قصيدة في الشيخ / سلطان بن خليل بن عمر بن قرمله ، بعد حادثة الحرم عام 1400 هـ

في عام 1400 هـ حاولت شرذمة متمردة السيطرة على مداخل الحرم المكي لزعزعة الأمن .. وبتوفيق من الله منيوا بهزيمة وانكسار بعد ان تصدى لهم جنود هذا الوطن البواسل الذين كان يقودهم القائد الشجاع سلالة الشجعان الامير سلطان بن خليل بن عمر بن قرمله .
ومما قيل بعد هذه الحادثه من افتخار واعتزاز بانتصار جنود الوطن ..

قال الشاعر عايض بن حماد السحيمي هذه القصيده في الشيخ سلطان بن خليل بن عمر بن قرمله :

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياراكب مـن فـوق جمـس مـورد=تـوه جديـد مشتـراه وموديـلـه
الجمس حوض ولا على حوضه الشد=مافـوقـه الا سايـقـه والدليـلـه
مشـراه لـلازم ولاهـوب للـكـد=لا دق سلفـه سايقـه فـر ويـلـه
منصاك سلطـان الشجـاع الموكـد=اميرنـا اللـي لا دعانـا نجيـلـه
ماهـوب اميـر بالتوابـع تـعـدد=ومن لا كمل عـد الميـه عزتيلـه
اماراتـه ميـراث جـد باثـر جـد=شيخ مورث شيـخ شمـل القبيلـه
له موقف يـوم الحـرم مـا تنقـد=فادا بروحه ما حسـب مـا يجيلـه
قاد الكتيبه لين داست علـى الخـد=خـد المعـادي بالحـرم بتهليـلـه
يقـدم عيـال مابهـم واحـد صـد=مامنهم اللـي يتقـي فـي زميلـه
ماهابـو البـارود واليـوم الانكـد=وتركز لهم البيضا بـراس الطويلـه
ونجاه ربه واحمـد الـرب الامجـد=وكسب النفيلـه والعلـوم الجميلـه
ولاهيب تستكثـر ولاهيـب تجحـد=هذي مواريـث ورثهـا وهـي لـه
يعيش ابو خالـد وفـا بمـا تعهـد=ما همه البايق ومـن ينتمـي لـه
ولـد خليـل لـه خلـيـل تسـنـد=ابو حمود عـز لمـن يرتكـي لـه
قصره بفرعة وادي الريـن مشيـد=على الطريق ولا اتقـا فـي نزيلـه
له ربعة للضيـف مصـدر ومـورد=ملفـا لهشـال الخـلا كـل ليـلـه
فيهـا الشحـم ودلال بـن تقـنـد=بهيل الحبش والعود الازرق يهيلـه
ذباح كوم البل لمن شحشـح المـد=كريـم سبـلا فالسنيـن المحيـلـه
يمناه في جـزل العطـا مـا تـردد=تعطـي عطايـا وافيـات جزيـلـه
يفرح به اللي ضامه الدهر والضـد=زبن المجنى اللـي ربوعـه قليلـه
اخو منيره درع لمـن جـاه يطـرد=خليـل لا شـب الزنـد فالفتيـلـه
ونشب المشط في ضافي الدقن الاربد=في ساعة وابليـس يومـي شليلـه
وقف لها خليل فـي موقـف الجـد=وداوا الكبود اللـي سنيـن غليلـه
ولا كـل عـد ينذكـر لـك بمـورد=وهداج تيما مـا يـوازي الثميلـه
وسلطان كنـه ابـوه لـو مانعـدد=يهـوم هاماتـه ويفـعـل فعيـلـه
ونهـار دخنـه بذكـره واتمـجـد=بمجـد يتمجـد كـل يـوم وليلـه
لراعي البويضا ناصر جد مـن عـد=لا قيل ناصـر قيـل خلـو سبيلـه
قابـل جـرود مـن جـرود تسانـد=ووقف لهـم وقفاتـه اللـي مهيلـه
من الضحا حتى دجا الليـل الاسـود=وافتـك ربعـه والمحـارم وخيلـه
لاجل الخلوج اللي تدوج على العـد=تقنب قنيب الذيب وتعـول عويلـه
لعيـون ترفـات الصبايـا تقـعـد=للخصـم لا بـار العميـل بعميلـه
يطعن برمح ويضرب بسيف اجـرد=وسوا سوايا مـن حضرهـا تهيلـه
حتى يمينه يبست بمقضـب الحـد=مافكهـا الا بالسـمـن والمليـلـه
وغيره شيوخ ما اقدر احصي لهم عد=كم شيـخ قـوم وسـدوه النثيلـه
ترثة ولد هـادي المسمـى محمـد=شيخ الشيوخ اللي الهداوي تجيلـه
وشيوخ وقت اليوم من دخلـه ازود=وان جيت اقول الشيخ لاهي ثقيلـه
هذا زمان صـار فيـه الجـزر مـد=والمد جـزر وكـل ينظـر حصيلـه
الشيخ من جتـه الهـداوي تقـود=وقاد السرايـا بالسيـوف الصقيلـه
يقدم بني عمه هل الحـرد والسـرد=وساق المعادي لين خـلا الحليلـه
هذاك بن هادي لـه النـاس تشهـد=والله يشهـد والسمـا والمسيـلـه
وكل القبايل ما اقدر اهضم لهم مـد=اللـي مقاودهـا تـفـك الدبيـلـه
ولا قلتها مـن شـان مـد ولا جـد=لا شك اقول الصدق واثبـت دليلـه
ولو قلت زور قالت الناس لـي لـد=والكـذب عيـب للرجـال وفشيلـه
وصلو عدد ما قمـري البـان غـرد=على النبي واعـداد وبـل المخيلـه [/poem]

