اخواني الكرام
مساءكم الله بالخير جميعا واليكم هذا القصيده الذي اتمني
ان ترتقي الي ذائقتكم الشعريه ولعلها تبر غيابي





[poem=font="Simplified Arabic,6,darkred,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
هيه ياشعري تولم دام نارك حيه=اكرب حزامك وانا ببشرك بامالي
اقدحك من راس زندي مانته بعاريه=لابغيتك صخر العسرات لي طوالي
وان زهمتك شوش وازهم وانعت الجنيه=ماني بمجنون لكن طيبتي بهبالي
شاعر اشوش وانظم والعب الرديه=واتقن البيت الموجه لي مع الموالي
وانت ياللي غرك الوقت وخذاك شويه=طرت في العجه مع اهل الخيل ياخيالي
انتبه حاسب ضميرك لاتحاكا فيه=والله ان شرهه هل البكره علي الجمالي
ماحسبت احساب ناس تقلب الطاقيه=مثلك وشرواك ما يطري ولافي بالي
والله ان علومكم مكتوبه مقريه=في الزمان الاولي و الاالزمان التالي
لايغرك في المنصه سكبه الشخصيه=ولايغرك لوعطوك الشيك بالف ريالي
انت والله يالمغفل حاجه عاديه=ولا انت قد الرجال اهل المقام العالي
الشعر ياهل الشعر تكفون لدوا فيه=واسمعوا لي وانصتوا ياطيبين الفالي
الشعر ماهوب وزن البيت والقافيه=الشعر مثل الذهب غالي ووزنه غالي
الحداثه دخلوها الشعر بالجبريه=ناس ماتعرف حداثه شعر بس تلالي
ارفعوا قدر الشعر في المدح والمرثيه=وانقذوا شعر النبط يا اصحابنا العقالي
حالفن ما اجر موالي مع الطرقيه=ولاتعرض ناس متعني ولاتعنالي
دام محسن راح بحروف الهجاء الالفيه=ودام شعره ما غدا منه ولامثقالي
ودام مابه للشعر في المجتمع ماريه=ودام مايكتب بواقع سيره الابطالي
ودام بعض اسلافنا اشعارهم منسيه=ليش مايرتاح بعض الناس من الاشغالي
ودام صار الشعر مثل بضاعه مشريه=كل شاعر مايصونه جعله السلالي
لين يكتب له قصيده كلها ايجابيه=مايعريها ويذريها من العذالي
وكان مايقدر يروح لمدرسه فكريه=يستفيد من الدروس ويشرب الفنجالي
لين يفهم ويتعلم لبسه الطاقيه=ويتفنن في القصيد وجره الموالي
والله اني من رجال كل ما جاء هيه=اعتزي باسم الحباب ويفتخر بي خالي[/poem]

__________________
[poem font="Simplified Arabic,5,white,bold,italic" bkcolor="transparent" bkimage="backgrounds/21.gif" border="ridge,10,gray" type=1 line=0 align=center use=ex num="0,black"]
سلام ياهل الوفا ذربين الافعالي =ياعزوتن في الملا قى جمال وجبالي
من شان ربعي حضرت و برخص الغالي=واناالحبابي وهذا اسمي وتوقيعي [/poem]