الفرق بين ورعاننا وورعان الاجانب !!

25-08-2009, 05:29 AM

عبدالعزيز بن سعيد ال معمر

عضو مشارك

تاريخ التسجيل: Mar 2008

المشاركات: 163

عبدالعزيز بن سعيد ال معمر has much to be proud of

الفرق بين ورعاننا وورعان الاجانب !!

السلام عليكم ورحمة الله وبركاته

اتمنى الموضوع يعجبكم

وانتضر ردودكم

الفرق بين أولاد السعوديين والأجانب

الأطفال الأجانب ...........

في الصباح حيث يبداء يوم اطفال الاجانب عندما يستيقظ على صوت

الكناري اللي بغرفته بعدها يتوجه للحمام يتروش ويفرش اسنانه ويطلع

من الحمام تستقبله المربيه بالمنشفه وتصبح عليه يروح يغير ملابسه

وياخذ شنطته وينزل لغرفة الطعام ويصبح على امه وابوه واحلىىىى

بوسه ياخذها منهم ويفطر ذاك الفطور طبعا عباره عن كورن فليكس

ابو ديك وبيضه وحده بس!! وكاس عصير وشويت ************ده مع العسل

على خبزه .

بعدين يقوم يغسل فمه ويودع الماما والبابا ويتوجه للسياره يلقى قدامه

السواق مبتسم ويفتح له الباب ويوديه لمدرسته الخاصه

ورعانا المحترمين ....

ورعانا يقوم الصبح بعد ما يطلع عين اهله ولازم افراد العائله تمر عليه

عشان تصحيه وكل واحد وطريقته:

الاب:قم جعلك الهزل

الأم:قم جعلك الجدري

الأخ: والله اذا ما تقوم لافقع وجهك

أخته: < تسوي نفسها بتدلعه> يالله قوم وأعطيك شنطة أخوك تروح فيها

للمدرسه

بعد ما يقوم يمر الحمام على السريع ويغسل وجه

وبعدين ياخذ اقرب كتب عنده ويربطها ويجيك مدحدر يدور الفطور ويتفاجأ

انهم ما حطوه؟؟

بعد ما يجي الفطور وهو كالعاده : فول شكشوكه تميس + حليب

يبدأ الورع بالأكل وشوي الا وهو حاذف أخوه بعلبة الهندسه؟؟؟

عشانه سحب صحن الفول من عنده<مسكين ما يطوله> وشوي الا وهو

مسدد بقس عنيف يمشي مليوووووووووووون لأخوه الثاني!! لأنه سرق فسحته؟؟

أبوه يتكلم معه يا ورع أركد وافطر وعين خير انت وش بلاك وراك مدرسه

يرد الورع عليه: انت ما تشوف سعيدان سارق فسحتي؟؟

< سعيدان اكبر سروق بالبيت >> ابوه على طول يصدق ويصـــــــك

سعيدان كف صدقي

المهم بعد ما يخلص الفلم اليومي يروح الولد للسياره يلقى اخوه فاتح

الكبوت ويصب ماء للرديتر المشقوق تقفل اخلاق الورع وينقز للشارع ويأشر لأقرب سياره ويروح للمدرسه

أطفال الناس الاجانب

2- بعد المدرسه يرجع اطفال الاجانب ويلقى المربيه في استقباله تاخذ

الشنطه وتوديها لغرفته بصحبته يغير ملابسه ويغسل وجهه ورجليه

ويستريح له ساعه في أنتظار افراد العائله عشان يتغدى وبعد الغداء

الرايق

يروح لغرفة الجلوس ويشرب شاهي للتهضيم ويحلي بقطعة كيك وبعدين

يروح لغرفته ينام له ساعه قبل العصر.

ورعاااانا المحترمين

اما الورع منهم يجي من المدرسه وثوبه قالب لونه بني< تقول جدار مدرسه >>

ولا دخل البيت رمى الشنطه بالصاله وفصخ ثوبه

ووينك يالشارع < اخوياه يحترونه>> وهاتك ياللعب

كوره بذا القايله وعادي الشارع مولع من الحراره وهم عادي مررره

ولا كأنه فيه شيء واهله ما يدرون ؟؟

في هذه الأثناء يرسل ابوه كتيبه من اخوانه للبحث عنه ولا لقوه وجابوه

للبيت قام يصيح طقوني وسحبوني قدام الناس < والله ما أحد لمسه النصاب>>

المهم يحطون الغداء (( معروف كبسة لحم ))

غيره ما فيه!! يتغدى الورع الكريم ويصــــــــــــــــــك بعدها لتر لبن

بعدها يجلس ساعه فاتح فمه

يحتري من يوديه يغسل له يديه!!!!!!!!!؟؟

أطفال الناس الاجانب

3- اطفال الاجانب لا جاء العصر جابوا دروسهم وشافوا وش عليهم من

واجبات وحلوها وحضروا دروس بكره بمساعدة الماما والبابا.

