((الذيب)) بدر الخالدي!!

ادري تأخرت عليكم يا صبيان قحطان ولكن المعذره كنت منقطع عن الموقع كم اسبووع
الشاعر بدر الخالدي الذي أعتقد ان استمرت قصائده على مستوى القصيدة الأولى سوف يكون له شأن كبير ان شاءالله و أتمنى ذلك ..



صلواا ع االنبي


البارحة والجوع مس الذيب يوم انـه يعـوي
علـى سنـام طويـق والقمـرا وراه بليتهـا
آخايلـه، واقـول واعـزي لحالـك يالقـوي
ياللي تنقا في سمان الفطـح لا مـن جيتهـا
وياللي باساميك ايتقلدها الخوي امع الخـوي
والعرب تبديك التحايـا وانـت مـا حييتهـا
واسمك على النخوه يعد وكل روس تنشـوي
والوجبـه الحيـة تعشاهـا وتتـرك ميتـهـا
الجوع لو يدفعك للمـوت الذحـاح المستـوي
حشمت نفسك عن عظـام الحرجـه وخليتهـا
ودامك طليق ما قهرك المعتـدي والمهتـوي
واخطاك من دون المغازي ما بعـد سجيتهـا
يالذيب يا ذيب الخلا اللي ليلك يروح سـروي
ما بيـن مرحـان الشواويـه ليـا عسيتهـا
يا موجل قلب حضري يا موجل قلـب بـدوي
ياللـي تحشـم خـوة الرجليـه ان خاويتهـا
عامر خوي الذيب في عصر الفوات المنطوي
قصته فأذهان العـرب واليـا طـرت لبيتهـا
نحر ذلول مـن وصايفهـا شحمهـا مرتـوي
لعيون خوتك الفريده والبقـاء فـي صيتهـا
ياذيـب يكوينـي قنيبـك لا توحيتـه كـوي
على غشاش الكبد والخطـوه عمـد رديتهـا
مدري غباء مدري ذكاء مدري تسرع فوضوي
لكن خطواتي على الهيبه مـا قـدم ضريتهـا
ياذيب عزك في زمان السيف من قبل يهـوي
وقبـل زمـان العولمـة للنـاس واتيكيتهـا
وقبل يغيب المنطق الحسى ويبقـا المعنـوي
والغيـره تـوزع تجمعهـا علـى تشتيتهـا
وقبل النوايا المستقيمـة مـا تلـف وتلتـوي
والناس تمشي في تعاملهـا حسـب توقيتهـا
ياذيب مدري كيف ابا اوصف حالتك يالمنزوي
والهاشميه فـي طـرف عينـي ولا دنيتهـا
لا جيت ابرثي حالتك ضـاع الكـلام اللغـوي
والمفـردات اللـي تجملنـي ليـا عديتـهـا
والهاجس اللي كل ما فليـت حويـه ينحـوي
وافكاري اللـي تتعـب الخافـق ليـا هليتهـا
واخاف لا تكمل ويلحـاك النزيـف الدمـوي
وابقى على قول المثـل خميتهـا واخطيتهـا
ياذيب واقنب خل صوتك يـدوي العالـم دوي
ما دام خانتـك الظـروف الله يخـرب بيتهـا [/poem]




وسلامتكمـ،،،،(اذا كان الموضوع مكررالرجاء الحذف((اصلاً غصب)

الله الله بالردود]