حبة الشمري كلها جت من “بصري الوضيحي” الشمري والقصة تقول:



ان بصري الوضيحي راح يحج ويتوب الى الله ..وان يتوب عن التغزل والغزل ..كونه مشهور بالغزل .. وبعد كبر سنه نوى ان يتوب ..

طلب من ابنه لكي يحججه ... وبعد ما سعى وطاف طلب من ابنه ان يحب الحجر الاسود .. ولكن الحجر الاسود كان مزدحم من الناس ...رجال ونساء ... والرؤوس متقاربه بعضها لبعض .. فتزاحم معهم بصري وابنه .. وعندما وصل الى الحجر ويريد حبة الحجر ... اعترض بينه وبين الحجر ...خد بنت جميله كانت تريد حبة الحجر ... وفي هذه اللحظه السريعه انبهر بصري الوضيحي من لمعان خد البنت وبدل مايحب الحجر حب وجنة البنت ....فقالت له البنت حج حج ياشايب .... وحاول ولده أنه يرقع الموضوع قال هذا شايب تايه(مهذري) ...فخجل الوضيحي وقال يابعد حيي زلقت الحبة ابيها بالحجر وصارت فيك ...وصار هذا مثل (ازلقت حبة الشمري(

[poem=font="Simplified Arabic,5,black,bold,normal" bkcolor="darkred" bkimage="backgrounds/6.gif" border="double,6,darkblue" type=0 line=0 align=center use=ex num="0,black"]

وقال القصيدة :



التايه الي جاب بصري يقنه ... هيض جروح العود والعود قاضي



جينا نحب ونطلب الله جنه ... جنة نعيم يوم يابس الحاضي



ياليت كانت حبتي في معنه ... يوم العيون عن الخوامل غواضي



يامن يعاوني على وصف كنه ... اشقح شقاح ولاهق بالبياضي



الريح لازفرة ولاهي مصنه ... ريح النفل بمطمطمات الفياضي



نهدين للثوب الحمر شولعنه... حمر ثمرهن واقفات غضاضي



والخد ذابوح القلوب المرنه .... براق مزنٍ لاعق اللون ياضي



ياليت لو سني على وقم سنه ... بايام مابيني وبينه بغاضي



أيام جلد الذيب عندي محنه... نصبح وزرق الريش لهن إنتفاضي



ياجرح قلبي جرح وادي وطنه .... غر المزون اللي وطنه وفاضي



البيض قبلي محسنٍ عذبنه... ونمر على وضحى جرا له عراضي



والبيض كم ٍ واحد ٍ يبسنه .... يبسة شماشيل العذوق النفاضي



عزي لمن غر الثنايا كونه .... واركن على كبده كوايلٍ عراضي



الا ارتوى بستان قلبي سقنه... واخضر جنابه عقب يبست الحاضي



القلب غضات الصبايا شعنه .... بنت الشيوخ مخدمين الحياضي



شوفي بعيني والخدم يركبنه .... على زعاع يوم قوطر وناضي



فوق اشقح من زمل ابوها مضنه ... ركبة عليه اتشنطح ٍ باعتراضي



وامشجر من سوق هجر مغنه ... على خياطة نابي الارداف راضي



وين انت يامشفي على طردهنه ... انا طويت ارشاي وقفيت قاضي



انا صدرت ووردهن عقبنه .... على العدو مشرعات الحياضي



احد بوسط النار واحد بجنه .... وترى البخيت اللي له الرب راضي



___________________________________________



ويقال بعد مارجع الوضيحي ندم على مافعل وقال:



ياليتنا من حجنــا سالمينــا ... كان الذنوب اللي علينا خفيفـــات


رحنا نبي نخفف ذنوب علينــا ... وجينا وعليها كثرها عشـر مــرات[/poem]

لا هنت يا ابو زياد مشكوررررر

الله يعطيك العافية ..

الله يعطيك العافيه يا ابو زياد وبيض الله وجهك .

مشكور يالغالي ابوملاك

لا هنت يابو زياااد

هذا والله الشااايب اللي عيا يتوب

الله يغفر له ولأموات المسلمين

تقبل تحياات
اخوك
السيف النادر

__________________
[frame="1 80"][poem font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يوم ان كل من عميله تبرا=حطيت الاجرب لي عميل مباري
نعم الرفيق الى سطا ثم جرا=يودع مناعير النشامى حباري[/poem]
الامام تركي بن عبد الله[/frame]

لاهنت يابو زيااااااد

__________________
[frame="7 80"]جميل ان تضحك للدنيا لكن الاجمل ان تضحك الدنيا لك[/frame]

لاهــــــــــان الجميع ..
مشكورين والله يعطيكم العافيه ..