المشاركة الأصلية كتبت بواسطة الطير الخضر

بيض الله وجهك بياض الشاش يا ابيض المشعاب .. انت جزل وماجبت الا جزل،،، ولا يهونون الربع الباقين ،،ابيك تنشد شيبانك ولا عليك امر من القصيده اللي قالها مريط بن رايعه ال مسعود وذكر فيها ذبحة الدويش وش سالفتها ؟؟ لها ارتباط بنزول الجحادر من الجنوب الى نجد ؟؟

عدا العقيلي براس الرجم ويويق && يشوف له بوش تزاعج صوب مضماه
وغرنا على البل ورمينا المعاليق && والكل منهم للجنب راح ينخاه
ولحقوا مطير على طوال السماحيق && معهم دويش على صفرا محلاه
ولحق المريخي وسوق البر غدا ضيق && والجيش عيا وسيع البر يبزاه
وقال المبندق عندكم يالمطاليق && اخذو اهدومه وخلو الشمس تنداه
وغدا الرمك نطله سوات الجواليق && يوخذ رسن ذي والاخرى مخلاه
ويوم حدونا على كره المضاييق && للخيل حول مثل جفران وحلياه

وسلامتك يالقرم.