بعدها يروح لغرفة الألعاب ويجلس على البلاي ستيشن 2 وخذ لعب

لمدة ساعتين تقريبا يعني الى وقت ما بين المغرب والعشاء.

بعدها تطلبه امه مع بقية أخوانه عشان يجتمعون ويشربون العصير

ويسولفون سواليف

ورعاااانا المحترمين

يجي وقت العصر وهو نايم < مفعول اللبن >> يقوم قبل المغرب

وياخذ دروسه وواجباته < وأقلامه ناسيها في درج الطاوله اللي بالمدرسه>>

ويروح عند أخته ويتحايل عليها بكل ما أوتي من قوه على شان تحل له

الواجبات واذا قالت لا يا ويلها يا سواد ليلها .

بعد كذا أنواع الدجه مع ورعان الحاره ومن هم على شاكلته ما يخلون

هندي الا وسرقوا سيكله

ولا رجع البيت < على الساعه 11 تقريبا >> تلقى راسه مفلق من

جميع الاتجاهات والشرطه تدوره وجارهم مسوي أعلان عليه مطلوب

حي أو ميت!! وخذلك عاد < مساكين اهله >>

أطفال الناس االاجانب

4- أطفال الاجانب بعد ما يتعشى ويمسي على اهله يروح لغرفته ويجلس

على النت ساعه أو ساعتين الى موعد نومه < الساعه 10 تقريبا >>

بعدها يغير ملابسه وتجي المربيه وتحكي له قصه اللين ينام تغطيه وتطفي النور.

ورعاااانا المحترمين

لا رجع البيت< الساعه 11>> ما يدخل مع الباب لا ينط من

فوق السور على شان ابوه ما يمسكه .

وعلى طول لغرفته ويسكر الباب ويطفي النور ويطل من الشباك

على باب الشارع الرئيسي يشوف وش صار على

مسلسل المشاكل المكسيكي اللي جابها معه للبيت وكيف بيحلها ابوه

مع الناس ومع جارهم ومع الشرطه.

وفي أثناء ذلك يستغل الفرصه ويدز للمطبخ وياخذ منه جبن < جبنة البقره الضاحكه >>

وخبز ويرجع لووووووووووكره<اسف غرفته>

ويقفل باب الصندقه <اكرر أعتذاري الغرفه>> ويتعشى من ذا الجبن والخبز

اللين يدوخ <على الساعه 3>> لا وأزيدكم من الشعر بيت ما ينام

الا وهو متلطم!!!؟؟؟ < على باله مراقب >>

عبدالعزيز بن سعيد ال معمر غير متواجد حالياً

25-08-2009, 07:51 AM

سعد الشواطي

مشرف
عالم الصحة والغذاء

تاريخ التسجيل: Dec 2008

الدولة: الخبر

المشاركات: 6,077

سعد الشواطي has a reputation beyond repute

رد : الفرق بين ورعاننا وورعان الاجانب !!

هههههههههههههههههه

اما يرقد وهو متلطم ...

لاهنت يالمعمري..

25-08-2009, 01:24 PM

رشاش بني بشر

موقوف

تاريخ التسجيل: Jul 2009

المشاركات: 216

رشاش بني بشر is a splendid one to behold

رد : الفرق بين ورعاننا وورعان الاجانب !!

ههههههههههههههههههههههههههه

اما التلطيم لازم على ورعاااانا

ولا هنت يا المعمري وبيض الله وجهك

وتحياتي::المكري البشري

25-08-2009, 01:57 PM

سفر بن مبارك

مشرف
مجلس عذب الكلام
.:: قلم مثقف ::.

تاريخ التسجيل: Oct 2008

المشاركات: 4,033

سفر بن مبارك has a reputation beyond repute

رد : الفرق بين ورعاننا وورعان الاجانب !!

مشكور ياعبد العزيز وهذا مشكلتنا ياسعودييين .......

