حـــان الوداع ولابقى للعتب دور

هذه قصيده للشاعر الإعلامي ومدير قناة الواحه في منطقة القصيم
رشيد الفريدي
اترككم معها:

[poem=font="Simplified Arabic,5,darkblue,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]

حان الوداع ولابقى للعتب دور=الله لنا وفجوج ربك وساعي
دام الزمالة ماهي احساس وشعور=ماللزمالة بعد هاليوم داعي
قلبي على المقفين ماهو بمقهور=من باع للعشرة مصيره يباعي
لا تعتذر مادام صاحبك مسرور=اللي على شانه بذلت المساعي
يبقى رفيقك وانت بالفعل معذور=يمشي على ماقلت وامرك مطاعي
دامه على ماقيل منهي ومامور=بدري على شرواك لويت ذراعي
فنجالك اللي سقت من يدك منثور=لاصار منته للزماله مراعي
من يخدم الانذال ماهو بمشكور=ومن يزرع الصبخا جداه الضياعي
توّي لقيت لعلّه النذل دكتور=البعد عن شوفه يزيل الصداعي
مافيه داعي ينفضح كل مستور=عيني تشوف الدرب والقلب واعي
نور الحقيقة بان والعلم مخبور=شفت السباع وشفت روس الأفاعي
ما كنت اصدق فيك ياضايع الشور=دايم وانا دونك مكثّف دفاعي
افلح ... قبل يضربك رمحي على الزور=والحق خويك ياحليب المراعي
عين بكت فرقاك تحرم من النور=لاتنتظر بعد الوداع اجتماعي [/poem]

لاهنت على النقل

وصح لسان الشاعر الجزل

رشيد الفريدي

دمتم بخير

.

__________________

.
اللهم إني أعوذُ بك
من علمٍ لا ينفع ..
ومن قلبٍ لا يخشع ..
ومن نفسٍ لا تشبع ..
ومن دعوةٍ لا يُستجاب لها
.

يعطيك العافية أخي محمد على نقلك لهذه القصيدة للشاعر رشيد الفريدي

ولا هنت

__________________

لاهنت جداااااااااااااااا .. على .. النقل ..


من يخـدم الانـذال ماهـو بمشكـور ***** ومن يزرع الصبخا جـداه الضياعـي


عز الله انه جزل ..

تقبل مروري الي يشرفني ..

اخــــــوك ..

بــن نـــآآآشـــر آآـــــــ&ـــــــآجــري

مشكور على


النقل

الرائع

لك تحياتي

__________________

لاهنت يالفريدي على النقل

وصح لسان شاعرها



وننتظر مزيد من التواصل لمثل هذه القصائد الجميلة

بيض الله وجهك يا حربي