قصيدة / جابر الجعدبي الظفيري في القبائل

--------------------------------------------------------------------------------

بسم الله الرحمن الرحيم

قصيدة الشاعر / جابر الجعدبي الظفيري في القبائل :

[poem=font="Simplified Arabic,4,blue,bold,normal" bkcolor="transparent" bkimage="backgrounds/2.gif" border="solid,medium,gray" type=4 line=0 align=center use=ex num="0,black"]
لا صار يوم (ن) فيه ذابـح ومذبـوح
= يردوّن حوض الموت في غالي الروح

دون البيـوت ادّم المعاديـن مسفـوح
= والنعـم بالظفـران لا قيـل ظفـران

وشمّر هل الطولآت لا صار ما صار
= لا صارت الدعوه بها طوال وقصـار

والنعم في شمـر طويليـن الأشبـار
= بالطيب والخوّه لهم قـدر (ن) وشـان

متعوديـنـن للنوامـيـس والـجـود
= الطيب فيهـم والكـرم مالـه حـدود

ذكرتهم بالطيـب والطيـب مشهـود
= في شمر (ن) من دون زيف (ن) وبهتان

أولاد وايــل كاسبـيـن النفـيـلـه
= قبيلـة (ن) يـا ويههـا مـن قبيـلـه

قبيلة (ن) يا سعّـد مـن يلتجـي لـه
= عنزه بها سباع وصـوارم وشجعـان

أولاد وايل لا غـدا الجمـع جميعـن
= حلويـن للصاحـب وللضـد مريـن

دايـم لفعـل الطايـلـه مستعـديـن
= وعشرين نعم (ن) كل ما قيـل ويـلان

وأذكر بني خالد عريبيـن الأنسـاب
= يحسب لهـم بالأزمـه ميـه حسـاب

لا صارت الدعوه بها ضيم وأنشـاب
= تلقـا الخوالـد بالملازيـم فـرسـان

يقدرون الضيـف لا جاهـم الضيـف
= تصبح حياتـه عندهـم كلهـا ريـف

عدوهم مـن فعلهـم يرجـع معيـف
= من ينكر المعـروف هـذاك غلطـان

وأبذكـر اللـي يحتمـون المظاهيـر
= أذكر مطير وتشهـد النـاس لمطيـر

لا صار يوم (ن) فيه شر (ن) بلا خيـر
= أبشر بعز (ن) صرت في صف مطران

غريمهم مـن فعلهـم يسهـر الليـل
= حمر النواظـر بالمـلازم مشاكيـل

لا صارت الدعـوه أمـان وتساهيـل
= صحيبهـم لا يمكـن إنـه ينـهـان

أبذكـر العجمـان بالجـاه والطيـب
= ربع (ن) يدوسون الخطر والمصاعيب

اللي يجي فـي شـر يبشـر بتعذيـب
= واللي يجي في خيـر فايـز وربحـان

الله يعـز أهـل الشـرف والمـروه
= فـي طيبهـم مبطيـن ما هـو بتـوه

سموة (ن) يـا زينهـا مـن سمـوه
= أفخر ويفخر كل مـن قـال عجمـان

وأذكر بعد فعل الحـروب بقصيـدي
= نقول فـي فعـل الحـروب ونشيـدي

الكل منهـم فـي المراجـل سديـدي
= وصلـت فعايلهـم قبايـل وبــلدان

وأبذكـر الله قبـل ما ذكـر عتيـبـه
= قبيلـة (ن) وقـت الملاقـى تعيـبـه

عـدوهـم لازم تجـيـه الغلـيـبـه
= ينكس معيـف عقـب ما هـو بفسقـان

والنعم فيهم كـل مـا حـل طـاري
= وصلـت فعايلهـم جميـع البـراري

فـي فعلهـم كـل القبايـل تمـاري
= خويهـم فـي قربهـم دوم فـرحـان

وأذكر سبيع أهل الكـرم والنواميـس
= اللابة الـلي لا لفـى الكـون فريـس

