"ماكنت أحسب الصديق اَصلاً يخليني "
صبحكم / مساكم الله بالخير جميعااااا
قصيده لاخوي الغالي العزيز على قلبي ابو خالد الشاعر / رحيل الوهبي الشمري
ملاحظه : القصيده جديده والشاعر قالها بلسسسانه صحيحه كامله والكامل وجه الله سبحانه اي خطا في القصيده مني انا او اي خطا مطبعي مني انا.. الشاعر قالها صحيحه كامله وافيه وانا اتحمل اي خطا الشاعر ماله خص.
اذا كانت كامله الحمد الله ... واذا كانت فيها اخطاء مطبعيه مني انا ودمتم سالمين .
القصيده :
"ماكنت أحسب الصديق اَصلاً يخليني "
"لاصكت ظروفي وضيعت مخراجه"
اَلين ما أحتجته وِصفقت بيديني
"أثر المراجل تبين بحزه الحاجه"
ياقلب لا تشكي وتكفين ياعيني
"باب فتحناه بنصكه بمزلاجه"
الله يسامح رداه ولا يعنيني
"ويالله عطني على النيه يافراجه"
تدري ياربي من العامين وش فيني
"وأدله النفس والاَيام منعاجه"
أضحك واسولف ومافيني يكفيني
"لو الظروف أسود من الراس والصاجه"
أحيان أقول الزمن وقتي ويغليني
"وأحيان أحسه يعقد القلب واَحجاجه"
أسكت وصابر مثل صبر البعاريني
"وأتحمد الله على المقسوم واواجه"
واللي ذبحني وأنا بأول ثلاثيني
"اللي نكرني وأنا اللي مولع سراجه"
اللي عرف قدري وطيبي وتكويني
"وأصبحت أنا طبه وفزعاتي علاجه"
اليوم جيته صديقي بس ناسيني
"وأعصابه أبرد من الثلجه بثلاجه"
أثر المصيبه تجيك أحيان نوعيني
"مره تجيك بخفاك ومره مواجه"
وأثري عرفت الحقايق مرها زيني
"ويبين معدن صلابتها من إنتاجه"
" والحين شفت ( الجروح) بقلبي وعيني"
" الله يسامح ( رداه )ويقطع الحاجه "
للشاعر ابو خالد / رحيل الوهبي الشمري
التعديل الأخير تم بواسطة ناصر.الخبر ; 06-01-2010 الساعة 01:55 AM