نظرا لعدم تمكني من عدم تمكني تنسيق الموضوع
مع عدم استطاعتي التعديل فالموضوع في حينه
ارجو من المختصين اعتماد هذه النسخه من الموضوع
مع وافر التحيه والسلام



(ابوي ضلع ن نايد ن ما تجونه)


1-يـا مـن هـو اللـي للحكـم ينشدونـه
ان ابـحـلـوا بــالــرأي كــــل الـمـنـاديـب
2-ويا من هـو اللـي بالنقـاء يذكرونـه
ويامـن هـو اللـي جـل علمـه تجاريـب
3-ويا من هـو اللـي فزعتـه ينتخونـه
ان جـــا لـدهــام المـحـاجـي مـطـالـيـب
4-ويـا مـن هـو اللـي لابـتـه يفقـدونـه
واللـي حـضـر كـفـى بـكـل المواجـيـب
5-هـذاك جـدي يقصـر الحـكـي دونــه
لــو دوروا فـاهـل الجـمـايـل عـذاريــب
6-بـو نجـف جـدي والعـرب يعرفـونـه
انـشـد مــع الاجــواد شـرقـآ وتغـريـب
7-نجفـه مـن العـدوان مـا جــاه كـونـه
الا مـــن الجـلـطـه حـصـلـه تـسـابـيـب
8-يـاكـم خصـيـمٍ جـرعـه مــن غـبـونـه
فـي محضـرٍ جـاء للـدعـاوي مثالـيـب
9-شؤن الرفاقـه ينقضـي قبـل شونـه
يـركـض ولا يحـسـب كـبـار المتـاعـيـب
10-وابوي ضلع ن نايـد ن مـا تجونـه
ماهـو بجافـي راعـي الـعـز والطـيـب
11-في خدمته مفنـي شبابـه وعونـه
ان جـاه مـن عــوج الليـالـي مكـاريـب
12-ان جـات مـن حفـه يخلـص ديونـه
وان جات مـن ربعـه سترّهـا جلابيـب
13-ابــوي مــا خـيـب لـجـدي ظـنـونـه
والـشـاهـد الله ربــنــا عــالــم الـغـيــب
14-ياكـم علـى دنـيـاه تثـمـر غصـونـه
ويـاكـم بـعـد فـرقـاه ذكـــره تعـاجـيـب
15-مـا تقـنـع الاشـعـار تنسى حزونه
مـادام جـدي شالـح وابــوي لــه ذيــب
16-الشعـر مـا تخفـى عليـنـا لحـونـه
لـو كـان مـا تحكـم حـروفـه الأسالـيـب
17-بعض العرب هرج العرافه يخونه
وينزلـه مــن عـالـي الضـلـع لشعـيـب
18-طرد الحكـاوي واضـح مـن زبونـه
ناسٍ على ذيـول السوالـف مقاضيـب
19-برطـم زمنـا منـشـرم مــن سنـونـه
وايـديـه تمـسـك بالـلـحـا والتـلابـيـب
20-مـا عـاد بـه شــي يجـيـك بيكـونـه
الـعــد صـافــي وابـتـلـتـه الـغـثـاريـب
22-شيئاً طبيعـي يالـردى لـك نمونـه
والـمـوت يــا عـبـدان قــرب المشـاهـيـب
23-مـن ينـفـرد بـالـرأي تكـثـر غبـونـه
والـشـك هـمـه فالـصـدور المحاضـيـب
24-ويبقـى اشـداد اهـل المعـزه يصونه
مـن يكسـب العليـا علـى خيـر ترتيـب
25-ويـــارب تـرفــع مــنــزلٍ يـنـزلـونـه
في جنة الفردوس موعـد الاصاحيـب

مع تحيات الشاعر /ناصر آل جمان

__________________