محمد ال مسعود وقصيدة عطر الحجاز
السلام عليكم
اقدم لكم قصيدة متواضعه اتمنى ان تنال اعجابكم
عطر الحجاز
جيت ساري في ظلام الكون خابر فيك نور *** يالحجـاز الـي خذيـت اشراقتـك مــن نـورهـا
جيت وفي نفسي سوالً حايراً به من شهور *** ولالـقـيـت الا يبـشـرهـا بـقــرب ســرورهــا
يابحـر والله خـابـر ريحـتـك ريـحـة عـطـور *** مـن زجاجـة عطـر مانـي نـاسـيً عطـورهـا
يابحـر الظاهـر انــك خـابـرً ذيــك الشـطـور *** والله انــك خـابـر سـبـت صـيـاغ شطـورهـا
وخابـر انـي لانصـيـت ثــار مــوج مايـثـور *** ثارت الذكرى القديمة وحطمـت فـي سورهـا
كل صفحة من كاتب الذكريـات لهـا سطـور *** تمتلـي باحلـى الحـروف وتمتـلـي بشـرورهـا
واشهـد انـه ماكتـب لـي الا حـروفً ماتبـور *** والله انـي اختنـق عبـرة لا شفـت سطـورهـا
واختنق لامن طغى همي وضيعـت السـرور *** والليـالـي زودت جــرح الـصـدور بـجـورهـا
كـل مـا زادت ريـاح البـعـد تلقـانـي صـبـور *** والرجال تضام ما تظهـر خوافـي صدورهـا
والـصـدور اسـرارهـا خافـيـة مـثـل البـحـور *** وهـم قلبـي دافنـه فـي وسـط غــب بحـورهـا
يابـحـر استـاذنـك يكفـيـك مـنـي ذى العـبـور *** عينـي الـي تسألـك هـانـت علـيـك سـرورهـا
رحت والخطوة تعثر فيها عرجـات وكسـور *** والسـوال بـلا اجـابـة ويــن ريــح عطـورهـا
http://www.youtube.com/watch?v=-3gnfaExN4Q
وسلامتكم
محمد ال مسعود
2010