اهداء الى متذوقين الشعر الشعبي قصيده تعبر عن نفسها اتركم مع الابيات ?????????????????

[poem=font="Simplified Arabic,4,black,normal,normal" bkcolor="transparent" bkimage="backgrounds/6.gif" border="none,4,gray" type=0 line=0 align=center use=ex num="0,black"]
يالله وانا طالبك تغفر لـي ذنوبـي يـا غفـور=ارجيك والجا لك وانـا سالـك واعيـد المسألـه

لوما تطهرنـي بعفـوك مـا تطهرنـي البحـور=جيتـك وذنبـي قـد تعـلاّ غاربـي يـا مثقلـه

أنا من الطين انخلقت , أخطي ولانيـب معـذور=قامت علـي الحجّـه بدعـوة رسلـك المرسلـه

مؤمن بتوراتك و إنجيلـك و مؤمـن بالزبـور=و بسنّـة محمـد وآيــات الكـتـاب المنـزلـه

لكن خُدعت بزخـرف الدنيـا وزادتنـي غـرور=أبـدت مفاتنهـا و ورتنـي مـن العمـر اجملـه

طبعاً بما إنـي بنـي آدم حصـل منّـي قصـور=واذنبت يـا مـولاي ذنـبٍ بالخفـا مـا تجهلـه

أسألك تغفر لي و تستر موقفـي يـوم النشـور=اليا القفـت خلقـك صحايفهـا وهـي مستذهلـه

من يستلمها بالشمال افلس وهـو يدعـو ثبـور=ومـن يستلمهـا باليميـن افلـح لخيـر المنزلـه

واسألك يا ربـي تعاونّـي علـى نيـل الأجـور=أحيـا حيـاةٍ مكسبـي فيهـا مـن البـر افضلـه

واسألك جاهٍ مع هـل الدنيـا وحـظٍ مـا يبـور=أيضاً وعـرفٍ مـع هـل الحكمـه ورزقٍ تكفلـه

من لا تهيّا لـه مقـامٍ مـع طويليـن الشبـور=يبكي على ما ضاع من عمـره وخيبـات عملـه

وان شاب راسه لا ترجّى فيه تجبيـر الكسـور=لا خيـر فـي تالـي زمـانٍ مـا تغانمـت اوّلـه

ومانيب ناسي قصةٍ صـارت وانـا ازورالقبـور=لازلـت افكـر فـي غرابتهـا وبالـي تشغـلـه

ساعة ظهر لي شايبٍ له حول قرنيـن محجـور=في جوف قبرٍ عـن هـل الدنيـا طـواه ويعزلـه

سلّم وجا صوبي يقول : ابنشـدك يللـي تـزور=عن حالة الدنيا وعن وضع الزمـان وعـن هلـه

أنا مضى وقتي ومرّت بـي طويـلات الدهـور=والباقـي بعمـري بعيشـه بينـكـم واستكمـلـه

قلت : الزمان اللي يبارينا علـى خبـرك يـدور=الوقـت نفسـه مـا تغيّـر ماشـيٍ فـي جدولـه

أما البشر , , , لا والله الاّ غير من حد الجـذور=صار انتقـالٍ مـن يميـن الـى يسـار المنقلـه

استغرب الشايب من اللي قلـت وبليّـا شعـور=حط اليمين اعلىالشمـال وخاطـره فيـه اسئلـه

قال : افتني عن حالة الشيبان والشيـخ الوقـور=أهل الخبر والـراي والحكمـه وضـرب الأمثلـه

القدوه اصحاب الأمور اللي تطـاع بكـل شـور=اللـي يفضّـون النـزاع ويحكمـون المشكـلـه

قلت : البعض منهم على ما قلت في وصفك وقور=قدوه ولكـن رايهـم مـا ينفـرض فـي مسألـه

الطاعه العميـا بقـا منهـا مجاملـة الحضـور=اللـي تلاقيهـا مــع اوّل فـرصـةٍ متنصّـلـه

والبعض لا عبـدٍ يخـاف الله ولا عبـدٍ شكـور=لا زهّـده شيبـه مـن الدنيـا ولا هـو جمّـلـه

