السلام عليكم ورحمة الله وبركاته


قصيدة القيتها في حفل زواج الشيخ مسفر بن محمد الصوع كود شهران حيث ناسب الشيخ فهد بن مشعان الزهيري عبيدة قحطان


بحضور شيخ قبائل كود حاضرة / وبادية محمد بن سعيد الصوع وشيخ قبيلة زهير / علي بن مسعود ابو سكيته وجمع من الحضور


اقول


[poem=font="Simplified Arabic,6,blue,normal,normal" bkcolor="transparent" bkimage="" border="none,medium,gray" type=4 line=1 align=center use=ex num="0,black"]
التهاني جات والأفراح جات=والمعاني ساع جات مدسّمه
والقوافي جات من كل الجهات=والهجوس مداومه ومسلّمه
يا نهر دجلة ويا شطّ الفرات =يلزم الملزوم شيّ يلزمه
ما بقى لي غير اعسف العاصيات=المهار اللي ما هي بموسّمه
شرّد لا بتّ ما تقدر تبات=شغلها بين النقط والترجمة
غير لامنها درت بالموجبات = اتّشكّل قبل بري المرسمة
في عجب ربع تعشق الطايلات=ابتدي بالقاف ما ودّ اختمه
مرحبا من طيب راس وطيب ذات=بالورود موشحه ومختمه
مرحبا الف .. وملايين .. وميات=يا رجال طيبهم طبع وسمه
مرحبا باهل الفعول الماضيات=شهران .. اهل الفعول المعدمة
شهران .. اهل الخيول المسرجات=شهران .. اهل الوفا والمكرمة
شهران .. أرسى من جبال السراة = والجبال محدده ومعلّمة
شهران ليا عتزو بأسماء البنات=تكسر الحرّاب وتهدّ علمه
خصمهم يبشر بحدّ المرهفات=تجبعه من بين عظمه ولحمه
وان ذكرنا كود قوم المجزات =انفتح باب الفعول الملهمة
يكسبون المدح لا جاله طراة = .. وافتخر ماني باحب التمتمه
امدح اللي يكسبون الطايلات=واصطبر عالموت ما اعزّ رخمه
ومحزمي عند احتكام المعضلات=لا افتخر كلّ برمحه وسهمه
عزوتي قحطان متعبة الرّواة = محزم يا سعد من حن محزمه
قحطان اسم بدون مقدّمات=يتترجم ما يبيله ترجمه
وش فرقنا عن عيال الأمهات ؟= غير ثنتين تردّ المظلمه !
الخوي .. منا ما يلقى الهافيات=نفرش له الارض ورد ونكرمه
والعدو .. حتى لو ان ودع ومات = ما نكبّه لين نشرب من دمه ![/poem]


.
.
.
.

وسلامتكم