هيه ياللي تفعل المنقود وتصيح وتشره

بسم الله الرحمن الرحيم
[poem=font="Simplified Arabic,5,darkblue,bold,normal" bkcolor="transparent" bkimage="" border="double,thick,darkred" type=1 line=1 align=center use=ex num="0,black"]
المعرفه في بدايتها تواهيم ومغره=ليلة ٍ غدرا يتيه ابها الدليله لا سراها
احسب ٍ مافي المعرفه قينة ٍ في ثوب حره=انخدعت بصوتها ولا نويت اكشف غطاها
ماكشف عن وجهها غير الزمن لله دره=اكتشف لي سرها المجهول والحقها مداها
والوفا يبقا على طول الدهر والموت مره=والوجيه اقبح مافوق الارض لاباعت سحاها
هيه ياللي تفعل المنقود وتصيح وتشره=انت مثل اللي يكحلها وكحلتها عماها
طيع شوري والزناد اقصر يمينك لاتجره=قال الاول خلها جبعا تفارقني وراها
زر ثوبك فوق جسمك كان تبغا الستر زره=لاتبين خملتك ما دام اخو شما رفاها
لا تحسب اني على درب الردا قصاص جره=نشري الجزله ونفعلها ولا نرقب جزاها
واحمد الله واشكره مالك فضل مثقال ذره=لقمة ٍ من يدك لو يذوقها الواوي غثاها
لا تحسب ان الثرا مثل الثريا والمجره=والنشاما ماتجوع ابطونها لولا لحاها[/poem]

أخوكم/ ذيب بن محمد الحميداني