[poem=font="Simplified Arabic,6,darkred,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]

=حسين الحبابي

مرحبا عند ابن ساري عد ذعذاع الهبائب = عند شيخ نفتخر به من مشايخ القبيله

يالزلامي ودي اكسب خبرتك شاعر وشايب = وليله جابتك تسوى عندنا خمسين ليله


=رشيد الزلامي

البقاء ياشاعر مدري من اول واين غايب = مستعد اعطيك علم تتركه والاتشيله

كان ودك تنطح الطابور وتسوي عجايب = سل سيفك وانطح الخيال قبل يشد حيله

=حسين الحبابي

ان حضرت العب مع الشعار واسد النوايب = والحقيقه عن كثير الهرج يكفينا قليله

يالزلامي حن هل الطاله عطبين الضرايب = والمصيبه هزمه الشايب صعيبه مستحيله

=رشيد الزلامي

انت وافي والعلوم يجي بها مخطي وصايب = والصحيح يبن والماء ماتغطيه النثيله

وايش رائك نتجه للشرق ونحث الركايب = والسرى والسير فيه الخير وسهيل الدليله

=حسين الحبابي

انت رمز الشعر ومسوي لخلق الله عقايب = لكن ان جبت الثقيله مالقيت الا الثقيله

=رشيد الزلامي

ياجماعه هالولد يمكن يجيب لنا مصايب = مير قولوا للولد يبعد عن السيل ومسيله[/poem]



محاوره مع الزلامي في صالح حسين بن شتوي 100%

رشيد الفحص الدوري للشعراء بس ودي انها طالت شوي


والله يبيض وجه حسين واحتكاكه مع كبار شعراء يفيده

__________________