--------------------------------------------------------------------------------

السلام عليكم ورحمة الله وبركاته
قصيده مهداه الى الرفيق الغالي / سعد فهد ابن مفلح ال مقبول عندما قام واعتزى بالجايزه الاولى للشاعر / سعيد ال فارع اثناء مسابقه شاعر الدعوه لعدم حصوله على احدى المراكز الاولى عوضا منه محبه وتقدير وعرفان في شاعريّته

[poem=font="Simplified Arabic,6,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]

يشوش الفكر والراس من طيّب الميقاف=رفيـقٍ يشـرّف والقبيلـه يشرّفـهـا
ابن مفلح اللي للجماعـه ذرا ولحـاف=ليـا دارت الدنيـا وكثـرت محاذفهـا
ومن قبله إجدوده يوم إن السنين عجاف=ضيوف العسر والوقت قامـت تضيفهـا
وابن مفلح إفعوله عجز وصفها الوصّاف=ولا أدري حروف الشعر وشلون توصفها
ومن يعتزي به فاللقا ما يجيه إخـلاف=ونفسه علـى درب النواميـس كلفّهـا
وقف وقفةٍ تجمل وترقا على المشـراف=حميّـه مـع شيمـه ولاهـو يزيفهـا
عطى سعيد ابن فارع هديه عليها أحلاف=حلوفـه محبّـه والهديـه يضاعفـهـا
مع علمه إنه ما أشتكى كسرة المجداف=يقول العوض عنـدي ولانـي بسلّفهـا
عطى الجايزه لولـى ولا همتـه لالاف=ومن قبلهـا عنـده رسايـل هواتفهـا
يقول إن ابن فارع رما صايب الاهـداف=وحصايل زهور المعرفه قـام يقطفهـا
ولا يرجي المـردود منّـه ولا لنصـاف=يبي يفـرح الصـادق ويكتـم ملقفهـا
ولاني بغطي واحفظ العلم وسط إغـلاف=وعزومي على ذكـره فلانـي مكتفهـا
آسولف بذكر الطيب في مجلس العرّاف=وجميع العرب تنقل علـوم وتسولفهـا
علومٍ تنومس عند الاصحاب والطّـراف=وتفاخر به إرجـالٍ جهلهـا ويعرفهـا
آبرفع له البيضا عدد من يزور وطـاف=رفيقٍ هقاوي الطيب ما هـو بيخلفهـا
وانا ما بلوم النفس لامن بدعت القـاف=لا قامت تفنـن فـي مثايـل عواطفهـا [/poem]