اللـي تهقواهـم يشـوف اللواليـس
= سبعان في كـل المواقيـف سبعان

يردون حوض الموت لو هو عسيـري
= افرح ليا جـاء مـن سنعهـم بشيـري

لا جوك فزعه صار قـدرك كبيـري
= لا صار ما عندك جماعـه وصدقـان

وأبذكـر فعـول القحاطيـن بمـثـال
= ربع (ن) لهم بالطيب والمجد مدخـال

في فعلهـم ما أقـدر أترجـم بالأقـوال
= والطيب بيّن عنـد ذربيـن الأيمـان

يمشون في درب النواميـس يمشـون
= على دروب المجـد دايـم يسيـرون

وبالضيـف دايـم لا لفاهـم يهلـون
= وأكثـر قبايلنـا مــرده لقحـطـان

وأذكر بعد من عرض ما قلته سهـول
= فعل السهول أكبر من المدح والقـول

واللي يبي ينكر هل الطيـب مهبـول
= الأجودي يذكر علـى كـل الأحيـان

أفعالهـم وقـت المغـازي عظيـمـه
= ونفوسهـم مـن التكـبـر سليـمـه

فيهـم لكـل النـاس قـدر وحشيمـه
= إنشد وتلقا العلم كـان أنـت شفقـان

وأشيـد فـي فعـل العداويـن تشيـيد
= بالمرجله مـن بيـن كـل الأجاويـد

دايم علـى دروب المعالـي مواريـد
= لكل القبايـل دايـم اخـوان وأعـوان

والنعـم فـي كسابـة الطايـلاتـي
= كعـام المعـادي بالملاقـى عصاتـي

فـي قربهـم يالمبتلـى لا تحـاتـي
= حقك يجي لو هو كثيـر (ن) بالأثمـان

وقالوا زعوب وقلت والنعـم يا زعـوب
= اسم الزعوب بطول الأيـام محبـوب

يشهد لكم بالطيب فـي كـل ماجـوب
= فتح لكم باب الشـرف عشـر بيبـان

أهل الكرم فيكـم كـرم مـع شهامـه
= صدقانكـم دايـم بـعـز وكـرامـه

وعدوانكـم لازم تشـوف النـدامـه
= يشهد لكم فـي فعلكـم رب الأكـوان

وقالـوا بقـوم وقلـت ما نـي بناسـي
= كـل البقـوم أحطهـم فـوق راسـي

تقديـر للـي فعلهـم مـا يقـاسـي
= تقديرهم يبقـى علـى مـر الأزمـان

وجبت الهواجر فـي معانـي كلامـي
= الكل منهـم فـي المراجـل يحامـي

أهـل الكـرم لهـم كثيـر احترامـي
= كل الهواجر دون عـد (ن) ونقصـان

وبنـي عطيـه كاسبيـن المديـحـي
= وبني صخر تعيـش معهـم مريحـي

وفعل الحويطـات بكرمهـم نبيحْـي
= وطيب المناصير أذكره دون نسيـان

وبالطيب أبذكر والفخـر كـل مـري
= من قبـل لا أقـول القصيـد متحـري

المـره اللــي فعلـهـم مستـقـري
= لهم بدرب الكـار والمجـد سيسـان

وأذكـر بعـد بالطايـلات الـدواسـر
= الكـل منهـم للكـرم دوم جـاسـر

بالطيب واضح ما يبي لـه مساسـر
= يستاهل التمجيد رجـل (ن) كحيـلان

وفعل الفضول يشوش الراس تشويـش
= طول الزمن للطيب دايـم مشاويـش

إسأل عن فعول الفضـول المداغيـش
= إسأل وتلقـى فعلهـم بالفـخـر زان

وأذكر بعد بالقـول كـل الشـرارات
= أفعالـهـم متبـيـنـه بالمـهـمـات

في طيبهم يشهد لهـم ماضيـن فـات
= لنا بهم صدقـان وأعـوان واخـوان

هـاذي قبايلـنـا بتذكـيـر قلـنـاه
= ويمكن بعـد بعـض القبايـل نسينـاه

المعـذره للـي بعـد مـا ذكـرنـاه
= تراه ما هـوب يـا الأجاويـد حقـران

