شيله مملكتنا غاليه والملك عبدالله بصوت الشاعر ( عبدالهادي المسعودي )

[center]
شيله لقصيده وطنيه مشتركه لمجموعه من الشعراء وبصوت الشاعر المبدع ( عبدالهادي سعيد المسعودي )

http://www.youtube.com/watch?v=u1Eo5kNeuCM


الشعراء المشاركين في هذه الملحمه الوطنيه بيتين لكل شاعر بالتوالي



[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
عبدالله مبارك المشعلي
يا سلام الله علـى جيشنـا السعـودي=ممنيـن الحـد بالنـار والـبـارودي
وان زمى العائل لقا يومه الموعودي=مملكتنـا غاليـه والمـلـك عـبـدالله
التكاتـف بيـن شعـب وفـي وقيـاده=صامدين بقو عزم وقو إراده
والوطـن مـن دونـه رقابنـا سـداده=مملكتنـا غاليـه والمـلـك عـبـدالله
=.
2- سعد سعيد المسعودي
الوطن غالي وحنّا حمـاة حـدوده=وحربة الغدّار في منحره مـردوده
علم الحوثي يجهّز قبـور جنـوده=مملكتنا غاليـه والملـك عبـد الله
حن رجال الحرب والرايه المرفوعه=لا تقدّمنا نـدك ّالغـدر وجموعـه
وإن تكلّمنا لنا الكلمه المسموعـه=ومملكتنا غاليه والملـك عبـد الله
=.
3- بطي بن مذكر المشعلي
يا وطنا دام عزك بأمـن وإيمانـا=انحمـاك وربنـا فوقنـا يحمانـا
دون حدك نرخص أرواحنا وإدمانا=مملكتنـا غاليـه والملـك عبـدالله
العدو نهدم كيانـه ونخلـف رايـه=لو جعل له من كهوف الجبال حمايه
بين غـار ونـار مقذوفـة دوايـه=مملكتنـا غاليـه والملـك عبـدالله
=.
4- غيث بن سعيد المسعوي
مدفـع يرمـي وطيـاره وبازوكـه=والحصون بقوة القاذفه مدكوكـه
من خفافيش الظلام اصبحت متروكه=مملكتناغاليـه والمـلـك عـبـدالله
دمنـا وارواحنـا للوطـن مبذولـه=والوفـا من طبعنا بيـّن مدلولـه
والنفوس اللي بحب الوطن مجبوله=مملكتنـا غاليـه والملـك عبـدالله
=.
5- عايض بن مذكر المشعلي
لا رفعنا الرايه نـردد الله أكبـر=راية التوحيد في كل قطرٍتنـشر
لا إله الا الله وسيف عدلٍ أبتر=مملكتنا غاليـه والملـك عبـدالله
سدد الضربات يا كابتن الطيـاره=فوق راس المعتدي لين تطفئ ناره
السعودي دون دينه ودون ديـاره=مملكتنا غاليـه والملـك عبـدالله
=.
6- عبدالهادي سعيد المسعودي
رفرفي يا راية العز فـوق العالـي=لك رجالٍ فالقا يرخصون الغالـي
يحتمون الأول ويحتمون التالـي=مملكتنا غاليه والملـك عبـدالله
ينطحون المعتدي والوطن يحمونه=شوبة البارود من خلفه ومن دونه
والله ان تبقين يا دارنا مصيونـه=مملكتنا غاليه والملـك عبـدالله
=.
7- محمد سعيد المسعودي
يا حماة أرض الوطن يا رجال الهمه=الولد من طبع جده وأبـوه وعمـه
والسعودي منزله في رفيع القمـه=مملكتنا غاليـه والملـك عبـدالله
يا معلـم علـم الشلـة الحوثيـه=الوكيـل الله والمملكـة محمـيـه
من زمان الرمح والسيف والجنبيـه=مملكتنا غاليـه والملـك عبـدالله
=.
8- راجح دايل المشعلي
ما نخون الجار وحدودنـا محميـه=حن هل التوحيد والعزوه المسميـه
كلبونا قلب واحـد وعـزم ونيـه=مملكتنا غاليـه والملـك عبـدالله
دام عزك يا وطن وابشري يالخوبه=الشهادة دون حد الوطن مرغوبـه
نارنا من فضل رب السماء مشبوبه=مملكتنا غاليـه والملـك عبـدالله
=.
9- عايض ناصر المشعلي (أبــو نــاصــــر)
البواسل في جنوب الوطن منصـوره=بحري وبري جوٍ تحـوم صقـوره
لين نفني الشرونشل كـل جـذوره=مملكتنـا غاليـه والملـك عـبـدالله
والله ماياقـف لنا مدفـع وطيـاره=لين يلعن حوثي الشر كل انصـاره
مايعيش بدارنا من يخون ا دياره=مملكتنـا غاليـه والملـك عـبـدالله
=.
10- عايــض بن حيبـــــان
تو جمع الحوثي الرافضي وحشوده=جمعنا مصطك والزايد الله يـزوده
القبايل جنب جيش الشرف وجنوده=مملكتنا غاليـه والملـك عبـدالله
والله ما نحسب حسابٍ لمّن عادانـا=والوعد من بيننا ساحة ا لميدانـا
من دخل في حربنا مات ما ينسانا=مملكتنا غاليـه والملـك عبـدالله
=.
11- صالح مبارك المشعلي
البحر والبـر والجـو طوقنـا بـه=كـل درب يسلكونـه نسكـر بابـه
لو مددهم من عصب قاطعين أعصابه=مملكتنـا غاليـه والملـك عبـدالله
نرهب كبـار العمايـم ولا ترهبنـا=والثقـه بنفوسنـا كـل يـومٍ تبـنـا
عن ولانـا غايـب الفكـر ماغيبنـا=مملكتنـا غاليـه والملـك عبـدالله
=.
12- زايــد بن الزقــروط
من يخون العهد ويخالف القرآني=مايفيده تبعه لسنّة الايراني
القدا ضد الخطا يردع الغلطانـي=مملكتنا غاليـه والملـك عبـدالله
دارنا من دونها الكل درع حامي=جيشنا الشجعان ومواطن مقدامي
أرقدي بأمان يا دولـة الإسلامـي=مملكتنا غاليـه والملـك عبـدالله
=.
13- حسن بن على المسعودي
يا بو متعب كلنا في اللزوم جنودك= والله انا ما نخون الولاء وعهودك
قودنا للحرب وتشوف فعل أسودك= مملكتنا غاليه والملـك عبـدالله
دون حد الدار والصف كله واحـد= ما دخل في صفنا خائن ولا جاحـد
نحتميه بدم الأرواح والله الشاهد= مملكتنا غاليه والملـك عبـدالله[/poem]

ابو بدر لاهنت نفداك


اختيار موفق يا القرم


صحت السنت وصوت الشعار كلهم

__________________

لاهنت


مشكووووووووووووووووور


تحياتي

__________________

الاخ فلاح قايل ماهان ياذيبان

ويعطيك العافيه على التواجد المستمر والداعم لكل من يطرح

شكري وتقديري

الأخ عايض الفهري

العفو طال عمرك ولاهنت على التواجد

شكري وتقديري

اررررررررررحب يا غالي اختيار مميز له اهميه يعطيك العافيه

__________________

اشكر الشاعر الكبير/عبدالهادي بن سعيد المسعودي
على هذا الاداء الرايع الحماسي وهذا مو غيرب على شخص في مقام الاخ ابو سعد شاعر متمكن في الشعر والاداء واتنمنا منه المزيد
وشكراً
سعيدحامدالقحطاني