عاش من يعطي جزيلات العطايا & يوم ولد اللاش مايصخي حصيله>>>> عايض ابن حمد ابن جرعود
لا يخفى عليكم الشاعر المخضرم الكبير : عايض ابن حمد ابن جرعود الحميداني الحبابي القحطاني ..
فهذه قصيده جديده له , وقد قالها في : سالم ابن مطرف آل الجرو ..
####################################
عاش من يعطي جزيلات العطايا ** يوم ولد اللاش مايصخي حصيله
نادرٍ تجمعت فيه ا لمزايا ** من وصاة العود ماجاته دخيله
[من وفى سالم مخابينا ملايا ** مايعرف يمدّ مدّاتٍ قليله
لاعطا ينسى ماعطى من عطايا ** ابن مطرف شوق منسوع الجديله
بنت شيخٍ تتبعه دهم المرايا ** لا غدى بارودها مثل المخيله
سالم وابوه ذاك أبا الحكايا ** راعي الوقفات شيّال الثقيله
يوم وقت الجوع وسنينٍ عرايا ** فاتحٍ بابه وضيفاته تجيله
جاره الله من صواديف المنايا ** قدوة الحاضر ونبراسٍ لجيله
من هل الطولات لاجات الحمايا ** الفعول كبار والاريا دليله
آل الجرو مَرَوّية وِرْدٍ ظمايا ** لازبنهم واحدٍ يومي شليله
شيخهم قبلان محمود السجايا ** التواضع والكرم عنده وسيله
من عبيده فخرنا بين البرايا ** قوم ابن شفلوت حمّاي الذبيله
مترك اللي تعرفه كل البرايا ** والجدود شهود والقبَّ الاصيله
آل شفلوت يقودون السرايا ** وعبيده خلفهم نعم القبيله
عاش من يعطي جزيلات العطايا ** يوم ولد اللاش مايصخي حصيله
#######################################
التعديل الأخير تم بواسطة آلشآيب ; 01-06-2011 الساعة 10:53 AM