ارحبو يارجال
حي والله ذا الروس
لاهنتو والله لاهنتو ويعطيكم العافيه على المجهود الطيب ياابومسفر
انت واللي معك من الأخوه الأعزاء ومشكوروين على التغطيه الكامله لمزاين ام رقيبه .....
وابارك واهني الشيخ عمير بن فهد ال روق القحطاني على حصوله على المركز الثاني مغاتير
والحقيقه ان ابوفهد ماقصر من العام وهويستعد للمزاين واستطاع في فتره وجيزه اقتناء سلالات
نادره من الوضح ..وهذا مؤشر قوي جدآ على دخول عمير في منافسه مع فنجال والطهيمي بصفتهما
اشهر ملاك الوضح ..
وابو فهد والله يقولون انه خذا المركز الأول على اهل المخيمات .. باالعلوم الطيبه والمجلس اللي محيينه
عوال الشايب وهبات الريح ...من غير قصور في القبائل الأخرى
كما نهني ء الشيخ حمد بن غديف ال سعد على حصوله المركز الثالث مجاهيم ونبارك له مع العلم انه
نافس اشهر ملاك المجاهيم في الجزيره العربيه اللي هم الفصام واهل الأمارات .. لذلك نقول بيض الله وجهك
وماقصرت ياحمد
واشكر الشيخ جمل بن شري على المشاركه في ام رقيبه هذا العام ..في مزاين الشعل واعتقد ان الشيخ
جمل تعرض لبعض الظلم وفضل الأنسحاب ..وعلى العموم بيض الله وجيه قحطان اللي شاركو ..ولاعاد نقول
في اللي ماشاركو الا خير ...

اتمنى ان يشارك ملاك ابل معروفين مثل هيف في المغاتير وابن جربوع في المجاهيم وابن بلاع ال مريتع
مجاهيم ..وال سويدان لديهم من المجاهيم ماقد يكون له نصيب الأسد من الجوائز ..

وعلى العموم لي وقفه ونقاش واقتراح لرجال الأعمال وملاك الأبل في موضوع مستقل

واخيرآ .. اشكر شبكة قحطان على تواصلها معنا وتغطيتها المميزه جدآ لجميع المناسبات التي تهم اعضاء ومتصفحي
الشبكه ..والشكر لأدارة الموقع والمراقب العام ..
اخوكم
خالد