خالد العتيبي

هذا الشاعر خالد العتيبي له أسلوبه ألأكثر من رائع مفرداته ونهجه بجميع قصائده
لقد سمعت هذه القصيده وأبهرني بطريقة وصفه وألقائه وأحببت أن تقرأوها





يا عقاب مدري مدح والبستك وشـاح

والا الرمـوز يْحلهـا مـن طرقـهـا



يـا سيّـد الزرقـا تعلّـي ومــرواح

لن سقتها مـع قبـة الكـون سقهـا



تكّـي بصـدرك للذعاذيـع وارتــاح

وافلـج محاديـب السحايـب وفقهـا



خلّ السواري عنـك وانـزاح وانـزاح

واعلا مراقيـبٍ علـى الجـدي وقهـا



مثلك ليا ستّـل جناحـه مـع الضـاح

وارخى سمار الريـش فـي معتلقهـا



استسلمت كل الجـوارح لمـن شـاح

عنهـا وجـدّد مـن علّـوه رهقهـا



سيفٍ ليا جـرّد علـى الصيـد ذبّـاح

وموسٍ ليـا نـاش الضوافـي حلقهـا



اهـواي نجـم وكفختـك بــارقٍ لاح

وتكبيرة الميـت علـى اللـي لحقهـا



وما بين مخلابـك وفـلاج الاصبـاح

بيض الثنـادي قبـل يرهـج علقهـا



زوعتك سيل وطعنتـك عَيْلـم رمـاح

من مخلـبٍ واليـا صفقهـا صفقهـا



لا ملت شلت ولا تواسيـت وان طـاح

ظلّـك علـى كبـد الطريـده فلقـهـا



والا ليا نشت الخريشـه مـن الـراح

مـا كـن ربـك بعـد تدمـي خلقهـا



واليا شلعت وجالـك صْيـاح وطْيـاح

كنّـك وكـنّ اللـي ذبحهـا وفقـهـا



وصف الاصيل اللـي ليـا لـز طفـاح

هـذي توطاهـا والاخـرى فهقـهـا



عن بعد ( حر ) ولا تقاربت (سـراح)

وان جيت (عبد) اضنى (الحرار) وعتقها



واخطا عليك مْسمي الصقر يـا صـاح

الحـر وانـت الحـر للـي فرقـهـا



وشلون حر وجـذب راسـه بْملـواح

عيشه على كـف الرجـال وْعرقهـا



وانته سندك عْضود وصْعـود وجْنـاح

وحـداد سـم الطايـره فـي شنقهـا



مـا ذلّـك البرقـع ولا ردّك صْـيـاح

ومن حيث ما تبغى مع الكـون سقهـا



عسى أن تحوز على رضاكم

لاهنت ياخالد قصيدة جزله

__________________

بن مهذل مشكور على المرور

صح لسانك والسانه قصيدة شاعر شكرا لك .................................................. .

__________________

ارحب ياخالد لاهنت على هذه الابيات
يعطيك الف عافيه

سفر بن مبارك بن جرشب

مروركم مثل المطر واعذروني على التاخير

لكم خالص أحترامي