أعزائي صبيان قحطان

أحب أن أطرح أليكم هذا الموضوع واتمنى من الجميع المشاركة

والموضوع هو ذكر أي قصيدة فيها ذكر لقحطان أو أي قبيلة أو فخذ من قحطان سواء كان الشاعر قحطاني او غير قحطاني.

يعني بالعربي نبي نجمع في هذا الموضوع اكبر عدد من القصائد والأبيات اللي تنوش قحطان أولهم وتاليهم.

وممكن تكون أبيات مدح من قبيلة لقبيلة سواء في زامل او نظم.

تكفووووووووووووون يا سنايدي ما ابي بيت ولا قصيدة في قحطان ألا ونظيفها هنا بهذا الديوان.


وأول أبيات وأقواها في تاريخ قحطان هي لشاعر قحطان الأول والصحابي الجليل وشاعر الرسول صلى الله عليه وسلم حسان بن ثابت :

حنا بنوا قحطان هود جدنا .... وأجدادنا مثل الجبال الزحل

قحطان لو ركبت سروج خيولها ... أهتز نجد والعراق الأسفلي

هذي البداية من عندي ... وأول السيل قطره

تحياتي للجميع


أخوكم / صبي الحااااااااااااااااااف ( الرفيدي )

أخوي صبي الحاف ...

مشكوووور و بيض الله و جهك ...

فكرة في غاية الروعة ... أرجو ان تلقى القبول عند الجميع ..

أما عني فلدي الأبيات التي في التوقيع ...

[poem=font="Simplified Arabic,5,black,normal,normal" bkcolor="transparent" bkimage="backgrounds/6.gif" border="outset,4,gray" type=0 line=0 align=center use=ex num="0,black"]
تر حن عبيدة مثل شبك الحديدي=ولاّ البحر لما صفق زف من جاه
تر حن قحاطين ذَرَبنا بعيدي=و لا بدا اللازم علينا قضيناه
عاداتنا في الهوش ذبح العقيدي=تِجفى معاميله و تبكي دناياه[/poem]

و انشاء الله أجيب غيرها ...

