.:: الـمـراقــب الـــفـنـي ::.
تاريخ التسجيل: Feb 2006
الدولة: الـرياض - طريب
المشاركات: 2,005
حب الوطن واجب و لكن عايض = سباق للعليا و هو من هلها
السلام عليكم و رحمة الله و بركاته
هذه القصيدة شكر و عرفان للشيخ عايض الوبري
لتكريمي ضمن الشعراء المشاركين في اوبريت وطن و مواطن
مشاعري في عشق داري ولهى
هواه احبه و ارضه اقبّلها
في كل عام افرح له و يستاهل
يلبس من ثياب القصيد اجملها
دراي السعوديه و مسقط راسي
اللي سقاني بالغلا منهلها
الله حباه المسجدين و مولد
محمد أشرف الانبياء و افضلها
صلوا عليه و سلموا تسليما
المصطفى بين البشر و انبلها
باسم المواطن و الوطن قدمنا
رسالة اخلاص و ولاء نحملها
وجات العزيمة من عزيزٍ غالي
ولا لنا الا نتمم و نقبلها
لجل القصايد فالوطن و رجاله
تكريم .. قلنا مطلق و يفعلها
حب الوطن واجب. و لكن عايض
سباق للعليا وهو من هلها
والله ما استغرب وهو لا عدوّا
اهل الكرم تلقاه قبل اولها
ذا هيلع المدات حاتم عصره
اكرم رجال المملكه و اجزلها
كفه ندي و فاتحٍ بيبانه
يفداه من بيبانه مقفلها
ما مل من كثر الوفود لقصره
سوره ذراها ، مجلسه مدهلها
عن المكارم ما خذته اشغاله
الا يا كم من شغلةٍ أجلها
السمعه العطره و لين الجانب
و مواقفٍ مافيه من يجهلها
لا زاره المحتاج طالب عونه
حصل قراه و حاجته حصلها
صميدع ن و سنافي ن و محنّك
متواضعٍ و الطايله طايلها
و آل مهدي في كل عصرٍ تنجب
نوادرٍ حبر الزمن سجلها
فالماضي التاريخ يثبت قولي
و فالوقت ذا مُر العرب و أسألها
عن عايض الوبري و تلقى سيره
تعجز كثير الناس لا توصلها
حتى القصايد في جنابه تعجز
لكن حروف اسمه هي تجملها
الشاعر/ مبارك بن حاضر
@MbarkHadr