رد : مقتل ســـــلطان بن شــــــــفلوت وثأر الفـــــــهر له
[بسم الله الرحمن الرحيم
الحمد لله اللذي شرع الحق وجعلنا متمسكين به
والصلاة على خير خلقه قدوتنا محمد صلى الله عليه وسلم
اما بعد
صبيان قحطان
ما ضنيت البل تارد بهذه الطريقه
والاساطير الخرافيه اللتي لا يصدقها عقل ولا يدركها صاحب درايه
كيف بنا نرضى بها
انا لا ارضى بان اسطر اساطير خرافيه واكتبها بمنتديات شهران( مثل هذا الموضوع )
واترك من يطبل يطبل ومن يعرض فالميدان وسيع وكل طير بيلقى رزقه
الاخ سعيد سالفتك هذي عين الخطاء والرقيطاء ديرة صبيان الرمثين لم تشهد هذه الواقعه
كيف صح وانت لم تكتب الارقام ولا الاثباتات
كيف تثبت موضوع ليس له صله بالواقع الصحيح
اما من ناحية القصه الحقيقيه لمقتل ابن شفلوت
واليكم السالفه كامله ومثبت واللي يزل على الرجاجيل تدرون بقدره
(( المقتول من جدان عشق العبيد
جاء هو وخويه من صوب ام زرير >> هظبه حول الرقيطاء
واحدن رجلي واحدن منهم على ذلول
وكان (( ثقل بن سريح )) >> من لحمة يقال لهم (( اللهامين)) يدور له وبران بالهظبه
وكان بن شفلوت يقول لخويه
ما نبي نعرض على (( روا )) حد من حدود الرمثين مع اكلب
لان بيننا وبن هل الرقيطاء خوه وان شافونا ما فكونا الا بعد ثلاثة ايام ( حق الكرامه عند العرب )
وكانت خوتهم عند (( بني عمر )) >> الرمثين
وكان شيختهم عند الشيخ سلطان بن شايق
اللي وقف معهم بعدة حروب مع (سبيع الغلبا )
الوكاد
ان ثقل لمح الذلول من بعيد
وهم بعد ما طبوا حدود الرقيطاء
يبارون الرقيطاء
فقال بسبر لهم الين اقرب منهم ولاني بجايهم من قدام الهظبه فيشوفوني
تعقبهم الين بركت ذلولهم بقاع الهظبه
وكان جنب الذلول اللي صوبه الوسم ماهوب فيه
وكان يعرف وسم الشفاليت
الوكاد انه صوبه في جنبه
يوم ثارت للذلول يوم بحظت
فشاف الوسم
فقام يلطم وجهه
ويقول
( ياوالله اللي ثارت من خوي لخوي )
فكان رفيق بن شفلوت رايح يجيب ماء من العد
ويوم سمع ثورة البارود قال اكيد خويي ذبح
وان عودت بذبح حتى انا
فطق صوب ( الجنينه ) ديرة ( بني سعد ) اكلب
وكان يسكنها بعض القحاطين
فركب الذلول انت يا ( ثقل )
وهو ناصي الرقيطاء
ويردد
يا والله اللي ثارت من خوي لخوي
ودخل الرقيطاء
ولحقوه خيالة الرمثين عسى مابه خلاف
ما وقف الا اذان العصر وكان حياة فهيد بن شايق يتوظى للعصر
لقولة فهيد
(( اعقب ياثقل ارب منت بذابحن راعيها ))
قال (( ثقل ))
لا والله الا الحمارة الخظراء ولدت
فقام بعض الرمثين اللي بالمسجد وبعد ما صلوا
ويجونك هجيج صوب سلطان يبن شفلوت
ويقومون ويرسلون الخبر للشفاليت وارسلوا المرسول
قالوا ان جوا بحرب بحرب وان جاوا بصلح بصلح
وثالث ليل
جاء من الشفاليت 8 رجاجيل مالهم تاسع >>>> عين العقل
قالوا ايش السبب
قال ما عرفته ولا شفت الوسم والله لو اني داري انه هو ان ادسم شاربه
قالوا ما جينا ندور للرقع نبي دينك انك ذابحه ماتدري من هو من طشمه
فحلف ثقل وهو قاعد
ثم قام وحلف
وتعازموهم صبيان الرمثين من هل الرقيطاء
وجلسوا ثلاثة ايام
ثم راحوا
وجلست تسمى الى يومكم ذا هظبة بن شفلوت
والا ذبحته ماهيب عمد
ولا جاء فيها قظا
.............................................
انتهى
...............................................
كتبت كل شي لانه يهمني الصدق لا التطبيل ولا العنصريه
ارجوا من اي شخص يكتب يكتب وهو قد ما يكتب.