السلام عليكم

مساء الخير .. يا وجيه الخير

هنا في هذا الصرح الشامخ يشرفني ان اضع بين ايديكم قصيدتي المتواضعه

وقصتها .. جائني شخص عزيز على قلبي يشتكي من علوم جاره .. !!

فترجمت القصه في هذه .. المتواضعه .. واتمنى ان تصل الى ذائقتكم الكريمه ..

:::::::::::::::::::::::::

[poem=font="Arial,5,,bold,normal" bkcolor="transparent" bkimage="" border="double,4," type=2 line=0 align=center use=ex num="0,black"]
طوّل عليّ الليل ما بان فجري = من صاحب ٍ يشكي من علوم جاره

يقول !! من كبر الالم فاح قدري=وكن الحنايا العوج فيها مراره

الله من همّ ٍ سكن وسط صدري = همّ ٍ غلب كل الهموم بجداره

كدّر مزاجي وانقضى مِنـْه صبري =وزوّد حرارة داخلي بالحراره

من سبّته راسي غدى اليوم سدري= كنـّي كسير ٍ ما تفيده جباره

وفوق الهموم السود مشغول فكري=والدّمع من عيني تزايد عباره

المشكله محد ٍ من الربع يدري=حتـّى ومن داري غدت جنب داره

بينه وبين الخير باب ٍ وجسري=همّه من الدّنيا كثير التجاره

لامن زهمته حط مليون عذري = وش فايدة ثوب ٍ بليـّا زراره

صحيح وجه الفقر يا ناس فقري= لو هو ملك في كل حيّ ٍ عماره

انشهد ان قربه نقص مِـنْه عمري=ولا ابي انا قربه ولا ابي جواره

مالي سوا المعبود لا ضاق امري = سبحانه المعبود جل اقتداره

وقلت الصبر ..!! يا صاح للجرح يبري=يابو سعد هوّن وهاك البشاره

لا بد يقفى العسر هون ٍ ويسري = قاله رسول ٍ كلنا باقتداره

وهذا الزمن ما بين صافي وكدري=أحد ٍ كسب له ربح وأحد ٍ خساره

قلته وأنا وافي بالافعال شبري = وجاري على الطالات تافي شباره

لكن مشاعر بين مدّ ٍ وجزري = ولا خير في جار ٍ نسى حق جاره[/poem]

:::::::::::::::::::::::::::

وسلامتكم

(( .. اخوكم / حسن بن علي الهاجري ..))

__________________