ياعين أنا أشوف الصبر أخير من منّة بخيل

ياعين أنا أشوف الصبر أخير من منّة بخيل .... والرزق بيدين الولي والناس ماهي ناصحة

أشوف انا بعض العرب ماترغب العلم الجميل .... ولاجيتها في نفعة مارحت نفسك سامحة

ربع معك وقت الرخا وان مال بك وقتك تميل .... والا علوم المرجلة ماهيب فيها فالحة

مادام حظي منعثر وش لي بصنع المستحيل.... خله كفاه اللي مضاه اليوم وايّا البارحــة

ليت الردي من خلقته يكتب على وجهه دليل .... والا يعلق في جبينة للاوادم لايحـــة

أنا زرعت الحنظلة وأسقيتها بالسلسبيل.... لكن جنيت الشوك من روس الغصون المالحة

مايلّدغ مرة ومرة كود من عقلة هبيل .... ومن لاحسب للمقبلة مايحتسب للرايحة

دنيا تشوف بها الفهد يخشى من البسّ الذليل ....والذيب عداه العشا صوت الكلاب النابحة

ابن عباد

السلام عليكم ورحمة الله وبركاته

ابيات معبره كل بيت ينبض بحركه وتعبير

ويبقى الردي على اسمه

ليت الردي من خلقته يكتب على وجهه دليل .... والا يعلق في جبينة للاوادم لايحـــة

مشكور

الاخ ابن عباد

ابيات صادقه ومتعوب عليهابيض الله وجهك صدقت في وصفك جزاله وقوة معنا شاعر رهي سلمت............

__________________

لاهنت

بيض الله وجهك


يعطيك العافيه


تحياتي

__________________

ابيض وجه

يابن عباد

بيوت جزله سلمت على النقل وصح لسان القايل

بيض الله وجهيكم على المرو ر