__________________

أنت خير من يقييم هذا العمل على هذا الرابط :

http://safarbinmubarak.blogspot.com

25-08-2009, 04:55 PM

عايض الفهري ابوبندر

عضو ذهبي

تاريخ التسجيل: Jun 2009

الدولة: الرياض

المشاركات: 3,724

عايض الفهري ابوبندر has a reputation beyond repute

رد : الفرق بين ورعاننا وورعان الاجانب !!

شي حقيقي
لاهنت يعطيك العافيه

تحياتي

__________________

25-08-2009, 05:33 PM

مشاري بن نملان الحبابي

مشرف
آخبار ومناسبات قحطان
والديار وقصص وسوالف من الماضي

تاريخ التسجيل: May 2007

المشاركات: 15,960

مشاري بن نملان الحبابي has a reputation beyond repute

رد : الفرق بين ورعاننا وورعان الاجانب !!

هههههههههههههههه

ورعانا غير ..

مشاري بن نملان الحبابي غير متواجد حالياً

26-08-2009, 03:49 AM

آل معمر

مراقب
الاستراحة والرحلات

تاريخ التسجيل: Nov 2004

الدولة: الجنوب

المشاركات: 11,982

رد : الفرق بين ورعاننا وورعان الاجانب !!

عيال الأجانب يقولون سلطه

وعيالنا يقولون زلطه

__________________

رحلتي لأرض اليمن السعيد / تقرير مصور

26-08-2009, 09:55 PM

فهد بن راجح

عضو متميز

تاريخ التسجيل: May 2007

المشاركات: 921

فهد بن راجح has a reputation beyond repute

رد : الفرق بين ورعاننا وورعان الاجانب !!

عيالهم كل واحد بغرفه

عيالنا عشره في غرفه اولاد وبنات والدنيا ماشيه

>>>> الفسحه 3 ريال

المتطورين من عيالنا يحط كتبه في سجاده

اتحداك تشم ريحة عطر في المدرسه او كريم او اي مرطب

__________________
صلوا على محمد

اللهم صلي وسلم على اشرف الخلق وخاتم الرسل محمد بن عبدالله وعلى آله وصحبه وسلم

[إذا مَرت الأَيام ولم تَرُوني فَهذه مُشَارَكَاتِي فَتَذكروني ...
وإن غِبت ولم تًجدوني أكون وَقتها بِحاجه للدُعاء فادعولي ]

26-08-2009, 10:35 PM

أبو شايع الشريفي

عضو

تاريخ التسجيل: May 2009

المشاركات: 68

أبو شايع الشريفي is a splendid one to behold

رد : الفرق بين ورعاننا وورعان الاجانب !!

لا هنت ومشكور على الموضوع ويعطيك العافية

28-08-2009, 06:26 AM

#10

منصور العبدالله

مـــراقــــب

تاريخ التسجيل: Jun 2005

الدولة: أمجاد الرياض

المشاركات: 11,034

منصور العبدالله has a reputation beyond repute

رد : الفرق بين ورعاننا وورعان الاجانب !!

هههههههههههههههههه

والله عيالنا مطورين

بس وين الراس الصاحي والكفوء في قوت اللزوم

ان شاء الله عيالنا

سبحان الله

والله عيالنا اذكياء جدا جدا

بس مايستثمرون هالذكاء

لا الولد عرف ولا الأهل وجهوة

لاهنت اخوي عبدالعزيز

ماشاء الله عليك

بصراحة تطربني مواضيعك ياعبدالعزيز

وحضورك رساله لبقيه الشباب تقول

الحضور هكذا والا فلا

بيض الله وجهك

__________________

اللهم أرحم والدتي ..وأجعل قبرها روضه من رياض الجنه..واسكنها جناتك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تضامنا مع يحي البشري .. الفرق بين عيالنا وعيال الغرب .	الحرررر السعدي	إستراحة المجالس	13	19-12-2008 01:13 PM
دراسة حديثة تربط ارتفاع نسبة المصابين بمرض السرطان في المملكة إلى استهلاك اللحوم " ا	ابن خضير	عالم الصحه والغذاء	4	24-04-2008 09:08 AM
قصة الزير سالم كاملة.....؟	ابو سام	المجلس الـــــعــــــــام	28	03-04-2008 11:47 PM
ماهو الفرق بين 000000000	يحيى أبن عبدالله	المجلس الـــــعــــــــام	4	26-07-2007 02:03 AM
ما هو الفرق بين العرش والكرسي	فارس قحطان	مجلس الإسلام والحياة	6	26-09-2004 06:25 PM

سناب المشاهير

روابط سريعه

الذين يشاهدون محتوى الموضوع الآن : 1 ( الأعضاء 0 والزوار 1)

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى