كانت بنت أبن سعدة من آل روق قحطان ترعى إبلها وذات يوم أغار
على الحي قوم واستاقوا البل وصوب أبوها فلم تتمالك نفسها وجعلت تلوح بخمارها
وتصيح فلحق قومها خلف القوم المغيرين وكان من أبرز فرسان آل روق مجري ابن ذيبان والفارس محمد بن رثوان وكلاهما من فرسان آل روق المعروفين.
فجعلت البنت تنخا محمد بن رثوان قائلة :
محمد يا راعي البل
فكر محمد بن رثوان ومن معه على الغزاه ومنعوا أبلهم وهو القائل :
[poem=font="Tahoma,4,black,normal,normal" bkcolor="transparent" bkimage="" border="double,3,tomato" type=0 line=0 align=center use=ex num="0,black"]
أنا هاضني فالظهر صياح ريبه = ومال غدوا به ذاهبين الحمايل
يا مرقب الخفرات لعلك الحيا = يجيك من نو الثريا مخايل
حيثه نطحني فيك بيضا عفيفه = تنثر على الامتان سمر الجدايل
تزهم وتنخا في رجال القبيله = من حب ذود لبسوها شمايل
تقول ذودي يا محمد غدوا به = اللي لهم شهب السبايا رحايل
الصوب الأيمن شبوا النار دونها = والصوب الأيسر ما كسب له جمايل
حلفت يا ذودك ما يروحون به = الا ان راسي من على الخيل زايل
اخاف أنا من هرجة وسط مجلس = اليا سولفوا ما بين عي وعايل
ابوكم قوم ما عرفتوا وسومها = وسومها على جنوبها دلايل[/poem]

__________________