يالله عسى (أ)هل الخير ماعاد يفنون
وعسى رعى الطيب يبطيب فاله
ترى رزقك يالعبد عند الرب مضمون
لكن خلـــك مــــع درب العدالــه
ترى رزقك اقرب من كلمة النون
لكن مالك مع حي(ن) عمالـــــــه
لا تصير على رزقك حرص ومجنون
يـروح رزقك ودينـك ضلالـــــه
حافض على المرجله والعرض مصيون
ونجرك مع الصبـــح قلط دلالــــه
خله من البن والهيل مدهون
ويقنب قنيب الذيب لاصك جالـــه
حتى النشامى على الحس ياتون
يبغون غمر(ن) كلامه سلالــــــه
وألآ الردي من دون في دون
عزي لـ جادل شلـــــــت عيالـــــه
لا زاد نفسه ولا زاد مديون
وحتى ماأحتال يزكــي حلالـــــــه