قحطــــــــــان العريبه







يااللي تهوز الضلع بالقـرن مسكيـن
مسكيـن والله غـرروك المساكيـن
وان كان تبغى الصدق والصدق منجاه
كلمتك لا تحسب ولا توفـي الديـن
ترسل على الجـوال نكتـه قبيحـه
تقول المهايط سلـم عنـد القحاطيـن
لاشك خذها اليوم من كف صاحـب
واسمع علـوم مرجحيـن الموازيـن
حنـا عيـال العـود روس القبايـل
حنا هـل الطالـه كعـام المعاديـن
حنا هـل النخـوه نهـار الملاقـى
نقبل على الهيجاء سـواة الشياهيـن
حنا الحسب حنا النسب في الجزيره
وان جات للسلطه ترانـا السلاطيـن
حنا العرب ساس العرب يـا مغفـل
تاريخنـا يعطيـك عنـا براهـيـن
يكفيك ( حسان بن ثابـت ) وكافـي
شاعـر نبـي الله خـتـام النبيـيـن
قصيدتـه للحيـن تقـرا وتكـتـب
تخيـل ؟ مـن الجاهليـه لهلحـيـن
(نحن بنـو قحطـان هـوداً جدنـا)
واجدادنا الغـر الزحـول المياميـن
حنا قحطان ايـه قحطـان العريبـه
اهل الفعايل لا نعـى ناعـي البيـن
قصيرنـا ينـعـم بنعـمـة ذرانــا
نقسم عشانا في رضى الجار قسمين
وخوينـا يبشـر بنـا فـي لزومـه
حنا على باديه فـي العسـر والليـن
ونسيبنـا يفخـر بنـا ونفتخـر بـه
ولا نـدور فـي النسـب للمزاييـن
ورفيقنـا لـه فـي رفقنـا بنـايـد
اليا زهمنـا نجيـه مثـل المجابيـن
في جهلنا نجهل علـى كـل جاهـل
اميرنـا شيطـان وحنـا شياطـيـن
وفي حلمنا اثقل من جبـال رواسـي
اميرنـا رحمـان وحنـا رحامـيـن
فعولنـا فـي كـل ديـره عقـوبـه
انشد عن اللي شافها شـوف بالعيـن
وقايـع منـهـا يشـيـب الغلـيـم
اهوالهـا باهـوال حطيـن وحنيـن
حفيفنـا لاصــد عـنـا مـواجـر
ولرضى مشايخنـا يقـرب قرابيـن
وعـدونـا كـانـه نـوانـا بنـيـه
لاهازنا ندبل لـه الصـاع صاعيـن
وطليبنـا لـو كــان داره بعـيـده
ليالـي وصبـح عشـاءً لام تاجيـن
وشيوخنـا مقـدم شيـوخ العشايـر
لانوخت دعوى العرب بيـن صفيـن
منا المهادي وابـن هـادي وشالـح
ومنـا الشفاليـت الدهـاة الدناديـن
ومنا جمل وجراب والذيـب فـراج
واللي خذا من القوم تسعه وتسعيـن
مسعود يـوم اشتـل عيلـة رفيقـه
وساق العوادي مثل سوق البعاريـن
وتكفيك قصـة ذيـب بيـن القبايـل
يوم احتمى الخلفات دون المغيريـن
هـذي فعايلنـا وبـاقـي وبـاقـي
لاقلـت لـك ثنتيـن باقـي ثمانيـن
فينا الوفاء والطيـب طبـع وجبلـه
وفينا الكرم والجـود دايـم مقيميـن
وفينا الفخر والعـز خصلـه عتيقـه
لها بوسـط نفوسنـا سنيـن وسنيـن
يعرف عيال مضيم من ضـاع رايـه
ومن طيحه في نارنـا فالـه الشيـن
ويعرف عيال مضيم مـن زل حـده
وصالى حرايبنـا وعانـا الامريـن
ويشهد لنـا بأفعالنـا كـل عـارف
من البحر الاحمر لين عجمان والعين
يشهد لنا تركـي ومسلـط وفيصـل
ويشهد لنا عبيد العلي وابـن حثليـن
حدودنا مـن حـد نجـران علـوى
لي حد ظلماء لبرق الخيـل للريـن
نستاهـل النعـم وقلـيـل عليـنـا
حتى ولو يدبـل لنـا النعـم نعميـن
ولا على القبايل زود كل لـه ايـده
فـي ذمتـي وافيـن وافيـن وافيـن














عوض بن شفلوت المناديه

فكره رائعه وانا من المرحبين بها وبقوه

ترفع البيض من قحطان صوب الحاف
قد حموها بزفق الدم عالحداني
والمخيل له السوداء تنشرا

مرحبا ألوووف يالسنايدي

يقول عبدالله بن سحمان القحطاني .. من الواديين .. ال لوط ... في قصيدة رد على واحد عتيبي لا تحظرني الان كلها وان شاء الله اوصل لها يقول في وصف القحاطين للعتيبي :

والله إنا مرتووين للزرار ...... ووالله إنا طوااال وأشهر من علم

هذي القصيدة قالها عبد عن الأشراف بعد معركة تين

وقتل من أجل ألا تنتشر القصيدة



الله لا يسقـي نهـار علـى تيـن

يوم خذينا يـا بديـع بهـا اقطـاع

جونا الهواجر مثـل ورد محميـن

قطاعة ما همهـم كثـر الاطمـاع

الحمر مثـل مغلثـات الشياهيـن

والصفر مـن المزاريـج خـراع

جونا وحنا بالعـدد فـوق الالفيـن

واللي بقا منـا يعشيهـم الصـاع

لاشراف لانو عقب ما كان قاسين

والشق ما يرفاه خمسة عشر بـاع

ياليت حنا مـا حربنـا القحاطيـن

يا ما وطوا فينا على صحح القـاع

حسان بن ثابت ذكر قبـل ذلحيـن

بيت تعرفه جملة الناس ما ضـاع

يقول مـن مصـر لحـد العـراق

تهتز لا ركبوا على كـل مطـواع