بهيمةٍ يرجـع علـى منحـاه الاوّل ومحصـور=فـي لعـب بيلوتـه وريـح زقارتـه ومعسّـلـه

والبعض الآخر شابت رموشه على درب الفجور=ينقـل جـوازه للسفـر مـن مزبلـه لا مزبـلـه

أشيمطٍ زانـي قضـا عمـره بحانـات الخمـور=والعايلـه ورعٍ يغـرّر بــه وبـنـت مهمّـلـه

قال : افتني عن حالة الخفرات ربّـات الخـدور=اللـي تصـان ببيـت عايلهـا و بابـه تقفـلـه

شيهانةٍ تشمخ عفاف وتصقل فـروخ الصقـور=بين الفريـق ببشتهـا الضافـي وتـوبٍ تسبلـه

قلت : العـذارى فـي زمنّـا ببغـاوات الطيـور=تقليد هرج و عـرض ريـشٍ خلفهـا تستخملـه

تلبس عباةٍ ضيّقت حـول الردايـف والخصـور=فضيحـةٍ تكشـف جسدهـا مـن علـوّه لاسفلـه

وموضة شيالٍ تكشف الوجنات والوان الشعـور=والمحـرم تـبـدّل بـجـوالٍ بيـدهـا تحمـلـه

لا فوّحت صفر الدلال ولا عرفت غـش القـدور=تطـبـخ لـهـا خـدّامـةٍ بالعايـلـه متوكـلـه

الأم ما صانت عفاف البنت من عمـر الزهـور=والأب ديّــوثٍ تحكـمـه حـرمـةٍ مسترجـلـه

وشلـون يتربّـى عيـال ام التبـرّج والسفـور=الاّ خنـازيـرٍ دمـاهــا بـــارده ومغـفّـلـه

قال : افتني بحال الشباب الصلب صيّاد النمـور=الفـارس اللـي ينطـح خصومـه بزنـدٍ يفتلـه

الوافي الشهم الغيور اللي لعرض الجـار سـور=البار عنـد امّـه وابـوه وعلـم ربعـه يشغلـه

قلت : الشباب بوقتنا وجهه مثـل بـدر البـدور=والجسم من زود الرخا مـا تنفتـل فيـه عضلـه

قصّـة شعـورٍ صيّرتهـم لا إنـاث ولا ذكـور=والثـوب راح ولا بـقـى الاّ عـالـمٍ متبنطـلـه

ناسٍ ( فلنتينو ) وناسٍ تلبس ( كرستانديـور )=صـار التنافـس بينهـم فـي لبسهـم والجنتلـه

من كان يشرب من قرار البير مشروبه ( بيور )=والبل راعيها غـدا يشـرب حليـب ( النستلـه )

مامنهم اللي قام دون اعـراض جيرانـه غيـور=من قام قالو , , وشملقّـف حضرتـه ؟ وشدخّلـه

والوالدين حقوقهم ضاعت وعنهـم فـي نفـور=ان غـاب عنهـم لا تذكرهـم ولا جـاه الـولـه

بدّا عليهم شلّةٍ تهـوى الوطـا بيـن الجحـور=لو تعزله عنهـم تبـي لـه شـان كنّـك تقتلـه

ما راح يوم يشارك ربوعه بحـزن ولا سـرور=حتى ابن عمّه يعرفـه بالوجـه واسمـه يجهلـه

بدّل حكاه وضيّـع سلومـه وحالـه فـي دبـور=وان شاف ضيف يخش حتى انّه يفـارق منزلـه

ناظر لي الشايب بعينٍ تجمـع السبـع البحـور=يقول : انـا لا يمكـن ادخـل مجتمعكـم واقبلـه

انتو لكم وقتٍ تصـدّع مـن بلاويـه الصخـور=ما يقعد الجمّال بـه ساعـه ولـو ضـاع جملـه[/poem]





العذر والسموحه لعدم ذكر اسم قائل هذه القصيده حيث اني لم اجد اسم صاحب القصيده
واحببت ان انقلها لكم لكي تعم الفائده الجميع.

__________________