من يحمي حقوقنا من شركتا الاتصالات وموبايلي ؟

بسم الله الرحمن الرحيم

انتظاركم محل اهتمامنا ، نقدر لكم انتظاركم وسيتم خدمتكم في اسرع وقت ،

نظراً لانشغال الموظف بعملاء آخرين نرجو الانتظار ، نظراً لأتصالكم في اوقات الذروة نرجو معاودة

الاتصال لاحقاً .

كثير ما نسمع هذه العبارات وبأصوات ناعمه يذوب لها عقل المتصل قبل مكالمة المسئول وياعيني

على المسئول ، يا عيني على الاحترام لو ما المكالمة مسجله كان لعن خامسي هذي الحقيقه ، انها

شركاتنا الموقرة الانفصالات ( الاتصالات ) . وموبايلي ( عالم من اختيارهم ) قصة تضحك وتقطع القلب

وتقهر وتبكي وش بقى ؟ يا ناس والله حقوقنا مهضومه عند هالشركات في بلد يعد من مصاف الدول

لن اقول الكبرى ولكن من الدول المتقدمه في كل المجالات وهذا بفضل الله ثم بفضل حكومة خادم الحرمين

الشريفين وهناك دول بعدنا بسنييييين وصارت احسن منا كلها ببركات شركة الاتصالات وموبايلي

( احد الاخوان عنده رقم موبايلي ويبي يحوله الى الاتصالات الجوال وصلح مخالصه من موبايلي وقالوا له

خلاص يا عملينا ويا حبيبنا كلها 48 ساعه الى 72 ساعه وجوالك محول الى الجوال ابتسم صاحبنا لهذا

الموظف صاحب البشرة البيضاء الانيقة ورزة الشماغ اللي تقول صابها صبه على راسه وكالعادة اي خدمة

طال عمرك ، صاحبنا قاله انت اللي طال عمرك ، مضت 48 ساعه و72 ساعه اربعة ايام خمسة ايام ستة ايام

ولا جديد رقمة مفصول من موبايلي والاتصالات ماعندها خبر في الموضوع ، رجع اخونا الحبيب واتصل على مو بايلي

وياسلام على الانتظار رحت الخرج ورجعت وما بعد كلمه الموظف ( لا تصدقون مو الخرج الخرج بس طريق الخرج )

اخيراً مسك معه وكلمة الموظف رحب فيه اللين راح فيها صاحبنا وشكاله على الموضوع قال الموظف : ايه الله يسلمك

عندك ريال مديونيه و40 هلله صاحبنا : وش ريال وانا عندي مخالصه من عندكم قال : والله ما طلعت عندي في الجهاز

رح راجع الاتصالات . صاحبنا كلم الاتصالات وكالعادة ( انتظاركم محل اهتمامنا ) اخيراً رد الموظف : اي خدمة . نعم

يا خوي حولت رقمي على الاتصالات وما اشتغل . والله ياخوي ماعندي في الجهاز اي شيء يثبت تحويلك . لا حول

ولا قوة الا بالله طيب وش الحل ؟ قال : الحل تروح هيئة الاتصالات وهذا رقمها : 014618000 ويدق عليهم ولا من مجيب

مع ان دوامهم حكومي من الصباح حتى قبل العصر رجع ودق على موبايلي 59 دقيقه و34 ثانيه انتظار حتى يكلمنا

المشرف . والله رحنا وتغدينا وخلصنا مابعد ردوا يا سلام واخيراً رد الموظف : لؤي وشرحناله وكأننا نشرح له عن مرض

صاحبنا ومتى العملية الجراحيه حتى هو انكسر خاطره هالموظف مساكين يا المواطنين وتم الشرح من أول وجديد

بس يقول الجهاز مايبين عندي المخالصه . عطنا المشرف قال طيب وجانا المنقذ المشرف : أيمن ( كلهم طروش ) وقلنا له

السالفه قال لحظه اشوف الجهاز مادري وش السالفه هل مشكلتكم من موبايلي والا من الاتصالات . يا ناس بالله هذا

كلام هل يعقل ما يدري وش المشكله ما يبين له اسمي ورقم هويتي اللي طلبها ؟ قلنا تم واليوم سابع يوم وبكره

بنشبع نوم ولا حياة لمن تنادي ضايعين بين موبايلي والاتصالات وش الحل الى الآن والخط مفصول وموبايلي تزيد

عليه الهللات والحجه الجهاز مايبين مسكين صاحبي قلت له طلع لك شريحه من البحرين والا الكويت احسن

وسلامتكم . انتهت القصه وش الحل في نظركم ؟ ورب البيت كل اللي صار صحيح

__________________