ارحب يابن شاهر

والنعم بحالك وحال الجميع وكلكم وافين ولا فيكم قصور

عندي تعليق بسيط على ردك السابق يالغالي

تطالب صاحب الموضوع انه يقول اين ذهب جمعان بعد هزيمته ومنهي القبيله اللي فزعت وردّت الحلال والنساء ....!!
وذكرت نصايب القتلى اللي بالهضب

انت يالغالي خلطت الأمور ببعض .. وأسمح لي أوضح لك الصوره

اولا حربنا الأول كان مع بني واهب من شهران وليس مع شهران كلّها وللمعلوميه كانت الواقعه حول ديار بني واهب وأنكسرنا في الحرب الأوله مثل ما ذكر شفرة رفيده وعقب التجهيز للمره الثانيه استفزعو آل الشواط بقبائل قحطان ودار العلم وصاح الصايح بين قحطان وانشد عن رجّال من عبيده يسمّونه الى اليوم هذا (الصيّاح) هو اللي كان يصيح في قبائل قحطان انها تفزع مع آل الشواط وفي صباح هذاك اليوم سرحو آل الشواط ومعهم آل كريدس من آل لغر من جارمه وخطّاب من رفيده بس وغزو بني واهب وكسروهم وسلبوهم حلالهم وسلاحهم ورجعو ولمّا وصلو مكان في الهضب قابلو قبائل قحطان فازعين وردّوهم قالو خلصنا من شهران وفيه مكان في الهضب للحين اسمه (خيسة ابن مضحّي) انشد عن سبب التسميه وان ما عرفت علّمتك
وبالنسبه للنصايب اللي في الهضب فهذي لآل كريدس من آل لغر هم اللي فزعو بس مع ال الشواط وذبح منهم عشره ودفنو في الهضب والنصايب لهم.

نقطه للتوضيح:
الغزو الأول كان من آل الشواط على شهران في حدود بني واهب وانت تسأل عن القبيله اللي ردّت الحلال والنساء ...!! وكلامك تراه مغلوط وفيه دسيسه
تأكد منه وانا خوك ولاّ خلّه عنك ولا تتحدث فيه

بعد الغزو تكلّم جمعان ورفع البيضاء للآل كريدس لأنهم هم اللي فزعو من بدري وسرحو مع آل الشواط
وعدّهم منّا وفينا لهم مالنا وعليهم ما علينا إن هم رضو ... وبالفعل آل كريدس غارمو آل الشواط وما احد ينكر جميلهم
وغارموهم بالنصايب اللي في الهضب وبعطران الشوارب اللي ماتو في الغزو رحمة الله على اموات المسلمين جميع

آل كريدس الحين منّا وفينا ويعتبر بد من بدود آل الشواط وللحين منهم ناس ساكنين في الفرعين يقال لهم آل كريدس أنشد عنهم وتعرفهم

هذي كل السالفه

أتمنى منك انت يابن شاهر انك تتأكد من كلامك وتنتبه له وعفاك

أخوك فارس الشواطي

__________________