[poem=font="Simplified Arabic,6,black,bold,normal" bkcolor="transparent" bkimage="backgrounds/16.gif" border="none,medium,gray" type=4 line=0 align=center use=ex num="0,black"]
( ملتقى الحباب )

ســـــلام مــا هـلّـت هـمـــالـيـل السحاب = سحـاب صيف هــلّ مــن مخايـله
وإعــداد مـن صـلى ومـن يـقـرأ الـكتاب = وإعداد مـا تزهى الفياض السايله
وإعــداد مـن يـلـبـس جــديـدات الـثـياب = وما لاح بــرق وكـل عـين تخايـله
فـي مـلـتـقـى ربـعـي صـنـاديـد الحباب = حضرت فيه وواجبي مسعــاي له
يـامـرحـبـا وأهـلـين مـضـمـون الجواب = سلم قحطان أهل الخيول الصايـله
ويـامــرحـبــا بـاللـي دعـيـنا وأسـتجاب = مـن كـل فخذ وكــل بيـت وعـايـله
حـيـّـاكـم الله فــي الـمـجـي وفــالـذهاب = في الـمـلـتـقى اللــي مـانبي بدايـله
فكـرة لــواء شاف الهـدف توّه وصاب = حسـين بن مـفـتـاح راع الـطـايـله
يعـيـش مـن سعى ومـن ودّى الخطاب = واللــي فعل خير وبـذل حصايـله
ويـعـيـش شـيـخ فــي الـشـدايـد مـايهاب = شـيـخ كــفـو مــا تنجحد جمايـله
مـحـمـد بـن مـهـدي مـرفـوع الـجــناب = ابـن عــجــيـان الوفـاء جـزاي له
فــتـح لـطـيـبـه وكــرمه تــسـعـين بـاب = ومجـده رفيع فوق ماأحد طايـله
كـريم سـبـلا مـايـحــسـب لـهـا حـسـاب = نــال الـوفاء والـطيب كـلّـه نايـله
كـــل الـمـراجـل فـيـه طــبـع واكـتساب = وأنا أشهـد إنّ الطيب من خصايله
والـمـلـتـقـى مــادام لـي فــيــه انـتـساب = مـاهمّـني كـثر التعب وخـطاي له
تـكـريـم لأهـلـه واجـتـمـاع واحـتـسـاب = وكــــل يـشـوف ربـوعه وحـمايـله
عــزالله إنّــه مـلـتــقــى بـالـعـــز طـاب = بأمـن ورخـــاء مـاتـلّـقـى مـثايـله
والظن صاب وظن بعض الناس خاب = والــشــك مـهــمـا صـار كل زايـله
وحـنّـا بـظل اللــي علــى الدولة حجاب = حـكـامـنـا اللـــي يلـطمون العايـله
آل الـسـعـود اللـي عـلى المجرم عذاب = إخــوان نــــوره كـاسـبـين الطايـله
ومـلـيـكـنـا نـسـل الـسـلاطين الـمهـاب = غـيـث سـحـابه هـمّـلت هـمايله
هـــذاك أبـومـتـعـب لـيـا نــادى مــجاب = حـنّـا جـنـوده كــلّـنا والــرأي له
أقــولـها بــإثـبـات وعـيــوني حـــراب = في ملتقـىً حـقّ علي مـمشاي له
يـانــاشـــد عــنّـا تـــرى حــنّـا الـحـبـاب = ســيـل تـحـدّر تــابــع مــسايـله
حـنّــا الـحـبـاب أهـل المواقيف الصعاب = وفـعـولـنـا وقــت الملاقـى هايـله
الــرجل مــنّـا نــدّ عــشــرة بـالــحـسـاب = والشـيخ زايــد من لســانه قايـله
يــالله عـســى الـجـنّـة مــقــرةّ والــثــواب = وعسىاك ياربـي قبلت دعــاي له
قـلـت الـحـقـيـقـة دون شـــكّ وارتــيــاب = مــا أقـول قـول إلا معــي دلايـله
ولـيـا ذكــرت شـيـوخـنـا نـذكــر جــراب = شيخ الحباب اللي يـعـدل المايـله
وحـسـين شـيـخ قـــرم ويــحــلّ الصعاب = هــذاك ابـن مـهـمـل وذي فـعايله
حــنّـا هـل الــوقــفـات شـيـبـان وشــبـاب = وتـاريـخـنـا يـشـهـد لـنـا بأوايـله
وسـيـوفـنـا دايـم مــخــضـبـها الـخـضاب = وميدانّـا يـرعـب صهـيل أصايـله
وقــت الـلـقـاء لــي مـالـت تقص الرقاب = وخصيـمـنا مــا تـنـفــعه وسايـله
واللــي يــعــاديــنـا نــجــازيـه الــعــقـاب = ويمـوت فــالـدنيا وغــلّـه غـايـله
علـى الصديق نـكـون سمـحـين الــجـناب = وعلى المعادي مثل شمس القايـله
ويوم العرب كـانت على ظهـورالـركاب = كــم شــيـخ قـوم نــوّخت رحايـله
وعـلـى حــدود الــدار نــاقف مـا نـهـاب = تـشـهـد لـنـا يــام وقـبــايل وايـله
فــي مـشـيـنـا نـاطى على روس الدواب = ورأس وطـيـنـا بـلـغوا عـزاي له
وإن ثــار بـارود الـوغى مـثـل الضباب = نصبرعلى الحرب وعلى هوايـله
وحـنـّا مـعـا وقت الـحـضـور وفـالغياب = لــي شـبّ حـرب وولّـعت فتايـله
صغـيـرنا عـلـى الـوفاء والطيب شاب = وكـبيـرنا يـبـقـى عـلـى صمايـله
ويوم الردي ما همّه إلا أكل وشراب = حـنّــا الــمــراجل هـمّـنا والطايله
من طبعنا نرسي مثل مرسى الهضاب = مـثــل الجـبـال النـايفات الطايـله
وكــل القبايل كفــو مـــا فيــهـم عــتاب = وحـــق لـكــل يـفـخــر بـقـبـايـله
يــالله تجعـلنا عـلــى درب الــصـواب = يالواحـد اللــي نـرتجـي فضايـله
وعسـى دعـانـا لـي دعـينا مستـجاب = يـالله تــقـبـل كــثــــره وقــلايـله
افـتـح لـدعــوة مــن لــجالك كـل باب = يا خـيـر دايـم والـخــلايق زايله
أقـولـهـا ولا أهــرج هــرج يــعــاب = آخـذ جـــزيــلـه تـــــارك هــزايـله
الصيد ما يـأتـيـك بـه غـيـر الـعـقـاب = حــرّ قـضب صـيده وجـابه شايـله
والـسـيف ما أحد يقضبه بلا نصـاب = ومـاكـل مـن شـلّـه يمـيـنـه طايـله
والــذيـب يبقى ذيـب لأنّه من ذيـاب = مـاهو بمثـل اللي نـفـض شـلايـله
قـلـتـه وأنـا اللـي في اللوازم مايغاب = مــاغـاب وأرسـل عذره ورسايـله
مـالـي عـن الـماجـوب عـذرواجتناب = مــاغــبــت عـنّه صعبه وسهايـله
شــاعـريـمـثـّـل ربـعـه ووقـّـف وناب = والـشـعـر مــايـأخذ سوى جـزايـله
وأنا ابـن عـرفـان آل شـنـان الحباب = وقـحـطـان ســاس وكـلّـنـا ســلايـله

الشاعر الطرقي[/poem]