الأخ فارس

القصيدة جميله

والشيخ سلطان بن خليل كفو ويستاهل

و بيض الله وجهك

__________________

لاهنت يا طير حوران

مشكور على المرور

السلام عليكم ورحمة الله وبركاته
مشكور أخي فارس على هّذا الموضوع
وكفـــــــــــــــو أبن قرمله يستــــــــــــــــاهل المدح
وهم أسرة رفيعة لهو الشيخ سلطان أمير الفواج وآبن أخيه الشيخ هزاع شيخ قبيلة السحمه وأسرة ال قرمله وهذا واجب أتجاه عمله ورفع لقبيلة قحطان وكثر الله من أمثله والســــــــــــــــــــــــــــــــــــــــــــــ ــــلام000
أبوعشق0

يستاهلون آل هادي ابن قرمله

وشيخة قحطان عموما ً تظل فيهم بغض النظر عن الاختام المصنوعه في تايوان !!!

ياعنك انهم ماخذوا الشيخه ب " بختم " ...... خذوها بافعال اليمين اللي غيرهم يعجز عنها .

سجل يا تاريخ :

1- هادي ابن قرمله : هازم جيش الدوله السعوديه الاولى عام 1204 هجري ... ثم بعد ذلك قائد جيوشها اللتي اوقفت الزحف المصري- التركي حتى عام 1226 هجري حين قتل في معركة وادي الصفرا .

2- محمد بن هادي ابن قرمله : سلطان نجد في زمانه وهازم قبائلها الموجوده و " النازله " اليها ... وهو بلا شك : كاسر جيش الاشراف في كون تين المشهور .

3- ناصر بن عمر بن هادي بن قرمله : اشجع فرسان زمانه بشهادة اعدائه قبل اصحابه .

وسجل يا تاريخ : عمر بن هادي وخليل بن ناصر وغيرهم ... هؤلاء هم شيوخ مشايخ قحطان الى آخر الزمان .

__________________
كفارة المجلس

سبحانك اللهم وبحمدك اشهد أن لاآله الا أنت أستغفرك وأتوب اليك


سبحان الله وبحـمده
سبحان الله العـظـيم

بيّض الله وجه ابن قرمله
وأشكرك يا فارس على نقل هذه القصيدة الجزلة والتي تؤرخ وتثبت التاريخ.




ولكن ما ساءني هو رد أحد الأعضاء الذي تفوح منه رائحة التعصب المقيت الذي نهانا عنه ديننا الحنيف، ثم أنه كان من شروط التسجيل في هذا المنتدى عدم التطرق لمثل هذه الأمور.
أتمنى أن نترفع عن مثل هذه الأمور، وأن نتذكر أنننا أخوان مسلمين قبل كل شيء.

__________________
الـجـراد يـأكــل البـعـوض،
والعصفور يفــترس الجراد،
والحيّة تصطـاد العصـافير،
والـقنفـذ يــقــتـل الــحيّـة،
والـثعـلـب يأكـل الـقـنـفذ،
والـذئـب يفـترس الثـعـلـب،
والأســد يــقــتــل الـذئـب،
والإنسان يـصـطـاد الأسـد،
والـبـعـوض يـميت الإنسان ...

هذه هي السلسلة الخالدة لا تبديل لها ولا تغيير.

إما أن تقتل الأسد وإما أن يقتلك البعوض !!
فيا شباب ! لا يغلبكم البعوض ولكن اغلبوا الأسود.

( علي الطنطاوي )

السلام عليكم ورحمة الله وبركاته
أخي المشبهاني ال قرمله كفو لا نقول فيهما الا الطيب
وهما صحيح فرسان ومشايخ ويضرب بهم الامثال في شمال الجزيرة وجنوبها ولكن هضمت فرسان قحطــــــان الاخرين فالشيخ عثفر العماج شيخ مشايخ الجحادر هوأول من نزل بقحطان الى نجد و لا زالته هجرتهم في نجد وأحفاده وغيره من فرسان قبائل قحطان 0000الخ ومحمد بن هادي كان يقود في الحرب الحجادر ربعه وما باقي قبائل قحطان فلم تشملهم شيخته بذات قحطــــــــــــــان الجنوب ولكن لاأسف أن كل موضوع لابد من ذكر كلم لادعي له وليس يأخوان هذا الموضوع فالموضوع قصيده في الشيخ سلطان بن قرمله والمنتدى لايرضى هذا الكلام لانه خارج عن صلب الموضوع وكل معروف هذا والسلام00
أبوعشق0

صح السانه
و ما قصرت يالغالي
على ذا الماضوع الطيب

__________________
[frame="1 80"]صليت فرض و خليت سنة عجل على حديث مجالس قحطان[/frame]

السلام عليكم ورحمة الله وبركاته اخي العزيز الفارس انا لي فتره ماجيت الموقع وبيض الله وجهك على القصيده الجزله ولاهي غريبه على ابو خالد الله يطول في عمره ويخليه لنا آآآآآآمين

__________________
[poem font="Simplified Arabic,4,red,bold,normal" bkcolor="chocolate" bkimage="backgrounds/1.gif" border="solid,medium,gray" type=4 line=0 align=center use=ex num="0,black"]
(سعدية) تنطح وجيـه المشاهيـر
مابين(يـام والدواسـر) تشـاري
مطوعين اللي براسـه سعاطيـر
حتى يدنق من خشـوم الهـواري
في دقلهم يشبع به الذيب والطيـر
لانشفت الاريـاق والـدم جـاري [/poem]

يا جماعة الله يهديكم ( لا فرق بين عربي ولا اعجمي الا بالتقوى)
ومشكور اخوي الفارسعلى هذ القصيده