ياعـــــــــــــزوتـــي !!؟

[poem=font="Arial,4,blue,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
ياعزوتي ياتاج راسي يافهود=يوم العزاوي عارفين افعالها
اهل الشهامه والوفا ورث الجدود=لاجيت ديرتهم تشوف ادلالها
بيت الشكاله بيتهم اللي يذود=بيت الكرم والجود هذا حالها
يانخوة المظيوم ياعز الوجود=يللي مع مد السنين ابطالها
ليت الليالي الطيبه انها تعود=مير البلا ناري تلاشى اشعالها
صوادف الايام دايم بي تكود =تعقد علينا عقدة ٍ بحبالها
والفكر يامشكاي مدريبه شرود=هواجس الدنيا بدا غربالها
كنت احسبني عارف ٍ غل الكبود=اثره يغر ادبارها واقبالها
ماوجل قلبي غير من هرج الحسود=ولاّ عذول ٍ شامت ٍ برجالها
نفسي طموحه مالها ايّة حدود=تهوى العوالي والعوالي فالها
حالي براه الوقت مبري مثل عود=اسباب قول القال قيل وقالها
انتم عصابة راس ربعي ياعضود=هذي علومي دقها وجلالها
بينتها والعلم دخانه يزود=لاثقل حملي قلت من حمّالها
غير الرجال اللي ليا ثارت اسود=اللي يطابق فعلها لقوالها
عانيت انا والكذب والله مايسود=بين الرجال اللي تحب عيالها
والمشكله مابه ونيس اللي يجود=ماغير رب الكون عدّل جالها
واللي فعل معروف يلقاله جحود=يالعنبو اهل الجحد وشكالها
عالم غريب ٍ كل ماله في برود=خلاّ العوايد مايبي يرقالها
واللي يظن انه مع الدنيا خلود= اخطا ومخطي غرّته بزلالها
لابدله يوم ٍ يجيله مايكود= يكدّر الصافي بشوف اعمالها
متناسي ٍ يوم القيامه والحشود=يوم ٍ تهمّل كل نفس ٍ مالها
وضرب حسابك ونتبه للي شهود= اعضاءك اللي ماتبي تغتالها
هذي حياتك والنهايه للحود =اصله تراب وراجع ٍ بمثالها
بن حيان[/poem]