مرثية في الشيخ محمد بن عايض

قصيدة الشاعر محمد سعد بن عامر ال حويل مرثيه في الشيخ محمد بن عايض

[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
إلى دكت هواجيس الحشا في خاطري دكيت=على جمس(ن) مع الغبشه وراعي النوم ماقامي
جديد من الوكاله ما نقلنا له سبير الزيت=على المفتاح ماشد المكينه خان ابو سامي
ابسلم على خطلان الايدي كل مامريت =اسلم واتعلم ويش جا عقبي وقدامي
على مرابع الصبيان منساهم ولو صديت=ولانسى ربعي الي من على الجدان وحزامي
نظرهم من ورايه كل يوم طيبين الصيت=وهم ذخري لاحدتني الدنيا وايامي
إلى شفت الجبل عقب البطا وفراقهم ونيت=ونين الي نهش رجله حديب بنابه الدامي
اقوله من هجوس في ضميري يوم رحت وجيت=ابرد خاطري ولا صوابي بالحشاء كامي
ابرد خاطري في رفع صوتي كل ماغنيت= عسى من لامني في ربعي الغالين يالامي
شيوخ الدار نور الدار مالقاهم الى عديت=رحل واحد ورا واحد وراحو مثل الاحلامي
عليهم رحمة الله واطلب الله كل ماصليت=عسى مقبولت(ن) منهم صلاة وحج وصيامي
طريق الريع ماليبه يذكرني الى سجيت=اجنب واخذ مع المسياب وعيني دمعها حامي[/poem]
وسلامتكم