بسم الله الرحمن الرحيم


ياللي تذم الناس ماني بصاحبـك
وفـر كلامـك لاتهلـه علـيـه
كلامك اللي تسرده دبك في دبـك
وعلـوم مثلـك مالهـا قابليـه
ماني بخبل تنشبه في مناشبـك
والرجل يدرا زلتـن فـي خويـه
نقل النمايـم ماترفـع مناسبـك
تهفيـك وتـوردك للمهمهـيـه
طعني وهون عن طريقك واجنبك
يابوعـلـوم كلـهـا شقلبـيـه
وان كان ماهونت مرغت شاربك
حتى تجوز من العلـوم الرديـه
دور على شكلك ردي (ن) يناسبك
يهـز راسـه كنـه العارضيـه
وخاف الذي في كل شي يراقبـك
الخالـق المعبـود رب البريـه

__________________
محمد بن عبيان آل سالم الفهري