيث تر ماله وثر=لضرب به ما بان له فعايلي
الفسل مثل عجفات العثر=مثل الذي يذبح من الهضايلي
والثامنة دور لبنت شيخ مشتهر=يا بنت من يردع خطايى العايلي
صيب الظفر كالهندوان اللي ذكر=لضرب به تغدي العظام هلايلي
مثل الذي يذبح سمين فإستتر=تقبل شحومه في الصحون هلايلي
والتاسعة خذ لك سلاح من المجر=سبك الظهر غالي وعنقه طايلي
فإن السلاح اللي يجيب لك الضفر=قد البنادق في اللقا قتايلي
والعاشرة تره الرفيق اللي يسر=إللي لجنبك مثل درع حايلي
درع لجنبك حايل من كل شر=يقتل بقتلك والحمول ثقايلي
اللي لعتزته لضيفان أستتر=وألا لعازات الزمان الطايلي
والرابح اللي هو لربعه قد صبر=يصبر ولو كانت عليه دوايلي
وأحدى عشر يامن لهم سمع وبصر=شيخ عروف فتر القبايلي
لا جت مقاديم الحكى زاد وظهر=هم راح شده فوق غيره ما يلي
قلته وأنا من لا بت تسرى الغدر=دعوى آل يحمد يا خزام العايلي
كم واحد من ضيمهم يثني الزفر=ونوم عينه غادٍ قلايلي
كم من صباح لغدا حل السحر=نروي رهيف الحد والسلايلي
وصلاة ربي عد ما هل المطر=على النبي المخصوص بالرسايلي[/poem]