المعـذره والمـعـذره سامحـونـي
= ياللـي نسيـت لذكركـم اعـذرونـي

أنا أعترف ياللـي علـي تشرهونـي
= ما نيب متعمـد طليقيـن الأيمـان

ذكر القبايل عندي أغلى مـن الـروح
= قبايل (ن) ما لـي بهـا كـل مصلـوح

أنا أفتخر في كـل طيـب وممـدوح
= كسابة المعروف بالطيـب وإحسـان

أفخر وكل (ن) يفتخـر فـي مسـاره
= وكل (ن) على عانيـه طيبـه بـداره

بنـا علـى طيـب الفعايـل نمـاره
= يشهد لنـا فـي فعلنـا رب الأكـوان

أخذت في نظـم القصيـد احتياطـي
= جـاذب جميـع الطيبيـن ارتباطـي

ما فيـه لا عالـي ولا فيـه واطــي
= جميعهـم عنـدي حبايـب وخــلان

وأنـا عريفـي فـي جميـع النحايـا
= بانـت فعايلـنـا ولا بــه خفـايـا

حنا ليا جـاء الكـون نصبـح حجايـا
= ويـوم الملاقـى بينينـن بـالأكـوان

اّلاد علـي والطيـب مستارثيـنـه
= العهـد الأول بالفـخـر حافظيـنـه

وعلـى الكـرم إلنـا مواقـف ثمينـه
= يكتب لهم في صفحه الطيـب ديـوان

هاذي قصيـده سجلـت فـي سجلـي
= ذكرت كـل اللـي بهـا فاطنـن لـي

إليا سمعاهـا واحـد (ن) مـا يملـي
= وأرجو عسى اللي يسمع القول قنعـان

ختـام مـا قلتـه بنظـم القصـايـد
= في ذكـر رب (ن) نذكـره بالشدايـد

رب (ن) عليم بكـل ناقـص وزايـد
= صلو على المبعـوث هو نسل عدنـان [/poem]

اللهم صلي وسلم على عبدك ورسولك محمد . منقول وصح الله لسان الشاعر / جابر الجعدبي الظفيري وأنتم سالمون وغانمون والسلام

السلام عليكم


والله يعطيك العافيه يا ابو علي

وصح الله لسان الشاعر الظفيري

وقصيدة طيبه و وافيه

الله لا يهينك

__________________

بيض الله وجه الشاعر أبو مشرف البشري على هالقصيدة ولا هو بغريب الطيب من منبعه

اشكر المصمم سلمان آل سعد على التوقيع

ارحب ياوجه الفهر


والله القصيده طويله لكن استمتعت بقرائتها


صح لسان الشاعر وصح لسان الناقل

نقل جميل


لاتحرمنا من مثلها


تسلم على القصيده الرائعه

كل الشكر لك

__________________

تسلم يمناك وبيض الله وجهك على نقل القصيدة الطيبة الجزلة

وصح الله لسان شاعرها الظفيري

لك مني كل الاحترام

وأبذكـر فعـول القحاطـيـن بمـثـال
ربع (ن) لهم بالطيب والمجـد مدخـال

في فعلهم مـا أقـدر أترجـم بالأقـوال
والطيـب بيّـن عنـد ذربيـن الأيمـان

يمشون فـي درب النواميـس يمشـون
علـى دروب المجـد دايـم يسيـرون

وبالضيـف دايـم لا لفاهـم يهـلـون
وأكثـر قبايلـنـا مــرده لقحـطـان

وجبت الهواجـر فـي معانـي كلامـي
الكـل منهـم فـي المراجـل يحامـي

أهـل الكـرم لهـم كثيـر احتـرامـي
كل الهواجـر دون عـد (ن) ونقصـان



صح لسان قائلها وناقلها

سعيد الجهيمي ,,,,, محمد آل غانم ,,,,,, ناشر آل مخثله ,,,,,, تراك القحطاااني


ارررررررررررررررررحبوا جميع


والله لا يهينكم على الردود الوافيه