ردالشاعر/علي ابن ناصر ابن معيض ابن حاليه ال سعد
على قصيدة الشاعر/يحيى ابن علي ابن يحى ابن شرمه ال محنن
[poem=font="Simplified Arabic,5,darkred,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="1,black"]
ياعظيم الشان يللي ما تزالي =فزعتك للي همومه سرمديه
بسمك ابدا والغنا جاله مجالي =هاضني من هاضني والنار حيه
ياهجوس الشعر من ضيقات بالي =ودنا نبدي بعالية الحجيه
في عجب شيخ بقيفانه عنالي =حي من جاب الورود الطايفيه
شاعر ومعرب جدوخالي =من رجاجيل على العادي جريه
له علي حقوق في سلم الرجالي =عاني واشوف له حق عليه
فاله الفنجال من صفر الدلالي =والشحم والعودعقب الشاذليه
في لزومه مرخص مالي وحالي =لعنبومن بدل النيه بنيه
سلمنا مافيه شك ولاجدالي =والشواهدبينه ماهي خفيه
من عصور جدودنا والسلم عالي =وكل رجل عارف سيرة خويه
فيا نديبي فوق فردمن التوالي =دق سلفه وتجه للفيصليه
انص ابن شرمه ذرى من كان جالي =راعي الطولات محمودالسجيه
سلمه ردي قبل قيل وقالي =قبل ما ينشدك عن سرالقضيه
قله الموضوع ما يبغا جدالي =لايدور للرباع وللثنيه
الرباعيه عساها للزوالي =الجرب بزغونها ومحق قنيه
والثنيه بين ميل وعتدالي =مشبهانيه عساها للمنيه
دام ابوها ملحضانه لاتسالي =الحضانه ماوراها الا لذيه
والله انها ما تعد امن الغوالي =والمزاين مالهابه قا بليه
يبن شرمه جاك مردودالسوالي =والمعذره كان باق له بقيه
ونت لاتزهم بعيدولا مصالي =خل كل من العرب يحصدذريه
وقتنا يا خوك نصب وحتيالي =من كثرماله يشكل له سريه
ونت لايشحنك عبادالريالي =المطيه خابرين انها مطيه
لوتزبرنيها مثل التلالي =اخر المشوارنذبحها ضحيه
والخبيل اللي على الساحه يلالي =كل يوم وهويدور له عطيه
شاوي ما اضن يبخص في الجمالي =قام يقصدفي التيوس العارضيه
سيرته معروفة بول وتالي =ماكلا عقب العرب كون التريه
علموه اهل الغنا طبع الدلالي =لين صار اللاش مخرج مسرحيه
لاتروعه لين تلزمه الحبالي =ون سلم له عام قله ياهنيه
والرجال اهل الشيم يبن الحلالي =لاتبي تخطي ولاتقبل خطيه
ونت يا يحيى تريح في الظلالي =ما عليك اخلاف يا زبن الونيه
محزمك مليان ودروعك جبالي =ويش لك بهل العروض الموسميه
والرشا لا ركب من فوق المحالي =الظوامي ما نصدرها ظميه
واليمين اللي تبرا من الشمالي =ما تعدايمين والذمه بريه
ونت ميزفي القصار وفي الطوالي =لدعينك من نحيه في نحيه
ولاتلحقني ملام في مقالي =يا مغني باللحون السامريه
ودنا نرضيك من حال لحالي =لونزعل من العرب ميه وميه
ون بغيت تزورني داخل حلالي =مرحبا بك عدهمال الرفيه
واجبك نثنيه يا وافي الخصالي =ان لفيت بصبح ولا في عشيه
العواني قدرهم فوق العلالي =ومن قصرجعله رصاص البندقيه
والله اني يا كريمين السبالي =في علوم الطيب مبغالي وصيه
لوزماني طول وقتي ما صفالي =احمدالمعبودلي نفس غنيه
ون رفعت الصوت للدرع الموالي =ماعلي خلاف والربع اسعديه [/poem]

وسلامة الجميع

__________________
[poem=font="Simplified Arabic,5,darkred,bold,normal" bkcolor="transparent" bkimage="" border="solid,4,black" type=0 line=0 align=center use=ex num="1,black""]
مرحوم يا معرب الجدين والخالي =من روس دعوى سعد تعرف عزاويها
ابوي يا مقرع للحق مامالي =يفرض فروضه وبدعوى يقاضيها
منصا لربعه ولضيفان مدهالي =الباب مفتوح والكرمات يثنيها
كريم عارف شجاع ماهو يبالي =يمنع ويردع وياقف عند حاضيها
يشهد بفعله حجا الحافر ولنقالي =بمات تاجين ما يخطي مراميها
يوم لفانا العدو رجلي وجمالي =يبغا مفالي لنا يرعى مراعيها
عود كسير وجاز من التخبالي = والرجل من جور مافيها يشاديها
هذي فعوله فعول ماهي اقوالي =قول بلا افعال عيب انا نطريها[/poem]