قصيدة للشاعر / ضيدان بن قضعان
السلام عليكم ورحمه الله وبركاته
يا بحر جده
حزين والله اني حزين وخاطري مكسور
لو اضحك واتظاهر بالسعاده يابحر جده
وانا يا بحر يوم اصد واخفى دمعتي معذور
لك الله يابحر صدت والصده هي الصده
اخاف تقول عني يابحر ضيدان بن منصور
في يوم من الايام ودموعه على خده
وانا مابن حي الله بشر يكشف لك المستور
انا رجل يموت ولادرت الامواج عن سده
و لاقاف ماقف ماهوب قدي لاطغى المغرور
انا قد الكلام وماقفي قدي وانا قده
و اباقف وابتسم لواني حزين وخاطري مكسور
الين الله يفرجها علينا يابحر جده
__________________
