الـنــظــرة المــسـتـعــجلة
النظره المستعـجله زادت الــــشـــوق
ودي عـيـــوني مـنك تـمــلى نظـرهـا
في ساعةٍ ما غـير أنا فـيه مـخـلـــوق
والناس يا المزيون غـابت صــورهـا
وأبدي لك اللي دونه الــســد مـفــتـوق
مشاعرٍ ما عــــــاد قــلـــبي قــــدرهـا
أغريتها بالملــح والعــقل والـــــذوق
مـيـر اللــيالي وقـفــت في نــحــرهـا
يامرهــفٍ حسه مع غـــــنج مرمـوق
يا نـورعـيـني لا نجلـت يا بـصــــرها
أنت بحـــياتي مثـل شمسٍ لها شـروق
وفي عـتمة أحزاني غـــديـتي قـمـرها
شمعة أمل والنور ماهــو بمســــــبوق
غيمة فرح تروي العـطـاشا مـطـرهـا
تعجز حروفي كل ماجـــبت طـــاروق
توصف غـلاك وتـحــترق من قهـرها
نعــــم أحــــبك شاهـــدٍ دم وعــروق
ونظـرات عــينٍ ما يـغـــرك خــبـرها
واللي خلق سـبع السمــوات من فــوق
ما غيرك أحدن كـــل روحـي أســرها
كلمات / حسين بن معدي