قبيلة سنحان في الرياض تكرم الشيخ عبدالله السلاطين

[poem=font="Simplified Arabic,5,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
في ليلة من ليالي الوافاء أصر ابناء سنحان إلا أن ينحو منحى من كرموه في شرف المرؤة وجزل العطية و الوفاء حيث=
عمدو على تكريم عبدالله بن سالم السلاطين السنحاني وذالك لتنازله وعفوه عن قاتل ابنه =
حيث بدء الحفل بتقديم من مقدم الحفل البارع الشيخ حسن بن علي السنحاني الذي رحب بالحضور الكريم في ليلة =
من ليالي الوفاء والسخاء والعطاء وذلك كمدخل لخير بداية حيث بدى الحفل بآيات من القران الكريم رتلها مذكر=
بن محمد بن دلبوح بعدها كلمة سنحان قدمها حمد بن هادي آل ساري السنحاني حيث قال =[/poem]






بعدها جاء دور الشعر في هذه المناسبة حيث بداء شاعر سنحان عبدالرحمن بن قربع
بقصيدة حازت على اعجاب الجميع

[poem=font="Simplified Arabic,5,darkblue,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
على الله توكلنا وبسم الله الرحمن =إلهٍ عروشه فوق الآفاق علاها

هو اللي يحب الصفح والعفو والغفران=واحق القصاص وسيرة العفو بداها

هو الآمر الناهي وله في عباده شان=وأنا عبد من يامر عباده وينهاها

بعدها أرحبوا ترحيبة مخها مليان=ولولا غلاة ضيوفنا ما دعيناها

هلا عد ما يبرق ويرعد وله دندان=وعد الغيوم وعد ما صب من ماها

هلا بالقبايل والمشايخ وبالأعيان=هلا بالجموع اللي يشرف محياها

هلا باسم ربع تفرح بشوفة الضيفان=وسنحان توفي كرمة الضيف لا جاها

بحفلٍ يكرَم فيه شيخ من الشيخان=عزيز الجناب اللي علومه شهدناها

ابن شيحه اللي عند صعب المواقف بان=وترى ما الرجال إلا لما جات بلواها

نهار حضروا في ساحة العدل والميزان=وحل القصاص وعين الإنصاف ترعاها

وقادو غريمه بالسلاسل على الميدان=سواة الذبيحة ما بقى غير ذكاها

وقبل هوية السيف وقبل ينتهي الإعلان=نطق بالعفو وأخلا عن النفس وأعفاها

وبعد ما عفى ناداه في مكتبة سلمان=وقال أطلب وكل طلباتك بتلقاها

وقال طلبي ماينبغي له قدر الإمكان=طلبتك ثلاث أشياء ولا غيرها ابغاها

أبي منك تطلق خصمي من السجون الآن=وتحسب جميع مرتباته ويعطاها

ورده على نفس الوظيفة وهو فرحان=ولا عندنا إلا هذي اللي طلبناها

قد أسمه خويٍ لولدي والخوي يصان=ولو فعلته ما تجْمله يوم سواها

وتابع مطاليبه بنفسه وكل شيٍ زان=طلبها المسامح وأحمر العين لباها

تقرب من الله والله المعطي المنان=وخلا ملايين الخلايق ودنياها

ولمني ذكرت أفعال ابن عمي الصنيان=ذكرت المهادي في علومٍ سمعناها

وهذي علومه والقبايل شهود أعيان=وابن عمنا نفسه على الطيب ظراها

ترى البيض تبنى له على شمخ الضلعان=وراعي الجمايل بالنواميس يتباها

ولاهي غريبة وابن شيحه عبر الأزمان=شجاع وكريم وحكمة العرف يزهاها

مواقيف أبو عبد العظيم أصبحت عنوان=ومن حبه الله دل نفسه وقداها

وفي ذمتي انه طير حر ومعه جنحان=عياله على كسب النواميس رباها

وطالت رفيقي طالت لي وحنا أخوان=ولابه يمين تصفق بغير يسراها

وهو من بني عمي وكل العلوم سمان=ولا ثقلت وكادت بركنا وشلناها

ولاعدت فعول العرب عزوتي سنحان=جبالاً رواسي والمجـنـين تنصاها

ولا حن باهل زله ولاحن باهل حقران=نحب الجمايل وإن لفت ما جحدناها

وتشهد لنا هياتنا اللي على الحدان=وحنا سلاح حدودنا ذيك وحماها

ولا طيبنا إلا من بني عمنا قحطان=قحاطين عزٍ ما تهون حماياها

وتاريخنا يشهد مع الدين والإيمان=وساس العرب وأصل العروبه ومبداها

ولا صكت البيبان نفتح لنا بيبان=ونلقى الصعاب القاسية ونتحداها

ولولا الجبال الراسية ما رست وديان=وقبل تعشانا المنايا نتغداها

وكل القبايل مالحق طيبها نقصان=وفي كل ديره حقها من طناياها

لكن إقحطان عيال عمي ومهما كان=ومن لا مني في حبها جعله افداها

وفعل ابن شيحه ورخوبه مع العربان=ولا بأول فعول القبيلة ولا تلاها

وعسى الله يديم الحكم والأمن والآمان=وينصر هل الملة على من تعدواها[/poem]




[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=3 line=1 align=center use=ex num="0,black"]
بعدها القى الشيخ عمر العيد استاذ العقيدة في جامعة الامام محمد بن سعود الاسلامية=
كلمة عن فضل الصلح وشكر فيها الشيخ عبدالله بن سالم السلاطين على عفوه وطلب من=
اصحاب الحق الخاص أن يحذو حذوه=
بعدها القى الشاعر عبدالله بن هادي القعيمة قصيدة في هذه المناسبة=
والقيت قصيدة للشاعر دبسان المهداني=
وقصيدة للشاعر سعيد بن فالح المهداني=
بعدها القى بعض الحضور كلمات بهذه المناسبة شكروا الشيخ عبد الله=
بن سالم على موقفه المشرفةحيث القى كل من :=
والشيخ جعفر بن شري شيخ المساردة =
والشيخ الحيمدي بن بتلا الحربي=
والأستاذ محمد بن معتق البشري رئيس المتحف=
بعدها سلمت الدروع من الحضور للشيخ=
عبدالله بن سالم السلاطين السنحاني =[/poem]


ثم تفضل الجميع على طعام العشاء

هذا وقد حضر الحفل عدد من شيوخ القبائل و الدعاة وطلبة العلم ووجهاء من المجتمع
وتشكر إدارة شبكة قحطان الشاعر عبدالرحمن بن قربع المشرف على حفل التكريم لتوجيه الدعوة لشبكة قحطان وحسن
الاستقبال والتنظيم

__________________